LUKU 22
22
DIFWA WÙ DIFUTUMUKU DI Yésù
Mfundu yi Yésù
(Mt. 22:1)
1Tángù di kùmíní bélé-bélé féti di mampa mà kondo levidi di bà télélé féti di mpaki. 2Bá mbütù baba ngángà Nzámbi wè bàlóngi bà mínsíkù bunkete-bunkete bà kélé wè bomo bù batù mánà bà dingidi mpídí hi kù muhondo Yésù mù kinsweki. 3Mánà satana kà mùkótélè Yùdasi Isikaliyoti, bà télélé Isikaliyoti, wù kélé mosi wù bà kùmí yi bôlò bà minangu mi Yésù. 4Mánà Yùdasi Isikaliyoti yi kà yukane wè bá mbùtù baba ngángà Nzámbi wè bà mfùmù bà kù kengidi témpéló mùsámù mù kù muteke Yésù. 5Bà ngángà Nzámbi wè bà mfùmù bà-bà ngángà baba sinzidi bà témpéló bà sepele bungi mánà bà tambwesele muku muheke Yùdasi nzïmbù mùsámù kà bà sadisi bámù kwata Yésù. 6Mánà Yùdasi kà tambwesele wè kà yandikidi kù dingi mpídí muku bà hékè Yésù, mùsámù bà mù kwata, mùtángù dini bà kondo batù. 7Kilùmbù kifwénè mùsámù di féti di bidia bi mpaki, di kélé tángù di bà hénè kiméngè ki mùkókó wù mpaki. 8Mánà Yésù kà tùmíní pétéló wè Zwáni kù disè mánà kà bà kémbé: Lwéndè lwe yidiki bidia bi mpaki, mùsámù ntwa dia mù kimvùkù. 9Bà mù Lombele Yésù: «Akwe zolélé twe yidiki bidia bi nkinzi mpaki?» 10Kaba kamba nà: «hâ lukoto hâ vùlù di Yélùsálémí, lukutana wè mùtù yakala mosi kwé nati mùlôndó mamba; lumulanda mù nzò kà koto.» 11Mánà lùkámbá mù kwa nzò yínì :Mù longi kaku huila: Aye nzò yi kà kùsù didi féti di bidia bi mpaki wè bà longoki mi ménè? 12Mánà kà lusongidi nzò mosi bà bongese yi zülù kwákùnù lù bongisi féti di mpaki. 13Mùbwa bùnù yi bélé bà mwénè miàkùlù bùnù kaba kémbé, mánà bà yidikidi féti di bidia bi mpaki. 14Tángù difwénè mùsámù di bawù mù kudia bidia bi mpaki, Yésù bà zákélé ntùmù. 15Yésù kaba kamba: Yéníná yi mfúnù yingi yi kù dia bidia bi mpaki wè bénù kù disè di kù niokama wè difwa. 16Mùsámù, yi lùkámbá, dihiki bù: yi diôkó dihiki ata bwe bidia bihiki bi mpaki ti nténdùlù yi mísámù mi misalama mùnkâtí kà kímfùmù ki Nzámbi mpüngù. 17Yésù kà bongele mù moko mà yàndi mbungu zi di lézé Mánà kà bongele mbungu yi vinu kà mù mùtóndélé Nzámbi mpüngù mánà kà hóyélè: lubongo zi di lézé di mánà lù yikaba bénù yi bénù. 18Mánà yi lùkámbá: Yandiki lélù yibisi nwoko vinu tii kikusu kímfùmù ki Nzámbi mpüngù. 19Kù bunsuki bwandi yika bongele dimpa mánà kù mànimi kà mùtóndélé Nzámbi mpüngù, kà ta bwele mánà kà bà hélè muku hoyi nà: Di diénina lùtù di ménè di bihele mùsámù di bénù. Lùsálá bwabu mù kù mbánzá ménè. 20Mpidi mosi,ku manimi ma kudia, kà bà hele mbungu vinu mu ku hoyi nà: menge ma kúyúkánà ku mpâ ki mp wè Nzámbi mpungu, ma tiamukini mùsámù di bénù 21Mánà, luwa! Mùtù ntékè ménè kéníná hâ, hâ mese wè ménè! 22Mwana mùtù kà fwâ mpídí kà bongele Nzámbi mpüngù dikanu, mánà bumbi kù mùtù wùnù mù teke! 23Bà yandikidi kù bi huilù nà hâ nkati kà bétù fwénè kù sálá bwabùnù? 24Bà sidi mpaka mù nkati kà minanga mi Yésù mù kù solo nà wù bà fwénè kù solo neti mbùtù mù nkati kà bawù. 25Yésù kà hóyélè kù minanga mi yàndi nà: mù nsi yi, Ntotidi wè bà bambutu bà songila kímfùmù ki bawù kù batù babawu, mánà bà-bà tela bà kamaladi bà batù. 26Mánà bénù lufwanoko kù kalà kùzáyí nà bawù. Bilutidi mfúnù yingi mùnkâtí kà bénù bi féti kalà bi mfúnù bi nkékè, mánà mfùmù kà kalà boso nà mùnsádì. 