LUKU 17
17
1Kilùmbù kimosi, Yésù kà bà kamba mù bà longoki mi yàndi: kúmékámá kù kùsù mùnsiêdíkí; mánà mpasi nki kiadi yi tù kuyingidi mùtù wùnù mi kusidi. 2Bùfwénè mbótì bà mù kasa tadi mà mbùtù mù nsingù mánà bà mùlósó mù nzadi mánà bweku bù mbótì nà yàndi kà mù bende mwana mosi mù nkati kà bâna baba nkékè mù kù sálá másùmù. 3Mánà lubikebisi! Bénù-bénù! Nà mundimi mosi sumukini, lumukemini; mánà ho kà bálùmùnù mbùndù, lù mùlòlòlò. 4Nà kà sumukini kù wéniná ngè mbala'a nsambwadi mù kilùmbù kimosi, mánà mbala nsambwadi mù kilùmbù késé vùtùkù kù wênè ngè mánà nà kahoyi: Nsadidi bumbi, ngè mùlòlò. 5Ntùmù mi hoya kù mfùmù: Tù yiki bétù dikwikilu. 6Mfùmù kà hoya: Ho ngè wukala wè dikwikilu di nkékè neti dingenze di mutadidi, nka hoyi kùkéníná muti wù mbùtù: Vusuku ngè! Mánà ndawende bi kunisi mù nzadi, mánà kaku lemvukididi. 7Tù bóngó mbandu; Nà mosi bénù kéníná wè mùmpíkí wù dima to batila mikoko. Tángù dini kà vùtùkù kù solo, kà mùkámbá: "zawusu kwanga, zakalà hâ mese mùsámù wudia? 8Lo, luhoyoko bwabùnù. Lù hoyi bù: lundambidi mwana kimi ki kù dia. 9Mánà mulongi kà hélè matondo mùnsádì wùnù mùsámù kasadidi mini bà mùkémbè. 10Kwéníná mpè bwabùnù mùsámù di bénù, mùtángù lusadidi biákúlù bi bà lulombele mù kusala, luhoyi: Twéndè kwákùnù bà nsádì bà kondo mfúnù, tù sadídí bi tù fwénè mù kù sálá. 11Yésù kà yélè kù Yélùsálémí, kà hiokele légiõ di diénina dini bóngó sámádi wè Ngádítí. 12Mánà kà kotele hâ hâtá di mosi, batù kùmí bà bwasi yibesele muku kutana wè Yésù. 13Mánà kà yandikidi kù bà kamba:Yésù, mfùmù, tù wulu kíádì bétù! 14Tángù bà mùmwénè, Yésù kaba kamba: Lwéndè lubisongidi kù kwéníná bà ngángà Nzámbi mpüngù Tángù bà yélè mù nzidi yiba bikidi. 15Mosi wù bawù, kà bi mwénè bikidi, késé vùtùkù kù malu mà Yésù kù mù vutululu matondo kù Nzámbi mpüngù mù ndíngí ngólò. 16Kà budi kilunzi mù mafu mù malu mà Yésù, mánà kà mù vutwelele matondo. Kà kélé mosi wù Músámádi. 17Yésù kà bongele ndíngí mánà kà hóyélè: Bà kùmí bà bikidioko? Mánà bà vwa bà hiki kwé benina? 18Wusu bi zaya kákà mù nzénzè mùkùsù vutuki wè kùsù vutulu mutondo kù Nzámbi mpüngù? 19Mánà kà mùkémbè: télémè ngè, ndawende, dikwikidi di ngè di kù bikisi. 20Bà Fadisi bà hiki bà huilélé Yésù nki tángù ki kùsù ki mfùmù ki Nzámbi mpüngù. Kaba kamba: Kímfùmù ki Nzámbi mpüngù ki kusoko mù kù bisongisi. 21Bà hoyoko: lutata, kitala! To kiakina; Mùsámù kímfùmù ki Nzámbi mpüngù kienina kù bénù. 22Mánà kà hoya kù bà longoki mi yàndi nà: Tángù di kùsù lùkálá yi mfúnù lumono kilùmbù kikakusu mwana mùtù, mánà bénù lù mù monoko. 23Bà lùkámbá: kéníná hâ, kéníná kuna. Lù yámbùlù kù kwéndé, lùyámbùlùlù kù nwanini mpè. 24Bùnù kà hana mù nsemu nzasi kù bunsuki bù zülù yi bunsuki bù zülù, bwabùnù mikala kilùmbù ki kà kùsù mwana mùtù. 25Mánà ntétè kà fwéti niokama bùvùlù mánà bà mùlósó kù batù bà tángù di. 26Mpídí mísáláménè bùnù mùtángù di Nowa, miamini misalama kilùmbù kà kùsù mwana mùtù. 27Batù bakulu bà didi, mánà mpè bà nuni, bà kwelene wè bà kwelese bâna'a bà bawù, ti kilùmbù kika kotele Nowa mù nzasa, mánà mvùlù yi ngólò-ngólò yinokene batù bà kùlù bà fudi. 28Kù kalà boso nà mùtángù di Loti: batù bà didi, bà nuni, bà sumbidi, bà tekele, bà kunini, wè bà tungidi. 29Mánà kilùmbù kà lubukidi loti kù sodomo Nzámbi mpüngù kà nokese mvùlù yi mbáwù zülù yisi hondo batù bâna bakulu. 30Kù kalà mpè mù mpídí mosi kilùmbù kà kùsù Mwana Mùtù. 31Kilùmbù kiakini, wù kalà hâ ntàndù'ntàndù mudilu wè kalà yi bimi bi yàndi mù nkati kà nzò kà kulumukoko mùsámù kà bi bóngó, wè wù kalà kù masolo kà vutukoko ata kù mùkókó. 32Lubanza bénù mpè mimi salemene mù munketi loti. 33Wù zolélé kà bikisi moyo yàndi kà muladisi, mánà wù ladisi kadi batidi. 34Yi lùkámbá, mpíbí ya yínì, batù bôlò bakala hâ ntangi mosi: mosi bà mù bóngó mosi kasala; 35Bankêtu bôlò bà toko kiziki kimosi: mosi bà mù bóngó mosi bà mù sisi. 36Bà yakala bôlò bà kalà musolo di mosi: bà bóngó mosi bà sisi mpè mosi. 37Minanga mi mùkámbá: Kwé mi hiokidi miàkùlù mini, mfùmù? Kaba vùtùélélè: Hâ kalà lùtù, hahana bà sangana mpè bà nuni baba dia batù.
ទើបបានជ្រើសរើសហើយ៖
LUKU 17: LNZ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lonzo Bible by Beyond Translation is licensed under Creative Commons Attribution-ShareAlike 4.0 License.
