Lúkas Mbíŋínín ya Ginɔ́g giá Nsɔ́m guɔ́ŋ guá Lúkas
Mbíŋínín ya Ginɔ́g giá Nsɔ́m guɔ́ŋ guá Lúkas
Ginɔ́g giá Nsɔ́m igiɛ gíésesenye Yésuse hana Osódie, búdibá pɛ́ŋ Osódie wa Íslayɛ́l gɔgaá, wa guísi gidigid. Giandá giá gibéyi gígódi nsɔ́m siáguɔ́ símomi hana Ginɔ́g giá Nsɔ́m giá Matiós na Málkus. Gɔgaá, uguég guá bíyɔŋimɛn oŋóŋi wɔɔ́guɔ́hígɔn giod giá nsɔ́m hana: Giána giá nubíén nuá Yésuse gédúdugédúdu, gíhunya giá muúŋayɔ ɔnúmɔndɔ agá tísɔna wa Nayím, giána giá Sasé naá giá bandɔ uguá ŋŋil ya Emayús. Wɔɔ́guɔ́hígɔn súsɔ́n giod giá nsab hana: Ginɔ́g giá ɔdɛ́m giá maná basamalitɛ́ŋ naá giá muɔ́n umaáfɔ́m. Uguég guá guánanɛn bulɔ́b Yésuse uwala banúmanuma, ɔbɔ́bígɔnaá, ɔbɔɔ́ bégényigenyeé na basúgasuga beseé.
Uguá Ginɔ́g giá Nsɔ́m igigányɛ gidigid, dinyɛ dia guɔ́b ibal gá guól guá Osódie naá gá higin bilɔg biá maŋaŋa.
Ubúnya uguadá guá mbɔba iyɛ
Na nubíén nuá Sáŋa Eyumínyibandɔ naá nuá Yésuse 1–2
Buóli buá Sáŋa Eyumínyibandɔ 3
Buóli na sesenye guá Ginɔ́g giá Nsɔ́m guá Yésuse Galilé 4–9
Yésuse umagunsɛ́n Galilé gá guɛ́d Yelusalɛ́m 9–18
Mayɔ na babɛ́lbɛl Yelusalɛ́m 19–20
Mayɔ gá busió buá gigada giá Yelusalɛ́m na guól guá Muɔ́n wa mɔndɔ 21
Giɔ́bíga, nigué, guhám uguá gibɛ́l na guɛ́d ugumɔn guá Yésuse 22–24
ទើបបានជ្រើសរើសហើយ៖
Lúkas Mbíŋínín ya Ginɔ́g giá Nsɔ́m guɔ́ŋ guá Lúkas: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល