Luka 3
3
Buyishi bu Yone mubatishi
(Matayi 3:1-12; Maku 1:1-8; Yone 1:19-28)
1Tshikadu tshitshietshi tshi mitshiyi disandi yi itanu tshi bu nkolomu bu Kayisa Tibeliya; hakadu Posu Pilatu ngufena wu Yudaya, bo hakadu Heloda nkolomu wu mu Ngalela bo hakadu munabu Filipoyi nkolomu wu mu bula bu Ituliya, bo Takoniti yi hakadu Lusaniya nkolomu wu Abilene, 2hakadu Anna yi Kayafa batu balema batueyi meyi a Tshiambi. Diyi di Tshiambi dikadu kudi Yone, muana wu Sakayi mu muaba momu. 3Yone ukayi ku miaba miomu yosu ikadu hahiehi bo mayi a Yadena, ukadu wambiambila batu ne: “Kudumunayi biesedi bienu, nubatishibu neku Tshiambi uyanofuela muengu ku bubodu buenu.” 4#Yesh 40:3-5.Musahuewu ukadu uteyi mufunda mu mukanda wu mupolofeta Yeshayi:
“Diyi di mutu walela lubila mu mbata:
‘Yongeyayi shila wu Shashendi,
ololayi mialu yandi!
5Yongeyayi mialu yosu idi bihokolu,
hongu bo bihokolu nubishakameshi malonga.
Ololayi bihokolu biosu bi mu shila,
nuyongeyi mialu yosu idi bo bihokolu.
6Batu bosu bayamona luhandu luduadu kudi Tshiambi!’ ” 7#Mat 12:34; 23:33.Tshieyi wu batu ukadu kudi Yone bukuba batisa, yeyi ukabambila ne: “Nuenu bana ba nyoka!” nganyi: “Wanuambila ne nuyahanduka ku nsamu yi Tshiambi inadue? 8#Yo 8:33.Kuamayi bimuma biabebeshi kukudumuna ku biesedi bienu, kanudiambidi kayenu ne: Abalahama yi mukuetu! Neku nanuambiambila ne; Tshiambi udi yi ngudu ikukudumuna mabu bune aduaka bana ba Abalahama! 9#Mat 7:19.Hitshiowu katshiendi kadi kaladikishi ku dishina di mutshi, mutshi osu utashi kuema bimuma, baya ukala bayawela mu diku.”
10Batu bakamokoshi ne: “Tuesa bitshie?”
11Ukabakudumuna ne: “Mutu udi bo mindale ibidi uhaka muena kuabu utashi nayi umu; udi bo bitu bikudi wesa biandi momumu.”
12 #
Lk 7:29. Balambuishi ba bitadi bakayi biabu kudi Yone baka mokoshi ne: “Muyishi tuese bietu bitshie?”
13Ukabakudumuna ne: “Kanubudi nganga wu tshitadi mudikishi ha wanuambilebu,”
14Basalayi bakamokoshi biabu ne: “Tuetu bietu tuesa bitshie?” Ukabambila ne: “Kanuangatshi tshitu tshi mutu ku ngudu, kanudimbididi mutu bualu, yangilayi bo difutu dienu.”
15Batu bakadu bamuakundi bakela lukanyi ne Yone ukadu Kilisitu. 16Yone ukabambila bundi buabu: “Mimi nanuabatisa mu mayi kadi uduadu kunyuma kuami udi muadika, tshiena bo ngudu yi kusula mioshi yi bisabata biandi. Uyanubatisa mu nyinga ulengela bo mu mudilu wu Tshiambi. 17Udi bo musengu mu makatshi andi bukusungula masangu bo bisota, uyalama masangu kadi uyakoshi bisota mu mudilu utashi shima.”
18Yone ukabambila Musahu Ulengela, ukakoleshi nyinga yi banga. 19#Mat 14:3-4; Mk 6:17-18.Neku Yone ukayalanga mutu ulema Heloda uka tshuamikebu mu Ngalela; bualu ukatombi Helodia, mukashi wu munabu, neku bualu ukesa kabidi malu mabodu mandi. 20Neku Heloda ukesa bualu bunga bubodu ukeleshi Yone mu buloku.
Dibatisa di Yesu
(Matayi 3:13-17; Maku 1:9-11)
21Hakabatisa Yone batu bosu bo Yesu kabidi; hakadu Yesu walomba Tshiambi, diwulu dikabuluka, 22#Gen 22:2; Misam 2:7; Yesh 42:1; Mat 3:17; Mk 1:11; Lk 9:35.neku Nyinga Ulengela ukamutulukila buene kakudimba. Diyi dikofoka mu diwulu: “Udi munami unananga, mu wewu nafofu diyangi.”
Ba mukuabu ba Yesu
(Matayi 1:1-17)
23Yesu ukadu bo mitshiyi bu ku masandi asatu, haka bangisheyi mudimu wandi, neku batu bakadu balela lukanyi ne yi muana wu Yosefu mbe, yi muana wu Heliyi, 24muana wu babalumi wu Matata, Matata muana wu babalumi wu Lewuyi, Lewuyi muana wu babalumi wu Melekiyi, Melekiyi muana wu babalumi wu Yoneah, Yoneah muana wu babalumi wu Yosefi, 25Yosefu muana wu babalumi wu Matanah, Matanah muana wu babalumi wu Amosa, Amosa muana wu babalumi wu Nahuma, Nahuma muana wu babalumi wu Heseli, Heseli muana wu babalumi wu Nangayi, Nangayi muana wu babalumi wu Mata 26Mata muana wu babalumi wu, Mata muana wu babalumi Matatiya, Matatiya muana wu babalumi wu Semeyi, Semeyi muana wu babalumi wu Yoseki, Yoseki muana wu babalumi wu Yoda, 27Yuda muana wu babalumi wu Yowanana, Yowanana muana wu babalumi wu Lesa, Lesa muana wu babalumi wu Selubabela, Selubabela muana wu babalumi wu Shalatiyela, Selubabela muana wu babalumi wu Neli, 28Neli muana wu babalumi Melekiyi, Melekiyi ukadu muana wu babalumi wu Adi, Adi ukadu muana wu babalumi wu Kosama, Kosama ukadu muana wu babalumi Elemadama, Elemadama ukadu muana wu babalumi wu Hele, 29Hele ukadu muana wu babalumi wu Yeshu, Yeshu ukadu muana wu babalumi wu Eliyese, Eliyese biandi ukadu muana wu babalumi wu Yolima, Yolima kabidi ukadu muana wu babalumi wu Matata, Matata biandi ukadu muana wu babalumi Lewi, 30Lewi kadiyeyi ukadu muana wu babalumi wu Shimewona, neku Shimewona biandi ukadu muana wu babalumi wu Yuda, mushindu umu Yuda ukadu muana wu babalumi wu Yosefu, neku Yosefu kabidi ukadu muana wu babalumi wu Yoneama, Yoneama kadiyeyi ukadu muana wu babalumi wu Eleyakima, 31Eliyakima biandi ukadu muana wu babalumi wu Meleya, ibo Meleya kadi yeyi ukadu muana wu babalumi wu Mena, neku Mena biandi ukadu muana wu babalumi wu Matata, Matata ukadu biandi muana wu babalumi wu Natana, Natana kadiyeyi ukadu muana wu babalumi wu Dafidi, 32neku Dafidi biandi ukadu muana wu babalumi wu Yishayi, Yishayi kadiyeyi ukadu muana wu babalumi wu Obeda, Obeda biandi ukadu muana wu babalumi wu Bowasa, Bowasa kabidi ukadu muana wu babalumi wu Salamona, Salamona ukadu biandi muana wu babalumi wu Nashona, 33neku Nashona kabidi ukadu muana wu babalumi wu Aminadaba, Aminadaba kadiyeyi ukadu muana wu babalumi wu Adimini, Adimini kadiyeyi ukadu muana wu babalumi wu Ani, Ani biandi ukadu muana wu babalumi wu Heselona, neku Heselona ukadu muana wu babalumi wu Pelese, Pelese kadiyeyi ukadu muana wu babalumi wu Yuda, 34Yuda biandi ukadu muana wu babalumi wu Yakoba, Yakoba kabidi ukadu muana wu babalumi wu Isaka, Isaka ukadu biandi muana wu babalumi wu Abalahama, Abalahama biandi ukadu muana wu babalumi wu Tela, Tela kadiyeyi ukadu muana wu babalumi wu Naho, 35Naho ukadu biandi muana wu babalumi Seluga, neku Seluga kabidi ukadu muana wu babalumi wu Lewu, Lewu mushindu umu ukadu biandi muana wu babalumi wu Pelege, Pelege kabidi ukadu muana wu babalumi wu Ebe; neku Ebe biandi ukadu muana wu babalumi Shela, 36Shela ukadu biandi muana wu babalumi wu Kenana, Kenana ukadu muana wu babalumi wu Afashada, Afashada ukadu muana wu babalumi wu Shema, Shema biandi ukadu muana wu babalumi wu Nowa, Nowa ukadu biandi muana wu babalumi wu Lemeke, 37mushindu umu Lemeke kadiyeyi ukadu muana wu babalumi wu Metushele, Metushele ukadu muana wu babalumi wu Hanoka, Hanoka ukadu muana wu babalumi wu Yelede, Yeleke bandi ukadu muana wu babalumi wu Mahalalele, Mahalalele ukadu muana wu babalumi wu Kenana, 38Kenana biandi ukadu muana wu babalumi wu Enoshe, Enoshe kadiyeyi ukadu muana wu Shete, Shete muakala muana wu Adama, neku Adama muakala muana wu Tshiambi muanga.
ទើបបានជ្រើសរើសហើយ៖
Luka 3: KBT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word For The World International
