LUKU 23
23
1Yiba télémè bakulu mánà, bà mùnété Yésù kùkéníná Pílâtù Kùfùlùnélé wù loma. 2Bà yandikidi kù mufundu, wè kù hoyi: «Tù mùmwénè mùtù wù sia mubulu mù nsi bétù; Katu kù bisidi batù bà yámbùlù kufutu mpaku kù Ampélélè wè katu kubisia yàndi bénè neti Kídísítù, Ntotidi.» 3Pílâtù kamu huila: «wena ntotidi bési Yùdá?» Yésù kà mù vùtùélélè: «Mi hóyélè ngè bénè.» 4Kù manimi, Pílâtù kà hoya ku bá mbùtù baba ngángà Nzámbi wè kù mésù mà batù bà kùlù nà: «ménè kù mùtù wù mbwenoko dimbi kà sadídí mù kù mù zengidi nkànù difwa». 5Mánà bakulu bà dindemene mù kù hoyi nà: «Kà tù kutumu batù mù kù bendumuku mù kulongo mù kizùngù kiakulu ki Yùdéyá, yandiki Ngádítí kuka yandikidi wè hâ». 6Mùmà ndíngí mánà, Pílâtù kà bà huila nà mùtù wù kéníná musu Ngádítí. 7Mùtángù dini kazeye Pílátù nà Yésù kà tùkídí kù Ngádítí kiziki kà yélè Elodi, yi kà mù tùmíní Yésù kùkéníná Elodi, Pílátù kà kélé mùtángù dini kù Yélùsálémí. 8Mùtángù kà mùmwénè Elodi mù Yésù, kà mwénè kiésè kingi mùsámù kà wüdi bà tù kumuhoyidi mánà, ká kélé wè kitu kà mù mono túkù ntama. Kazolélé kamu mono Yésù mùtángù dini kà tù kusala kípélékésè. 9Kà mù huilélé mísámù mivulu-vùlù; mánà Yésù kà mù vuteleloko ata kimi. 10Bá mbütù baba ngángà Nzámbi wè bàlóngi bà mínsíkù bà kélé bà telemene hahana mánà bà-bà mufundidi Yésù. 11Elodi, wè bà sùta bà yàndi bà mù seyele Yésù mánà bà mù tukéné, mù kù mù vwatisi milelele mi ki ntotidi.Mánà Elodi kà muhitikidi kù Pílâtù. 12Kilùmbù kiakini Pílâtù wè Elodi bà kùmíní bà ndûkù bà ngólò, ntétè bà kélé bà mbeni bà ngólò. 13Pílâtù kà vukisi bá mbùtù baba ngángà Nzámbi, bà zùsi wè batù bà hiki. 14Mánà kà bà kémbé: «lusu ndatini ménè mùtù wù mù kù hoyi nà kà túkù bendumunu batù muku tomboko. Mánà, ménè yi mùsámbisì hâ mésù mà bénù kùlù mánà, mbwenoko kimi kimbi ki lù mù fundididi bénù. 15Elodi mpè kà mwénòkò bù mbi bù yàndi mánà kà tù mù vutwelele.Mùtù wù kà sadidioko kimi kimbi mùsámù kà fwâ. 16Ménè yi mù yambula kù mànimi mà kù mubete.» 17Kù kélé kifu ki bà Yùdá Mù koso féti, kà bà lubelele mùtù mosi mù boloko. 18Bà wòkélé bakulu mùkì bitítí :«mù hondo Yésù mánà tù yambululu bétù Balabasi.» 19Yésù kà mùkámbá: Nki bimi? Bà muvutwelele: Mi mubudidi Yésù,mùtù wù Nàzàletí, muvungu mosi wù sadídí bi mpélékésè bi kabala, mánà mulongi wù ngólò mù mésù mà Nzámbi mpüngù wè kù batù bakulu. 20Pilátu kà hóyélè nà: Yésù kásádidioko kwándi kimi mánà kà zolélé kà mù yámbùlù, yi kiákini kà sólélè dihiki wè bátù. 21Mana bà wòkélé bungi nà: Mukomo mu kulunzi kà fwâ, mukomo mu kúlúnzí kà fwâ. 22Mánà dihiki, bà nkétù bà hiki bà benina mù kimvùkù ki bétù bà tuyitukisi, bà yélè kù malumbu mù nkati kibungi. 23Mánà bà yandikidi kù woko dihiki ngólò nà bà féti kù mùkómó Yésù mu kúlúnzí mánà mandingi mà bawù mà nsùkidi mù kù nungu. 24Pílâtù kà bongele dikanu di kubaheke ki bà lómbélè. 25Kà lubele Balabasi wù bà zolélé,wù kélé mù boloko mùsámù kà hondele mùtù.Pílátù kà bà hélè Yésù mùsámù bà mùsálá mini bà zolélé bawù. 26Bà sùta bà mùnété Yésù mùtángù diádìnì,mùtù kà tùkídí kù solo mánà kà kotele mù vùlù di Yelusalami. Bà mù télélé Símó mánà kà kélé musu Silene. Bà sùta mù ki ngólò-ngólò yi bà mù hélè kúlúnzí di Yésù mùsámù kà di nata bà mù lende kùmánímí. 27Bà ya mùlándi kù batù béngi bà vukene wè kimvùkù ki batù wè bà nkétù badi betekele hâ ntanù ntulu wè kubokoto kùkénè yàndi. 