27Nà wéniná mfúnù yingi? Kwéníná mùtù wùnù tù kù dia hâ mese mánà, keku hâ! Mùsámù yeninanga kùzáyí nà mùsádì. 28Mánà bénù lwéníná baba kwamini mùmà mpasi wè ménè. 29Mánà'a yi luheke ki mfùmù ki kù yala kù záyénè nà bà mfùmù bùnù kà mpêle tâtà kímfùmù ki kuyala kù záyénè nà bà mfùmù. 30Bwabùnù, lù dia wè lù nwa hâ mese mà ménè mù ki mfùmù ki ménè mánà lùkálá bà kù zakalà lù zákélé mù kímfùmù ki ménè mù kù sambisi bikolo kùmí yi zolo mà Isalayele. 31Kù manimi, Yésù kà hoya kù Símó petelo: Símó, Símó! Ngwa ménè! Satana wù bóngó divè di kulumeke bénù kùlù, di kù kabisi baba mbótì wè baba mbi; mpídí kà kabisanga mùkwá solo, bíbùndù bi bùnkétè bi bimbi. 32Mánà ménè nkélé ku sambididi, Simo mùsámù dikwikidi di ngè di kù lumukieku. Mùtángù bálùmùnù mbùndù mánà kùsù kù yéníná ménè, lôngó bà mpángí bà ngè bà minangu. 33Mfùmù: kà mù kamba Mpíele, yene bélé-bélé mù kwéndé kù boloko wè ngè tii kilùmbù ki difwa. 34Yésù kà mù kamba pétéló, yi ku kémbé; nkoko kà kokoloko lélù ngè mbisi ménè mbala tátù nà ngiebeku 35Yésù kà bà kamba dihiki nà: Hâ yi lutumini Lwéndè lwa lôngó nsángù mbótì yi lùkémbé nà lù yámbùlù kù nata ata nsaki, ata dimpaba diyiki,lukondele kimi? Bà mù vùtùélélè; nà lo. 36Yésù kà hoya nà: Mánà tángù di, bóngó nzïmbù za ngè wè nkutu ngè yi kù kangalala,mánà nà weku wè mbélè, teke mílélè mi ngè mánà sumbu mbélè mosi. 37Mùbwa bùnù, yi lùkémbé, Kùfwénè mi kukisama dihiki mù ki mùtù ki ménè mimi masonama. Kélé bà mutenge mùnkâtí kà bà nsádì mambi wè mimitadidi ménè mikumini kù bunsuki di misalama. 38Mosi mù minangu kà hoya: tala, mfùmù, tala mà mbélè molo. Yésù kà muvutulula: Yámbùlù kù hoyi dihiki mù mámpándì mánà. 39Kù manimi Yésù yi kà lubukidi kù mbánzá Yélùsálémí mánà'a yi kélé kù mongo miti mi bà olive bùnù kù kélé kifu ki yàndi mánà bà longoki mi yàndi mi mùléndè. 40Bù bà kùmíní hâ kiziki kiakini, kà bà kamba: Tù samba mù mpídí nà tù yámbùlù kù bwa mù kúmékámá. 41Mánà kaba sisidi mwana kiana mbenze bà metele mákùmí tátù mánà yi kà fukamene mùsámù kà samba. 42Kà hoya: tâtà, nà mizolele ntinisi kiana ménè mù mpasi za ata Mùbwa bùnù, mi ya kù kalà mù dizolo di ménè mánà mi kalà mù dizolo di ngè. 43Mánà wanzio kamu monekenene Yésù muku mù hékè ngólò. 44Yésù kà kélé mù ngébè za ngólò mánà kà sembe wè kù keteme kwakulu,mánà mùní yàndi kà nokene kùzáyí nà menge. 45Kù manimi mà kusamba, yika bi telemese mánà kà yandikidi kùsù vutukisi kù kà sisidi bà longoki, késé bà wakana bà nimbini wè ngébè zakulu. 46Mánà kà bà kamba lù nimbini bénù? Lù vumbuku mánà lù samba mùsámù luya kubwa mù kúmékámá. 47Kà hóyélè diaka mùtángù dini ki kùmíní kibùkù ki batù wè wù bà télélé Yùdasi, mosi mù nkati kà bà ntùmù kùmí yi bôlò kà kángélè kù disè di bawù kà mpùsénè bélé-bélé wè Yésù mùsámù kamu yamba wè bési. 48Yésù kà mù kamba :Yùdasi, mù bési ngè tekele mwana mùtù kù bà mbeni bà ménè? 49Muku mono mimi nka lùtù, minangu mi hiki bà kélé wè Yésù bà mù huilélé: Mfùmù, tù fwénè kù bà taba wè mbélè? 