Luka 5
5
Yesu walela bayidi bakubushi diyi
(Matayi 4:18-22; Maku 1:16-20)
1 #
Mat 13:1-2; Mk 3:9-10; 4:1. Mutshila munga hakadu Yesu muamana ku mbambadi ku dishiha di Genesaleta, neku batu bandi bakadu babondolangana hahehi nandi bu kofu diyi di Tshiambi. 2Ukamona matu abidi mamana kumbambadi ku dishiha; balohi baka tambuka mu buatu bu kukusula mata abu. 3Yesu ukabuela mu buatu bumu bukadu bu Simona, uka muambila ne, mana tambuka ku mbambadi kuku: Haka maneyi kutueyi, ukashakama mu buatu neku ukabanga kuha batu dilesona diandi.
4Haka maneyi kutueyi, ukambila Simona ne: “Shekeshi buatu ku mayi a mutshiendi, neku wewu yi bamudiebi welayi mata enu nuloha.”
5 #
Yo 21:3. Simona uka mukudumuna ne: “Muyishi, tuhuesa mudimu butuku bu bushima katukuatshila katu: Anu ku diyi diebi, naya kuela kabidi mata.” 6#Yo 21:6.Baka ela, baka kuata nyishi mindi neku mata akadu ata handika. 7Bakela ba mudiabu balohi banga bakadu bashala mu buatu bunga diyi baka bediekeshi makatshi ne duakayi bukudua bakuatshishi. Bakadu neku bakowoshi nyishi mu matu osu abidi, huaa yi matu akadu atadimi mu mayi. 8Hakamona Simona Petelu neku, ukasa binu hashi kubushi ku Yesu ukamba ne: “Shashendi tambuka hahiehi nami bualu nadi mutu mubodu!”
9Neku Simona yi bosu bakaduebu nabu bakofu bowu, bu bundi bu nyishi ika kuatebu. 10Bikadu mushindu umu kudi bosu bakadu bo Simona, Yakobu, Yone, bana wu Sebedayi. Neku Yesu ukambila Simona ne: “Kofu bowu, kubangishi lelewu uyakuakala mulohi wu batu.”
11Baka kutshi matu abu kumbambadi, bakalatshiela biosu bu kulamata Yesu.
Yesu wandondoha muena sudi
(Matayi 8:1-4; Maku 1:40-45)
12Neku hakadu Yesu mu bula bunga, mutu ukadu bo mbabala yi sudi. Haka moneyi Yesu, ukakuma hala hashi kubushi kuandi uka mulomba ne: “Shashendi, mbe wataboshi, udi mu kuakusula bua duaka biami ulengela!”#5:12 Yi kusule: Mbabaleyi ikadu yaduishi mutu mubodu.
13Yesu ukolola dikatshi ukamukuata, ukamba ne: “Nananga uduaka ulengela!” Anu hahu sudi ikahu. 14#Lew 14:1-32.Kunyima Yesu ukamuambila bikola ne: “Kuambidi mutu bualuebu, neku yaka udiebeshi kudi muena mudimu wu Tshiambi, ufila mulambu ukamba Mosa, bune batu banga bashadika ne ufofu malonga.”
15Neku Musahu wu Yesu ukaduduka kuku yi kuku, tshieyi wu batu bakadi sangishi bu kofu bo kudiondoheshi ku mbabala yabu. 16Kadi Yesu ukatambuka bu mukadu tshilele tshiandi, uka hengama bu kulomba Tshiambi.
Yesu wandondoha mutu mulebela bilemba
(Matayi 9:1-8; Maku 2:1-12)
17Mutshila munga Yesu ukadu wayishi batu, mukakatshi muabu mukadu Bafalesa bo bayishi ba biadi; bakatambuka ku mangandu osu mu Ngalela, mu Yudayi ibo mu Yelushalema. Yesu ukadu bo ngudu yi Shashendi, ikondoha bena mbabala. 18Batu babalumi bakadu, batshuala mutu ha tshihoyi mulebela bilemba; baka tshiatshieba mu kumubueshi mu subu bu kumuteka kubushi ku Yesu 19Bu mutamonebu mushindu uku mubueshi bu mukadu tshieyi wu batu, baka mubandishi ha lutanda lua subu, baka lutubula ditundu, baka mubueshi ha tshihoyi tshiandi mukakatshi mu batu, baka muteka kubushi ku Yesu. 20Haka mona Yesu kuataboshi kuabu, ukambila muena mbabala ne: “Mudiami, bakofuela muengu ku bubodu buebi.”