28Yésù kà bà lumukini kù benina bawù mánà kà bà kamba: «bà nkétù bà Yélùsálémí, luyakudidi mùsámù di ménè, mánà ludidi mùsámù di bénù yi mùsámù di bâna bà bénù.» 29Mùbwa bùnù, kù kùsù bilùmbù bà hoyi nà: Kiésè kù bà nkobo, kiésè kuba bà kóndélé bâna wè baba kóndélé kuyemiki bâna. 30Mùtángù dini, bakulu bà hoyi kù miongo: lubwa hâ zülù di bétù! Bà hoyi kù bâna bà miongo: lùtù fukididi. 31Mùbwa bùnù, Nà bà nsadidi bwabu ménè muti nse, bwe mikala kù miti miloko? 32Bà nèté mpè batù bôlò bà fwéti kù komo hâ kulunzi wè Yésù. 33Tángù dini bà kùmíní hâ kiziki bà télélé kimfwa ki mutwe, baba komene hahana mu kúlúnzí baba tátù mosi mù koko di kitata mosi mù koko di mama. 34Yésù kà hoya nà: Tâtà'a bà lólólò mùsámù bà zéyéko mámpándì mà bà túkù sal'a mánà'a mílélè mi yàndi bà mi betelele zéké. 35Batù bà telemene hahana mánà bà tala. Bà zùsi bà bénè bà yandikidi kù mù seyi Yésù wè muku hoyi: «kà bikisi batù béngi kà bibikisi yàndi bénè, nà kéníná Kídísítù kà mpónéné Nzámbi mpüngù!» 36Bà sùta mpè bà musawele; bà síétùkélè bélé-bélé wè Yésù muku muheke vinu di ngani mánà bà hóyélè bóngó mwan'a ndambu yi ngè yayi. 37Muku hoyi «Nà wênè mfùmù bà yùdá bibikisi ngè, ngè bénè!» 38Kù kélé mpè hâ ntana kulunzi di Yésù bà sónékénè mù ndíngí Keleki, mù ki Latini wè mù ki Ebalayi: «Yésù ntotidi bà Yùdá.» 39Mosi wù bà nsádì mambi bà komene kiziki kimosi wè Yésù, kà mùsiálá nà: «Nà wéniná Kídísítù bibikisi ngè, ngè bénè wè bétù mpè. 40Mánà mùsádì mambi wù hiki bà kemenene: weku yibomo kù Nzámbi mpüngù? Ngè tù kufutu mambi mà ngè. 41Mùsámù di bétù, mienina mà mùsámù, mùsámù tutu kufutu mù mambi mà bétù, mánà yàndi nki mbi kà sadídí? 42Mánà kà mù kémbé Yésù nà: Mfùmù, mbánzá ménè hâ kùsù vùtùkù mù kímfùmù ki ngè.» 43Yésù kà mù vùtùélélè nà: «yi kù kamba mù mùsámù lélù ngè kalà wè ménè kù zülù.» 44Kù kélé mù kitesu ki midi mpíbí yibudi mù nsi yakulu tii mùtángù di kùmí yi tanù. 45Tángù diekina mpíbí, mánà mùlélè wù kélé mùnkâtí kà témpéló kà yatukidi hâ nkati-nkati. 46Yésù kà sidi ndíngí ngólò-ngólò nà: «Tâtà, mpênè moyo ménè kù moko mà ngè». Kù manimi mà kuhoyi ndíngí yínì, yika fudi. 47Mù kùmono miàkùlù mini milutidi, Mfùmù batù bà loma kà mùtóndélé Nzámbi mpüngù muku hoyi nà: «Mà kiediki, mùtù wù kà kélé mùtù mákíedík.» 48Mánà tángù dini kibùkù ki batù bâna bà sangene mùtángù dini bà mùkóménè Yésù mù kulunzi,mù kùmono mimi salemene, bà vùtùkídí mù kù mbánzá wè kiadi kingi. 49Bà kùlù bâna bà zéyé Yésù, nsídì-nsídì bà nkétù bà mùléndè bâna yandiki kù Ngádítí, bà sélé mù kiana wè bà tadidi mimi lutidi. 50Kù kélé mpè wè mùtù mosi mù zíní di Zéfu, wù vùlù di bà Yùdá di bà télélé Adimateya, mù légiõ di Zidé. 51Mánà kà zoleloko dikanu wè mísámù mi bà sadídí bà mfùmù baba Yùdá. Bà hingidi kù kùsù kù kímfùmù ki Nzámbi mpüngù. 52Zéfù yi kà mù mono Pílâtù mánà kà múlómbèlè lùtù di Yésù sàmù kà muziki. 53Kà mù kulumene mù zülù di kulunzi, kà muvungidi hâ mùlélè mosi wù lin mánà kamu tulele mù nkati kà malumbu bà tubele mù tadi, dibakondo kalà kusia ata mùtù. 54Kukele kilùmbù bà mpema nkinzi kisabato, mùsámù kisabato ki kùmíní bel'e-bel'e kiyandiki. 55Bà nkétù bà tùkídí kù ngádítí wè Yésù bà senge nzidi wè zéfù. Bà mwénè malumbu wè mpídí dikele lùtù di Yésù mpídí badi tulwele mù malumbu. 56Mánà yi bélé wè kuyidiki bà Alomate wè mananasi mansudi. Kilùmbù bà mpema yi bà mpéménè, mpídí bà sónékénè mù mukanda mimi nsíkù mi Mósé.
ទើបបានជ្រើសរើសហើយ៖
LUKU 23: LNZ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lonzo Bible by Beyond Translation is licensed under Creative Commons Attribution-ShareAlike 4.0 License.