50Mánà mosi wù minangu wù kélé wè mbélè yàndi,kà tabidi tù di koko di kitata di mùmpíkí wù mbütù baba ngángà Nzámbi. 51Mánà Yésù kà bongele ndíngí mánà kà hóyélè: lùyámbùlùlù kusala bwabùnù, luteleme. Mánà kasimbidi tù di mùtù wùnù mánà kà mùbikisi. 52Yésù kà hoya dihiki kù bá mbùtù baba ngángà Nzámbi, wè bà kampiti bà témpéló wè bà mbütù baba yisidi hahana mùsámù bà mùkwátá. Mánà yi kà bà kémbé: Mùsámù di nki lùtù kulubuku bénù wè mambele, wè miti, mánà lutuku mbongo kùzáyí nà kihuyi. 53Mùsámù di nki lukondele kù kwatidi ménè bélé-bélé wè témpéló? Yi kélé mwamunu koso kilùmbù. Mánà Tala tángù di,tángù di bénù di fwété yala ngólò za mpíbí. 54Kù manimi maku mùkwátá mánà bà mùnété mù nzò bà mbütù baba ngángà Nzámbi. Pétéló kalende múkiáná. 55Bà lemese mbáwù mù nkati-nkati nganda mánà bà zákélé mù kimvùkù. Pétéló kà zákélé hâ nkati-nkati bawù. 56Nsádì mosi wù mùnkétu kà mùmwénè zákélé kùdísé di mbáwù mánà kà mutadidi mánà kà hóyélè: mùtù wù mpè ká kélé wè Yésù. 57Mánà kamu kemenene mùkùhóyi nà: Mùnkétu wù, yi muzeyoko mùtù wùnù. 58Mwana tángù dinkeke, yakala wù hiki kà mùmwénè pétéló mánà kahoya: Ngè mpè, wênè mù kimvùkù kibatu bâna! Mánà Mpíele kahoya kù mùtù yakala nà:Lo, yeku mosi wù yàndi. 59Kulutidi tángù di mosi dihiki kù manimi, yakala wù hiki kà hoya :mà mùsámù nzeye bù mbótì nà mùtù yakala wù ká kélé mpè wè Yésù, mùsámù kéníná wù mpólóvésè yi Ngádítí. 60Pétéló kà vutwele: nzeyeko nki bituku hoyi bini. Kákà diádìnì, bùnù kà hóyélè, nkoko kà kokele. 61Mfùmù Yésù kà bà lumukini mánà kà mutadidi pétéló kù kilunzi mánà Mpíele kà yindwele mi kà mùkémbè Yésù: Mbasi yi kibungi mu nkoko ntétè ngè mbisi ménè mbala tátù kù disè. 62Kà lubukidi wè kà yandikidi kudidi ngólò. 63Batù bâna bà tadidi Yésù bà yandikidi kù mutongo wè kù mubete. 64Bà mù kasidi mésù mùsámù kà yámbùlù kù bà mono. Mánà yi bà mù betele mánà bà mù hiulele: Kalà mùvùngí mánà tukamba bétù nà wù kù betele? 65Mánà bà yandikidi kuhoyi mámbù méngí makaka wè kù kùvwêsè. 66Mù diyandiki ki kilùmbù, bà mbütù bà-bà Yùdá, wè bá mbütù baba ngángà Nzámbi bá-bá mbùtù baba ngángà Nzámbi wè bàlóngi bà mínsíkù bà sangene, mánà bà mùnété Yésù kù disè di sanedini. 67Bà huilélé: Nà wena Kídísítù, tù kamba. Yésù kà bà kamba Nà: yi lùkámbá, lukwikiloko. 68Mánà nà yi lù huilù kuifu lù vutuloko mvùtù. 69Yandiki lélù mwana mùtù kà zakalà mùkókó diki yakala di Nzámbi mpüngù, mùkwá ngólò zakulu. 70Bakulu bà hoya: Wênè Mwana Nzámbi mpüngù? Kà bà kamba:bénù-bénù lù míhóyélè, yéníná mwan'a Nzámbi mpüngù. 71Mánà bà hoya; ntweku dihiki yi mfúnù bumbangi bù batù bà hiki, bétù-bétù tù mù wüdi mi kà hóyélè.
ទើបបានជ្រើសរើសហើយ៖
LUKU 22: LNZ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lonzo Bible by Beyond Translation is licensed under Creative Commons Attribution-ShareAlike 4.0 License.
