LUKU 20
20
1Kilùmbù kimosi, Yésù kà longele batù mù témpéló wè kà longele nsángù mbótì, bá-bá mbùtù baba ngángà Nzámbi baba ngángà Nzámbi wè bàlóngi bà mínsíkù. Wè batù bà ntama baba Yùdá, bà síétùkélè kùkéníná yàndi. 2Mánà kà bà kamba: tù kamba bétù mù nki divè sálá ngè mísámù mi, to nà kù hélè ngè ki divè diénina. 3Yésù kà bà vùtùélélè: ménè mpè yi lulombo kimi kimosi: lù nkamba. 4Mbótíkí Zwáni mu botiki, yi kélé yi Nzámbi mpüngù to yi batù? 5Mánà yi bà yindwele bawù yi bawù nà tù vutulu: nà kù zülù, kà hoyi: mùsámbù di nki lukondele kù kwikidi kù yàndi ? 6Mánà nà tù vutula: kù batù, batù bà kùlù bà tù hondo mpamba mù matadi mùsámù batù bakulu bà tambusula nà Zwáni mu botiki kà kélé mùvùngí 7Mánà kà bà vùtùélélè nà bà zéyéko kwé kà tùkídí. 8Yésù kà bà kambanga: Mene mpe nzeyeko mana mpe yi lukamboko mu divè dina yi sadila. 9Kù manimi Yésù kà yandikidi kù bà télé nsímù yi: Kù kélé wè mùtù mosi kà kélé wè sólò di vinu kù mànimi kà defese kù batù Yikélè kunsi hiki kwákùnù kà sadídí bilùmbù bingi. 10Tángù bà katula lézé di kùmíní, kà tùmíní nsádì mosi kù sólò di vinu mùsámù bà mù hékè kabudi yàndi di bà kà twele vinu. Mánà mùkúní vinu kà mù betele mánà kà mù vutele moko mankatu. 11Yi kà tùmíní dihiki nsádì wù hiki: Bà mubetele mpè,kà musiele mánà kà mùkùdìdì moko mà nkatù. 12Kà tùmíní wù tátù, mánà bà mù luekele dihiki mánà bà mùkùdìdì. 13Mùkwá sólò di vinu kà hoya dihiki nki yisala? Yi tumu mwana ménè wù yi zola bungi, mbenze nà bà mù mono bà muzitisi. 14Kingi lo, bà kuni vinu bà mwénè mwan'a mùkwá sólò di vinu kà tukusu bà sadídí mfundu bà hoya nà wawu sálá wè kímfùmù ki tâtà. Tumu hondo mùsámù kimvwama kisala ki bétù. 15Bà mulosele kumpenze di sólò di vinu mánà'a bà mù hondele. Tángù di, nki kà sálá mù kwa sólò di vinu? 16Kà kùsù mù sólò di vinu, kà hondo bà kuni vinu mana kà hana kù bà kuni vinu bà hiki. 17Mánà Yésù kaba tadidi mánà kà bà kémbé:Nki disongididi mánà bibi bà sónékénè: Tadi dini bà losele kù bà tungi nzò di kùmíní mfúnù muku tungidi nzò. 18Koso mùtù bwa hâ ntàndù'ata didi, kà toloko mánà, wù dibulu wùnù kà mpanzana. 19Bá mbütù baba ngángà Nzámbi mpüngù wè lóngi bà mínsíkù bà dingidi bà mùkwátá mùtángù diádìnì, mánà bà wüdi bomo bù batù mùsámù kélé bà zéyé nà kà télè nsímù mù sàmù di bawù mánà bà wüdi bomo bù batù. 20Bà yandikidi kù mutala Yésù mánà bà tùmíní bà yakala bà sadídí kùzáyí nà bámù zéyéko mùtù wù mù kukala batù bà mbótì muku mù kwata mù mutambu mù mimi lubuku mù mùnwá yàndi ,kù mànimi bà mù teke kù bà mfùmù wè mù kiyeke ki kùfùlùnélé. 21Bámù huila: mulongi, tuzeye nà ngè túkù hoyi wè kulongo wè kù sùngámá wè túkù kimpoko bilunzi bi batù, mánà longa nzidi Nzámbi mpüngù mù mákíedík màkùlù. 22Batù bâna batumini mù kumumeke Yésù bà hoya: Bà tuhele bétù divè, to lo, mù kufutu mpaku kùkénè Ampélélè Sezadi? 23Yésù kazeye nà bà mékénè mù kumuhunu. Mánà yi kà bà kémbé: 24Lunsongidi ménè kibendi kimosi ki nzímbù. Kwéníná yiki kilunzi ki Ampélélè nà wè zíní di nà? 25Mana Yésù kà bà kamba: Luhana kù Ampélélè Sezadi bi fwénè kù yàndi, mánà luhana kù Nzámbi mpüngù bi bienina bi Nzámbi mpüngù. 