LUKU 16
16
1Yésù kà télé mpè nsimù kù bà longoki mi yàndi: «yakala mosi mvwama kà kélé wè mù sweki bimi. Mánà yibesi mù natini nsángù nà, kà bebese bimi bi yàndi.» 2Yika mù télélé yika mù kémbé: nki biyi tù kù wa bà tù kù hoyi mùsámù di ngè? Zaya kù batidi bimi binge mùsámù fwanoko kù batidi dihiki bimi bi ménè biákúlù. 3Mù batidi bimi kà bihoyila yàndi bénè: Nki yisal'a ménè, mùsámù mfùmù ménè kà nkatula mù kù batila bimi bi yàndi? Kù bundulu mafu? Yeku yi ngólò. Bi lombo-lombo? Yiwa nsoni. 4Nzeye mayi sálá mùsámù kù kalà yi batù bà ngiamba kùkéníná bawù mùtángù bà nkatulu mù kisalu ki ménè 5Yika telese koso mùtù wena yi mfuku yi mfùmù mánà kà bà kamba kù mùtù ntétè; ntàlù'ntàndù kwa fwéti futu mfuku kù mfùmù ménè? 6Ménè yi hana mà ngùngùlù nkama mà manansi mà olive, kà vùtùlanga. Kà mù kamba; tala kitiki ki ngè, zakalà nswàlù mánà soniki mà kù matanu. 7Kà kamba dihiki kuwu zolo: Mánà ngè, ntàlù kwa vutulu ngè? Yi hana mà nsaki nkama ma bíbùndù ma bulé kà mù vutulalanga; mánà yika mùkémbè: tala kitiki ngè, soniki mákùmí nãná. 8Mánà mfùmù yàndi kà mù nsikisi kampiti sàmbù kà sadídí mámbù mà máyélè màkùlù mùsámù bâna bà nsi yi bénè máyélè méngí mù mutindu wukusala kù disè di bifù bi bawù kulutu bâna bà mwêndè. 9Mánà Yésù kà hoya: Ana ménè, yi lùkémbé: lùsálá bénù ki ndûkù wè bà mvwama kikondo masongo,kù bunsuki bà luyamba hâ kiziki ki minsa yi minsa. Tángù kà kùsù bà luyamba mu biziki bi mu nsa yi minsa. 10Wù wéniná wè masongo mù bimi binkeke kéníná mpè wè masongo mubimi bi vùlù mánà wù kóndélé masongo mù bimi bi nkékè wè mù bimi bi vùlù. 11Nà bénù lù kélókó yi masongo mù bimvwama bi kondo masongo, nà luheke bimi bi bùnkétè bi masongo? 12Mánà nà lweku yi masongo mù bimi bi bà kwénù nà luheke bibi bénù? 13Keku nsádì fwénè kà sadídí bà mfùmù bôlò, mù diambu kà bisi wù ntétè mánà kà kálà wè ditondo di mùtù wù zolo, to kà kangama wè wù ntétè kà bisi wù zolo. Lù fwanoko kù sadídí Nzámbi mpüngù wè mbongo. 14Mù kuhinga biákúlù bini, Bà Fadisi bà zolélé mbongo, bà yandikidi kù mùséyí yàndi. 15Ku manimi, Yésù kà bà kamba nà: Luzola lulubuka batu bà mbótì ku mesu ma batu mana Nzámbi mpüngù zeye mambundu mambi ma bénù.Bimi bi bà mona batu mfunu yingi bienina mu masongo mana ma bébisá. 16Mínsíkù wè bà mivungi miyele tii kùkéníná Zwáni mu botiki; tù kù ntama, nsángù mbótì yi kímfùmù ki Nzámbi pungu wè, kù hoyi wè koso mùtù kà dingi kà koto mù ngólò. 17Zülù wè mafu fwénè kù malala kù kondo mpasi, mánà mwan'a kisono kinkeke ki míkándá mi mínsíkù mù kù lala mienina mpasi zéngi. 18Koso yakala wù kudidi mùnkétu yàndi, mánà wa kwélè mùnkétu hiki kà télé mbongi, wè yakala wákùlù wa kwélè mùnkétu hondele wala wè yakala di yàndi kà télé mbongi. 19Kù kélé yi yakala mosi kà kélé mvwama, kà vete mílélè mi ntàlù mánà koso kilùmbù kà zingidi mù kiésè wè luzingu di bù nkete. 20Nsùkàmí mosi mù zíní di lazadi kà nimini hadise di mwelu yàndi, yima mpùtù mùlùtù. 21Kà zolélé bù mbótì kuyukutu bi késé-késé bi bimi bibudi hatandu mese mà mvwama, mùtángù diádìnì kákà bà mbwa bayisi henda mà mpùtù mà yàndi. 22Nsùkàmí kà fudi, mvumbi yàndi bà wanzio bà yi nèté bélé-bélé kùkéníná Abalayami. Mvwama mpè yi késé fwâ, bà mù zikiti mpè. 23Kù bilungi kà tombele mésù mà yàndi mù kiana kà mwénè Abalayami, wè lazadi mù nkungu yàndi. 24Yi kà wòkélé mù ndíngí ngólò :tâtà Abalayami, ngùlù ngè kíádì bè ménè mánà mù hitiki lazadi mù sàmù kasia nsongi mùlémbù yàndi mù mamba bù nsuki bù yàndi kà kùkísí dilaki di ménè, sàmù yitu kù niokama bùvùlù kù mbáwù. 25Abalayami kà vùtùlanga: mwana ménè, banza ngè wù zudi mà mbótì tángù di dizingù di ngè mánà Lazadi kà túkù niokamaka, mwénè mpasi kulutu ngè; tángù di batù kù mù bondidi hâ, mánà ngè, túkù niokama. 26Kayiki dihiki, kwéníná yimbengi yi mbùtù yi tukabisa, bénù yi bétù, bù nsuku bù yàndi baba zolélé bâna bà lùtù hâ, mù kù lùtù kù lwéníná bénù holo, kù lwéníná bénù mùkùsù kù,bà yámbùlù kù misala. 27Mvwama kà hoya: «yi ku bondila, tâtà wù mù tùmíní Lazadi kùkéníná tâtà ménè, mùsámù yéníná yi bà mbángí bà ménè bà tanù.» 28Mù sàmù kà bà kamba, bù nsuki bwandi bà yámbùlù kù-kù mù, mpè hâ kiziki ki mpasi ki. 29Abalayami kà mù vùtùlélé: Benina yi mínsíkù mi Mósé wè bà mivungi, baba wulu. 30Mvwama kà hoyawu: «lo, tâtà Abalayami, nà mùtù mosi wù fwâ kende kùkéníná bawù bà bálùmùnù bifù». 31Abalayami kà mùkámbá; nà bà tù ku zitisoko mínsíkù mi Mósé wè mivungi bà ndimoko mpè ata mùtù mosi futumukini.
ទើបបានជ្រើសរើសហើយ៖
LUKU 16: LNZ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lonzo Bible by Beyond Translation is licensed under Creative Commons Attribution-ShareAlike 4.0 License.
