2 Kɔlɛŋɛtiɛ́ŋ 2
2
1Gá guámɛ, yaáguánaán beseé áneé ndibánd wa guólosiond uguánɔ nnúgégie uguá mesígíl. 2Gá giagiá, mmánúág uguá mesígíl, ányá ugandampuánɔ́ ibal? Mɔndɔ uyɔɔ́ mmág uguá mesígíl a? 3Buand buáguɔ́ yeébue gunúdúmɛ́n mbɔba iyɛ, gá gueleé yenégésieg uguánɔ, ndibia mesígíl gá bandɔ obógódionu áneé báŋág uguá ibal. Hómohómue, yeéguelimenye, uguá ginɛŋ igiɛ́ yɔ́bɔnaá ibal, banuá gidigid súsɔ́n núɔ́guɔ́bɔn beseé. 4Ɛɛ́ɛ, mmɔnúɔ́ŋɛ́ɛn mbɔba iyɛ yaŋuá uguá giod giá meyú, ɔdɛ́m gunɔ́h na giod giá mosínye, búmasábá gá núág uguá mesígíl, gɔgaá, gá gueleé nulɛns udényi huámɛ huá ginɔ́nɛ́n igínya giandá gudɔ́mb gánɔ.
Giyibinina giá mɔndɔ umaál giandá giá gilɔga
5Mmába mɔndɔ usegusinye sɔ́gá uguá mesígíl, búdibá pɛ́ŋ gámɛ. Uguá ginɛŋ gímodi gɔg, gá gueleé didibág na binóg, búnyɛ gánɔ gidigid. 6Bumɔndɔ ubugányɛ, nuáns nuá gimbi nuánigiman gég gá busió. 7Buand buáguɔ́, na gueleé nuánsan yɔ́, ánaá núyibinɛn yɔ́ nuond nudóndonye yɔ́, gá gueleé udibíŋín uguá mesígíl má hómohómue.
8Yeénúgínyiginye súsɔ́n áneé nudienyényé ginɔ́nɛ́n igiɛ́ dígódionú gég gá busió, 9gá giagiá, agaá mmɔ́núɔ́ŋɛ́ɛn mbɔba búmabá gá núág uguá yɔɔ́bídɛ́n yond yaán mmába nunyɛ mɔdɔg na ŋŋɔ́bɔnɛn uguá muand gidigid. 10Gɔgaá mɔndɔ uyɔɔ́ núsáyibinɛn, yaáyibinanɛn yɔ́ súsɔ́n. Mmáyibinɛn mɔndɔ hana yaámánábia giásɛ giá gual nɔ́, búnyɛ gánɔ gá busió agá eŋís ya Klístus, 11gá gueleé Sátan udidíyalɛn. Gá giagiá, didiáguanyanyɛ dubídágídɛ́n duég.
Póle waáhiga
12Mmeéménég agá tísɔna wa tloás gá sesenye Ginɔ́g giá Nsɔ́m giá Klístus, ta hana Ɔgúná úmémbunín ŋŋil, 13mmasábia nihogidie agámɛ gá ɔdɛ́m, gá giagiá, mmeségégie ndiméen wamɛ Títe. Iyeédébie gɔg bandɔ bá tísɔna wa Tloás gá guɛ́d uguá gibéyi giá guísi giá Maseduán. 14Ánaá díéŋén Uhaluá mbíyigie uguá binɛŋ bim, údíhuanaá uguá Klístus gihigine uguá muand gidigid. Uhaluá waáguɔ́ waádúmbanɛn uguásɔ gá sesenye ohind uhúálanɔ́ áneé bandɔ bálɛns Klístus hɔɔ́m gidigid. 15Gá busió buá Uhaluá gɔg, dinyɛ haná ginɔ́g giá ohind igiɛ́ Klístus weéŋeneé Uhaluá, ta gá obóbísódonyeé, ta gá ebénímeneé, 16gá bómodi, dinyɛ ohind huá nigué uhúdúmaninaá agá nigué, gá bódodi ohind huá nusɔ́da uhúdúmaninaá agá nusɔ́da. Ányá gɔg unyaá wa gual ubugányɛ buóli? 17Didibá gɔg hana giod giá bandɔ igíduéneneé nugálɔ nuá Uhaluá, búnyɛ meliŋ, Uhaluá úmáadídɔ́m, diágálgal na ɔdɛ́m budányɛ egég gá eŋís uguá búlada na Klístus.
ទើបបានជ្រើសរើសហើយ៖
2 Kɔlɛŋɛtiɛ́ŋ 2: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល