LUKU 24
24
1Kidimingu mù kibungi, bankêtu yi bélé kù malumbu, bà nèté bà Alomate matsudi bùnkétè bà yidikidi. 2Bà mwénè tadi dini basidi kù mwelu bà dindumwene. 3Bà kotele mù nkati, mánà bà mwénòkò lùtù di Mfùmù Yésù. 4Mánà bà yandikidi kù bihuilu mù mi bà mwénè, bà yakala bôlò bà vwete mílélè mi kà seme nsídì mùnù mbala mosi bà zákélé mù lweke di bawù. 5Bomo bungolo bù bà kwete,bilunzi bà niekese mù nsi mafu. Bà yakala baba kamba: «Nki lukwe dingidi bénù mùnkâtí kà bà fwâ wù wéniná mù dizingù? 6Keku hamana futumukini .Lù yubuku mika lùkémbé, mùtángù, kà kélé kù Ngádítí. 7Bùfwénè mwana mùtù kà tekama kù moko mà basùmùki, bà mùkómó mù kúlúnzí wè kà futumuku mù kilùmbù ki tátù.» 8Bà nkétù bà yindwele mánà mi kà hóyélè Yésù. 9Kù mànimi mà kù vùtùkù kù bawù kù malumbu, bà nkétù bà télé mpándi yi bà mwénè kuba ntumwa kùmí yi mosi bà sélé wè kù batù bà hiki. 10Wù télé mpándi yi kù bà ntùmù kù kélé Madiyi Makatala, Zwáni,Madiyi ngûdí Kizaki wè bà nkétù bà hiki baba kélé wè bawù. 11Mánà bà ntùmù bà tambuseloko mi bà hóyélè bà nkétù, mùsámù mandingi mà bawù mà monekene kùzáyí nà mà bazobo. 12Mùtángù diádìnì pétéló kà telemene, mánà kà yeteke kù malumbu; Yi kà niekene kà mwénè kákà mílélè,mánà kù kélókó kimi kihiki mù malumbu bikelé mánà yi kà vùtùkídí kù nzò yàndi,wè kù yituku mùmì kà mwénè. 13Kilùmbù kiakini, bà ntùmù bôlò bà yélè kù hâtá di mosi bà télélé Emawüsù, di kélé mà kilometele kù mù yi zole wè Yélùsálémí. 14Bà kwesie mpaka mù nzidi mù miàkùlù mini milutidi. 15Mùtángù diádìnì bà hóyélè wè bà sidi mpaka mù nzidi, Yésù yàndi bénè kà mpùsénè bélé-bélé yi bawù mánà bà senge nzidi mosi. 16Mánà mésù mà bawù mamu mweneku muku zaya nà wawu Yésù. 17Kà bà kamba: «Nki lukwa hoyi bénù kùnù lukwa kangadi, mánà lwena wè kiadi?» 18Mosi wù bawù, zíní di yàndi Kidiyofasi, yàndi kà mù vùtùlélé: «Wênè mùtù mpà mù bilùmbù bi ngè kù Yélùsálémí kóndélé kù zaya ngè mimi lutidi bilùmbù bi?» 19«Nki bimi?» Kà bà kamba. Bà mù vùtùélélè: «Mi kù minini Yésù Múzálétí, kà kélé mùvùngí wù ngólò mù Bisalù wè mù ndíngí Nzámbi mpüngù?» Wè kù batù bà kùlù, 20Mánà nki mpídí bá mbùtù baba ngángà Nzámbi mpüngù wè bà zùsi bà bétù bà mù kwete mùsámù bà mù zengidi nkànù yi di fwâ wè bà mù komo mù kúlúnzí. 21Bétù tukele wè kitu nà kù kélé yàndi fwéti kù katulu Isalayele mù kimpiki, mánà wè miàkùlù milutidi mini, tala lélù kilùmbù kitatu yandiki mi salemene mísámù mini. 22Miene mà mùsámù nà kù kélé yi bà nkétù bà hiki bà kimvùkù ki bétù bà yítùkídí, bà yélè mù nkati kibungi; kù malumbu bà zikidi yàndi. 23Bà mwénòkò lùtù di yàndi,bési tù kamba nà bà mwénè kivivi ki wanzio kà baba monekenene wè kà bà kamba nà kéníná mù dizingù dihiki. 24Baba hiki mù nkati kà bétù kélé báyélé tii kù malumbu mánà bà mwénè mísámù bùnù bà hóyélè bà nkétù,mánà lùtù di Yésù kùmono lo. 25Mánà Yésù kà bà kamba nà: «Mbala kwa lwéníná bénù bilawu, mánà mùsámù di nki bénù lwéníná yi mpasi sa vùlù mù kù kwikidi miàkùlù mini bà sónékénè mivungi mù masonama?» 26Kù fwenoko nà Kídísítù kà niokama mù mísámù mini miàkùlù mánà kafwa, mánà kakoto mù nkémbù yàndi? 27Yésù yika bà tendwele mà bà hóyélè mùsámù di yàndi mù masonama, kuyandiki mù míkándá wù mínsíkù mi Mósé wè mi bà mivungi. 