26Bà mù mweneku ahe kà hóyélè bù mbi kù mésù mà batù; bà yítùkídí mùmà mvùtù mà yàndi, yiba whenene mpwétè. 27Baba hiki bà sádúséyà, bà hóyélè kweku wè lufutumuku, bà mpùsénè mánà bà mù huilélé Yésù nà: 28Mulongi, Mósé kà sónékénè mùnsíkù wù mùsámù di bétù: Nà mùtù fudi mánà yi kà sisidi mùnkétu mánà bà kélókó wè mwana, mbángí yakala wù mùtù wù fudi, kà fwéti mù kwélè mufudi mùnkétu mùsámù bà bùtù mwana wù bà bóngó kùzáyí nà mwana wù mvumbi. 29Mánà kukele wè bà mbángí baba yakala nsambwadi, wù ntétè yi kà kwelele mánà yi kà fudi wù kondo mwana. 30Mbángí wù zolo wuyakala yi kà kwelele mufudi mánà mpè kà fudi wù kondo bâna. 31Mánà wù tátù kà mù kwelele mpè mufudi, mánà yi kà fudi mpè. Mánà bwabùnù, bà nswambwadi bà mù kwelele mánà yi bà fudi bakulu bà koko kubutu mwana wè yàndi. 32Kù bù nsuki mùnkétu mpè yi kà fudi. 33Mánà tù kamba bétù wuna kà kalà mùnkétu wù mùtángù di fútúmúkù? Mùsámù kà kwelele balumi bà, bà nswambwadi. 34Mánà Yésù kà kamba bà Seduseya nà: Mù dizingù di batù bà kwelasana. 35Mánà batù bà hiki bà bóngó mahambu di kù futumuku kù bà fwâ. Wè di kuzingi dihiki kù manimi mà dizingù di.Mù dizingù dimpa, batù bà kwelasanaku. 36Bà kalà kùzáyí nà bà wanzio mánà bà bisi fwoko. Benina bâna bà Nzámbi mpüngù, mùsámù bà fútúmúkù kù bà fwâ. 37Mánà bà fwâ bà futumuku, ata mi kà sónékénè Mósé kami monekese mù mimitadidi mwan'a muti nsende, mùtángù dika télélé Nzámbi mpüngù, Nzámbi mpüngù wù Abalayami mánà Nzámbi mpüngù wù Kizaki, mánà Nzámbi mpüngù wù Yakobi. 38Mánà Nzámbi mpüngù keku Nzámbi mpüngù wù batù bà fwâ, mánà kéníná Nzámbi mpüngù wù batù bà zinga mùsámù bakulu bà zinga mùsámù di yàndi. 39Bàlóngi bà mínsíkù bà hiki bà vutwele: Mulongi, luhene mvùtù yi bù mbótì. 40Mánà kù kélókó wè mùtù wù mékénè dihiki kù mù huilù ata kiufu. 41Mánà Yésù kà bà kémbé bwe tù fwénè kù hoyi nà Kídísítù kéníná mwana Távidi? 42Mùsámù Távidi yàndi bénè kà hóyélè mù mukanda mikungu: Mfùmù Nzámbi mpüngù kà hoyeleku mfùmù ménè Kídísítù: Zakalà ngè hâ kù koko di ménè diki tâtà. 43Tii hana yi sia mbeni bà ngè kunsi malu mà ngè kùzáyí nà ki diatidi ki ngè. 44Távidi kà mutela Kídísítù Mfùmù yàndi, mánà nki mpídí Kídísítù fwénè kù kalà mwana yàndi? 45Mùtángù dini batù bà kùlù bà mù wudidi, Yésù kà hoya kù bà longoki mi yàndi: 46luyambula kù zakalà wè bàlóngi bà mínsíkù bà zola kù kangala yi mà vwele mà kaleyi mánà bà zolonga baba yamba wè dizitu mù mawenzi wè kù bóngó biziki bi mfúnù kulutu mùmà Nzó mfùmù wù Nzó Nzámbi mpüngù wè biziki bùnkétè bi díkùmù mùmà féti. 47Mánà bà huna mifudi mánà bà bonga manzo mà bawù mánà basala dihiki bisambu bi kaleyi mùsámù bà dimonisi. Bà lolo nsídì malongi mà yàndi.
ទើបបានជ្រើសរើសហើយ៖
LUKU 20: LNZ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lonzo Bible by Beyond Translation is licensed under Creative Commons Attribution-ShareAlike 4.0 License.
