LUKU 21
21
1Yésù kà tombele mésù kù zülù mánà kà mwénè bà mvwama bà sidi makabu mù kitungu. 2Yika mwénè mpè nsùkàmí wù mufudi wusu sia bibendi biolo bi nzïmbù. 3Mánà kà hoya: yi lùkámbá mù kiediki Nsùkàmí mù fudi wù kasidi makabu kù lùtù bénù kùlù. 4Mùsámù bà hiki bà hénè makabu mà bawù kù Nzámbi mpüngù yandiki bimvwama'a bi bawù bibi lutukidi mánà kà kélé yi mfúnù, kingi lo kà hénè kù Nzámbi mpüngù nzïmbù zakulu za kà kélé zo sàmù di kubiki kù yàndi. 5Minangu mi yàndi mi hiki mi hóyélè mùsámù di kitoko ki nzò yi témpéló, di kélé matadi mà bùnkétè wè bimi bà natinini makabu,Yésù kà hoya: 6Mánà Yésù kà hoya: bilùmbù bi kùsù kù saloko kimi ata tadi hâ ntanda tadi dihiki mù biákúlù lukwe moni bi,bibebe. 7Minanga mi yàndi mi mùhüilélè: Mulongi nki tángù di bébé témpéló? Mánà nki bi tù songidi nà mísámù mini mi zolélé misalama? 8Yésù kà vutula: Lùsálá keba bà yámbùlù kùlù hunu. Mùbwa bùnù, batù bà vùlù bà kùsù mù zíní di ménè. Bà hoyi: Ménè yéníná nkidisitu mánà tángù disi! Mánà lù yámbùlù kù bà landa. 9Lù weku bomo nà luwa batù kù hoyi mùsámù di mviti wè kù télémè lù yámbùlù kù banga, mùsámù bimi bi fwété kù mù ntétè, mùsámù kù kà loko bù nsuki. 10Mánà yika bà kémbé: Batù bà nsi hiki bà nwanisi batù bà nsi hiki wè kímfùmù kihiki ki nwanisi kímfùmù kihiki; 11Kù kalà ndambu yakulu kídímbù kù mafu,bi nkasi wè nzala; kù kalà wè bidimbu bi mbùtù kù zülù. 12Mánà, kùdísé di biákúlù bini, bà lukwata mánà bà luniokono, bà lù dimbulu kù mà Nzó mfùmù wù Nzó Nzámbi mpüngù, bà luloso kù boloko, bà lunata kù bà ntotidi wè kù disè di bà kùfùlùnélé mùsámù di zíní di ménè. 13Mánà mísámù mini mi luheke nsídì sàmù di kuta bumbangi mùsámù di ménè. 14Mánà lubongo dikanu di kondo kù diyangisi mùyédísí mpídí yi lù féti hoyidi. 15Yi ku hékè mazaya mazayidi nki hoyi. Mùsámù keku mbeni bénù fwénè kùbísí wè kù balusu mi luhoyi bénù. 16Bà lù dimbulu kù bibùti bi bénù, kù bà mbángí bà bénù, wè kù balukala bo bélé-bélé. Baba yiki mùnkâtí kà bénù bà-bà hondo. 17Batù bakulu bà lewulu mùsámù di zíní di ménè. 18Mánà kweku wè di nsuki di mosi di mù twe ngè dilàlà. 19Mù kù kwamini kù bénù lubikisi moyo mi bénù. 20Tángù lumono Yélùsálémí di kuzungu mù mata,luzaya nà kù mpanzana kù yàndi kwekina bélé-bélé. 21Mánà bà bakala kù Yùdéyá bà tini kù mongo; mánà baba kalà hâ nkati kà vùlù bà fwéti lubuku, bà bakala kù masolo, bà kotoko kù vùlù. 22Mùsámù kù kalà bilùmbù bi kuvutulu mambi, wè mi fwanasana miàkùlù mini bà soniki. 23Kiadi kù bankêtu bakala wè bifundu wè bà banda kuyemika bâna mù bilùmbù biabini, mùsámù kù kalà dihiki mpasi za ngólò mù nsi wè nkabù kù batù bà nsi. 24Bà hiki mù nkati kà bawù baba hondo kù bà sùta mù mbélè, mánà bà hiki bà kwatama mánà bà-bà nata kù mansi mà mutindu yi mutindu. Batù bâna bà kondo kukala bà yùdá bà nungu Yélùsálémí mánà bà niokolo batù mubwabunu tii tángù dini Nzámbi kahele kù batù bâna dihwa. 25Kù kalà yi bídímbù kù tángù,mù nkati ngondo wè kuba bwetete, mà nsi mákúlù mà palaneti mawa bomo bù nzadi wè mà mfunzi mamba mánà bà zayoko nki bà féti sálá. 26Batù bà lembe mù kubanga mùtángù bà tukuhingi bimpelekese bini, mikubanga mimi kùsù mù nsi mutoto. Mùsámù bimi biákúlù bienina kù zülù bikangala, mánà bilubuku mù biziki bikala bùnù bi mesana. 27Mánà batù bamono Mwana Mùtù wukusu hantanda matuti wè ngólò za kùlù wè mikémbù. 28Mùtángù dini mi bwa, mà mpándi mánà lù sùngámá mánà lutedimisi mitwe,mùsámù kubiki kù bénù kwekina bélé-bélé. 29Mánà Yésù kà bà télélé nsímù: lutala muti wù figié wè miti mi hiki mi. 30Tángù di mena bitítí, hâ kalaku yi mùtù lùkámbá nà mvùlù yekina bélé-bélé. 31Mpídí mosi tángù lumono bimi bibi salemene, luzaya nà kímfùmù ki Nzámbi mpüngù kiekina bel'e-bel'e. 32Lùfwéné kù tambusulu nà batù bà yiki batangu di nà bakala mudi zingu hâ mà bwa mámbù mánà. 33Zülù wè mafu bilala, zülù wè mutoto dikala di kù bébé, mánà ndíngí ménè yilalako. 34Lùkálá tángù diakulu bà kubama! Luyokisiêku tángù di bénù muku yindula bidia, kunua to kù diyangisi mùsámù di dizingù. Ho lusadidi bwabùnù, kilùmbù ki nsuku mù kidiyi kù bénù neti mutambu. 35Mùsámù kilùmbù kini kikusu mù kidiyi kù batù bakulu, mù nsi ntoto yakulu, batù bakulu mù nsi ntoto yakulu yikala yi mpasi kilùmbù kiakini. 36Kalà wè máyélè koso tángù dini tù ku sambidi kù Nzámbi mpüngù kà kùhéké ngólò mùsámù wù kalà mùtù mákíedíki mù miàkùlù misalama télémè wù kondo nsoni kù disè di ménè Mwana Mùtù. 37Konso kilùmbù, mùní, Yésù kà longele, mù témpéló, kà ya nimba kù mwan'a mongo bà tela mongo miti mi bà olive. 38Kilùmbù kiakulu Yésù kà yeleku témpéló mùsámù di lôngó, mánà konzo nkokidi kayisi kabukisa nimbi kù mongo wù bà olivi.
ទើបបានជ្រើសរើសហើយ៖
LUKU 21: LNZ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lonzo Bible by Beyond Translation is licensed under Creative Commons Attribution-ShareAlike 4.0 License.