28Tángù bà kùmíní bélé-bélé wè hâtá di bà yélè, Yésù kasidi neti kà zolélé kende diyiki kiana. 29Mánà yiba mù bondele: Sálá wè bétù! Mùsámù masiki-siki mà kùmíní, tángù dikóbókélè mánà mpíbí yibudi.Yésù yika kotele mù nzò sàmbù kà sálá wè bawù. 30Mùtángù kazakele wè bawù masamu di kudia, yika bongele mampa, mánà yika lómbélè kù Nzámbi mpüngù kà masambulu. Yikama sàmbwélè mánà yika bà hélè. 31Mùtángù diádìnì Nzámbi mpüngù kà bà hélè divè di kù muzaya. Mùnù diádìnì, yika ladidi mù musu mà bawù. 32Bà yandikidi kù bi hoyidi mosi kù manimi wù hiki: «kù keleko neti-neti mbáwù yi kélé kulemi mù bétù tángù dini kà hoyelenge mùnzídì mánà kà tutendulele masonama?» 33Yiba telemene mùtángù diádìnì kákà mánà bà vùtùkídí kù Yélùsálémí, kù bà ya kutana wè bà kùmí yi mosi wè bà hiki bà kélé hâ kiziki kimosi. 34Nà wuhoyele kù batù bôlò nà: «Mfùmù, mamu sàmù futumukini! Mánà kà monekenene kù Símó Mpiele.» 35Mánà minangu miolo mi yandikidi kù ta mpándi mùmì bà mwénè mù nzidi wè mpídí bà muzeye nà Yésù, mùtángù kà sàmbwélè mampa. 36Boso batù bôlò bà télé diaka mpándi yi mámbù ménè, mùnù mbala mosi Yésù yàndi bénè yikese lubutu hankati kà bawù, mánà yika bà kémbé: «Ngémbè yi kalà wè bénù!» 37Bà kélé yibomo bù kabala,bà yindwele nà bà mwénè mufu. Buba kwete kùzáyí nà bà mwénè mufu. 38Yika bà yùla nà: «Mùsámù di nki lutuku banga? Mùsámù di nki mámbùndù mà bénù mabese wè mpaka.» 39Lutala moko mà ménè wè malu mà ménè, kwéníná ménè. Lunsimbi ménè mánà lutala: Mufu keku yi misuni wè bimfwa, bùnù lutukumono kù ménè. 40Muku hoyi miamini yika bà songele moko mà yàndi, wè malu mà yàndi. 41Mánà bùnù bà kóndélé diaka kù mùkwikidi,mù kikumu ki ndíngí wè ngituku, yikaba kémbé: Hâ lwéníná yi mwana kimi ki kudia? 42Bà mù hélè kitini ki mbísi ki kù futu wè ndambu buki. 43Yika bongele wè kà kididi kù disè di bawù. 44Yésù kà hoya:« Lutala mà yi lùkámbá tángù Yikélè dihiki yi bénù: Kùfwénè mi kù kisama miàkùlù mi sonamene mùsámù di ménè mù mínsíkù mi Mósé, mùmì bà mivungi wè mù míkándá mimi kungu» 45Mánà kaba fungele máyélè mùsámù bà zaya masonama. 46Mánà kà bà kamba nà; Tala mà bà soniki: «Kídísítù kamono mpasi mánà kà fwakufwa, mánà kà futumuku mùnkâtí kà bà fwâ mù kilùmbù ki tátù. 47Mánà mpè kù bálùmùnù mbùndù wè ndololo yi mùsámù bayi lôngó mù zíní di yàndi mù má nsí mákúlù, yandiki kù Yélùsálémí. 48Lweninanga bà moni má nsí mákúlù. 49Yi luyitiki yitiki kabudi kà ndakidi tâtà, mánà bénù lùfétí sálá kù vùlù di tii kùnù lù bóngó ngólò za kímfùmù ki zülù. 50Mánà Yésù kanete bà longoki bà yàndi kù mpénzè di vùlù, tii yibe tulu bélé-bélé wè hâtá di Betani; mánà kwákùnù, yika zangwele moko, yi kà bà sàmbwélè. 51Mùtángù kà bà sàmbwélè, yi yekwele yi bawù mánà yika tómbókélè kù zülù. 52Bà longoki bà yàndi yi bà mufukiminini, mánà kùmánímí yi bà vùtùkídí kwayu kù Yélùsálémí, bà bese yi kiési ki kabala. 53Bà sélé tángù diakulu mù kibanzala ki témpéló, mù kùkùmísí Nzámbi mpüngù.»
ទើបបានជ្រើសរើសហើយ៖
LUKU 24: LNZ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lonzo Bible by Beyond Translation is licensed under Creative Commons Attribution-ShareAlike 4.0 License.
