LUKU 19
19
1Yésù kà kotele kù Yeliko mánà kà hiokele mbánzá. 2Kù kélé mùtù yakala mosi zíní Zakayi mfùmù bà futisi mpaku. 3Kà dingidi kà mù mono nà kà kélé Yésù, mánà kà kudieku mùsámù kibùkù ki batù bà kélé bà vùlù-vùlù mùsámù kà kélé mùtù kà nkufi. 4Kà yetekele kù disè mánà yika matini mù muti sikomodi mùsámù kà mono Yésù, mùsámù kà fwéti lutidi hahana. 5Mùtángù kà kùmíní Yésù hâ kiziki kiakini kà tadidi kù zülù kà mùmwénè mánà kà mù kémbé: Zakayi mùnù diadi kulumuku, mùsámù yi fwété télémè lélé kù nzò ngè. 6Zakayi kà kulukini nswàlù mù muti mánà kà muyembe wè kiésè. 7Batù bà kùlù bà mwénè mámbù mánà bà yandiki kù bokoto wè kuhoyi: Mùtù wù kà dia kù nzò musumuki! 8Mánà Zakayi kà telemene kù disè di mfùmù yika telemene mánà yi kà hóyélè kù mfùmù: Tala,mfùmù! Mùtángù di,yi hékè nkati-nkati bi bimi bi ménè kù bà nsùkàmí, mánà nà mpunini mùtù, yi mù vutululu mbala yiya bi bongele. 9Mánà Yésù kà hoya: kubiki ku batu ku kumini leluki mù nzò ngè, mùsámù mùtù wù kéníná mpè mutekulu Abalayami. 10Mùbwa bùnù, mwana mùtù késé dingi wè kubikisi baba ladidi. 11Mánà kibùkù ki batù bà wüdi miamini, Yésù kà yikidi nsímù mosi dihiki: kà kélé bélé-bélé wè Yélùsálémí mánà kà zéyé nà kímfùmù ki Nzámbi mpüngù ki moniki lélù ki. 12Kà hoya mánà: kù kélé mùtù mosi wù dizitu kà yélè kù nsi mosi yi kiana mùsámù bà mù hékè kímfùmù mùsámù késé yala kù nsi yàndi. 13Kùdísé di kù kwéndé, yi kà télélé bà nsádì bà yàndi kùmí mánà kà bà hélè koso mùtù kibendi kimosi ki wolo mánà kà bà kémbé: Lutala bi lù fwénè kù bóngó mintesu wè nzïmbù zana mùtángù yi kalà ménè mù kù kangala. Yi kà tùmíní bà ngenzi kù manimi bà mùkámbá kù manimi mà yàndi mùsámù bà mùkámbá: Tuzoleloko mùtù wù kà kalà ntotidi bétù. 14Mùtángù diádìnì, batù bà nsi yàndi bà zoleleku ku mulemvuki mánà kà tùmíní batù bà hoyi muzini di bà kùlù kù manimi bà mùkámbá: tù mù zoleleko mùtù wù kà tuyala bétù. 15Kù manimi mà kù mùsiá ntotidi, yikesele mánà yi kà telese bà nsádì bà yàndi. Yi kà bà huilélé ntàlù kwa bà bongele wè kibendi kimosi ki wolo ki baba hélè. 16Nsádì wù ntétè yikesele, mánà yika hóyélè: mulongi, za yikamene bibendi kùmí bi nzïmbù za wolo za wù mpêle. 17Ntotidi kà mùkámbá: Bù mbótì, wéniná nsádì mbótì mùsámù kélé wè mà kiediki mù mwana bimi bi nkékè, yi ku hiki ma vùlù kùmí. 18Wù zolo yikesele mánà kà hóyélè :mulongi, nzïmbù za ngè za yikamene dihiki bibendi bi tanù bi nzïmbù za wolo za wù mpêle. 19Mulongi kà mù kamba: ngè mpè, yala mà mbánzá matanu. 20Wù hiki yikesele mánà yi kà hóyélè: Mulongi, tala kibendi ki ngè ki nzïmbù za ngè za wolo swékélè mù mùlélè. 21Mùsámù nkélé yibomo bù ngè, mùsámù wéniná mùtù wù mísámù mi kabala. Ngè bonga bimi bingani bi kóndélé kù sia mánà katula mù masolo bimi kóndélé kù kùnù ngè. 22Mulongi kà mù kamba: «Yi ku sambisi mùmà malubukidi kù mùnwá ngè bénè, nsádì mbi, ngè yebe mbótì nà ménè ngienina mùtù nkambu, mánà yi bonga bimi bini yikondele kù kùnù musolo». 23Mùsámù di nki mánà kóndélé kusia nzïmbù za ménè kù bangi mùsámù tii hâ yikusu vùtùkù yiza bongidi wè mintesu hâ ntàndù? 