21Bayishi ba biadi bobu Bafalesa bakabanga kudiokoshi: “Yewu haku yi ngenye watuka Tshiambi nekue? Ngenyi udi muku shimishila batu bubodu, biakaleyi ka Tshiambi kayandie?”
22Yesu ukalubuka lukanyi luabu, ukabokoshi ne: “Bukayi nualela lukanyi luneku mu nyinga yenue? 23Tshidi tshihuhula bukuamba tshingenye ‘Kuamba ne bakofuela muengu ku bubodu buebi,’ anye kuamba: ‘Ne bika hashi uyake?’ 24Neku nananga nulubuka ne: Muana wu Mutu udi bo ngudu ha buloba bu kushimishi bubodu.” Neku ukambila mutu mubokoki ne: “Nakuambiambila, bika hashi, wangata ka tshihoyi tshiebi wu hingangana kuebi!”
25Anu hahu, mutu ukabika kubushi ku batu bosu, ukangata tshihoyi tshikadueyi mulala ukayi kuandi yi kutshuamika Tshiambi. 26Bosu bakakema Bakatshuamika Tshiambi. Bowola sebi yi bowu; bakamba ne: “Lelewu tuamona tshihingu!”
Yesu walela Lewi diyi
(Matayi 9:9-13; Maku 2:13-17)
27Kunyimaku, Yesu ukatambuka neku ukamona mulambuishi wu bitadi dina diandi Lewi, mushakama ku muaba wandi wu mudimu. Yesu ukamuambila ne: “Ilamata.” 28Lewi ukabika, ukaletshiela biosu neku uka mulamata.
29Neku Lewi uka mulambishila bidi bindi mu subu muandi; balambuishi ba bitadi bosu bo batu banga bakadu nandi ku mensa. 30#Lk 15:1-2.Bafalesa bo bayishi ba biadi bakadu ba nunguna; bakokoshi bayidi bandi ne: “Bu kayi nudiadi, nunuanu kabidi bo balambuishi ba bitadi ibo batu babodue?”
31Yesu uka bakudumuna ne: “Batu badi bo ngudu kabena bualu bo ngangabuka, anu badi bo mbabala ka badi nandi nyinga. 32Tshiadu bu kutshieba batu badiamona ne badi balengela kadi nakaduila bu kutshieba batu babodu bua batambuka ku malu mabodu, bakudumuka baduaka batu balengela.”
Dikonka ha kushila bitu bikudi
(Matayi 9:14-17; Maku 2:18-22)
33Batu banga bakambila Yesu ne: “Bayidi ba Yone bo ba Bafalesa ba kuata bishila misangu mindi ne balomba Tshiambi, kadi bebi bayidi badiadi, banuanu.”
34Yesu uka bakudumuna ne: “Nualela lukanyi ne nudi mu ku shidika mambayi a muena bulandi bitu bikudi hadi muena bulandi buandi muakala nabue? 35Kadi tshitshietshi tshiyadu, tshina tambulebu muena bulandi mukakatshi muabu, tshitshietshiatshi baya kuata bishila.”
36Yesu uka belela kabidi mukunda ne: “Mutu kena mukuhanda tshibesa tshi mundala muhiamuhi buku tshikuatangenyeshi ku mundala mukulukulu; kanana tshibesa tshi mundela muhiamuhi tshiya wuhanda, katshina dieshangana bo mundala mukulukulu. 37Neku mutu kena mukuela malufu mahiamahi mu mindiembi mukulukulu; bu kanana, malufu mahiamahi ayahanda mindiembi, malufu osu aya hukuka bo bilowu biya handika. 38Kadi bidi bilengela kuela malufu mahiamahi mu bilowu bihiabihi buane bubidi buabi bishekema malonga. 39Ka bukayi, mutu kena mukunanga malufu mahiamahi biakaleyi wu mananu kodi, neku uyakuamba ne: “Malufu malala ka adi ashema.”
ទើបបានជ្រើសរើសហើយ៖
Luka 5: KBT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word For The World International