24Mánà yika hóyélè kù bà-bà kélé hâ hana: Lù muhotono kibendi ki nzïmbù ki wolo, mánà lù hékè wù wéniná bio kùmí. 25Mánà yika mù kémbé: mulongi, yàndi kéníná wè ntétè wè bibendi kùmí bi nzïmbù za wolo! 26Ntotidi yika vutwele: Yi lùkémbé; bà-bà benina wè mwana ndambu bimi, bà muyiki diaka biyiki,mánà bà-bà kóndélé, bimi, ata mwana ndambu benina bio, bà bi katulu. 27Nà kù bà mbeni bà ménè bà kóndélé kù zolo ménè yibayala, lù bà nata hâ mánà lù bà hondo hamesu mà ménè. 28Kù manimi mà kù hoyi mámpándì mánà, Yésù kà lende dihiki nzidi yàndi mù kù kwéndé kù vùlù di Yélùsálémí, kà yélè kù disè di minangu mi yàndi. 29Bà longoki kà mpùsénè bélé-bélé wè Betifaze wè Betani, hâ ntana mwana mongo bà télélé mongo wù miti mi bà olive, Yésù kà tùmíní bà ntùmù bôlò. 30Kà bà kamba Lwéndè kù hâtá diénina kù simu yi, mùtángù dini lukoto lumomo mwana mpúndù bà mù kasidi hâ ntanù yàndi ata mùtù mosi kà matiékù lù mù katulu musingi mánà lusu ,lusu munati. 31Nà mùtù kà luyulu: nki mù kutumununa? Lù mù kamba nà,mfùmù mù vudi mfúnù. 32Bà ngenzi yi bélé, bà mwénè miàkùlù bùnù kà bà kémbé Yésù. 33Bùnù bà mù kutumene mwana mpúndù mù musingi, bà kwa yàndi, bà-bà hiuyula Nki lù mù kutumunina mù musingi mwana mpúndù? 34Bà mù vutululanga: mfùmù mù vudi mfúnù 35Mánà bà mùnété mwana mpúndù kù Yésù, bà mù loselelé mílélè mánà bà mù telemese Yésù hâ ntàndù'a mpúndù. 36Bùnù bà kà yélè batù bà yadidi mílélè mù nzidi. 37Mùtángù dini kà kùmíní Yésù bélé-bélé hâ kiziki ki mongo ki miti mi bà olive, kibùkù kiakulu ki bà longoki bà yandikidi wè kiésè mù kù kùmisi Nzámbi mpüngù mù ndíngí yi ngólò mùsámù di bípélékésè biákúlù bini bà mwénè. 38Bà wòkélé: kà sambuku ntotidi wù kùsù mù zíní di mfùmù! Ngémbè kù zülù wè díkùmù kù Nzámbi mpüngù. 39Hâ nkati-nkati kibùkù ki batù Bà Fadisi bà hiki bà hoya kù Yésù: Mulongi bà bóngó bà longoki mi ngè. 40Kà bà vùtùélélè nà: Yi lùkámbá, nà minangu mi ménè mi kù mù mpwétè, matadi mà bénè mà wosoko mùsámù mà mpèke míkémbù. 41Tángù kà síétùkélè Yésù kù mbánzá Yélùsálémí mánà yi kà mwénè vùlù, yi kà wòkélé mùsámù di batù bà zinga mù vùlù diénina. 42Mánà yi kà hóyélè: leluki, batù bà ngè bà zéyéko ki kimunatini yàndi Ngémbè! Mùtángù di, bà-bà swékélè. 43Tángù di kùsù kukukala bà mbeni bà bénù bà tungu bibaka mù lweke di bénù mùsámù bà lù nwanisi. Bibuku bi bà sùta bi luzungu mánà mpè bà luziete, mùmà ndambu màkùlù. 44Bà lù bebisi mbótì-mbótì, bénù wè batù bà benina mùnkâtí kà bibaka bi bénù; bà sisoko ata ditadi di mosi hâ kiziki kiandi, mùsámù bénù zeyoko tángù di kayisidi Mfùmù Nzámbi mpüngù mùkùlù bikisi. 45Yésù kà kotele kù témpéló mánà yika kudidi baba tekele. 46Yésù yika bà kémbé: bà soniki mù míkándá:Témpéló di ménè di kalà nzò yi bisambu, mánà lù yikumisi kiziki ki kù kutikisi befi. 47Konso kilùmbù kà longele mù dimpangu di témpéló. Bá mbütù baba ngángà Nzámbi, bàlóngi bà mínsíkù wè bà mfùmù baba Yùdá bà dingidi manzidi bà muhondo. 48Mánà bà zéyékù nki mpídí kù mù zwa, sàmbù koso mùtù kà mù wudidi, mi kà hóyélè.
ទើបបានជ្រើសរើសហើយ៖
LUKU 19: LNZ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lonzo Bible by Beyond Translation is licensed under Creative Commons Attribution-ShareAlike 4.0 License.
