LUKU 15
15
1Kilùmbù kimosi, Bà futisi mpaku bavulu wè bà nsumuki bà yisi wa ndíngí yi Yésù, 2Mánà bà fadisi wè bàlóngi bà mínsíkù bà ngùnini, bà hóyélè:« mùtù wù kà yamba bà nsumuki kà dia wè bawù». 3Mánà Yésù kà bà télélè nsímù: 4Nà mosi wù bénù kéníná yi míkókó nkama, mánà, kà ladisi mosi kà yambuloko kùmí yi vwa mahiki mùnkâtí kà nsékè mù kù dingi wù ladidi ti kùnù kà kwé dimono? 5Tángù kà mu mwene,yi kadisidi wè kiésè hâ ntanù kimpanga 6Tángù kà vùtùkù kù nzò, kà télé bà ndûkù bà yàndi wè bibaka zinga bo bélé-bélé mánà kà bà kémbé: «lù sepidi bénù wè ménè, mùsámù ménè mbwene mùkókó wuladidi wùnù». 7Mù mpídí ya yínì,ménè yi lùkémbé, kù kaloko yikiese kù zülù mùsámù di musumuki mosi yambwele másùmù, keku mù mákùmí vwa yi vwa bamboti mù kusobo bifù. 8Hololo, nà mùnkétu mosi kéníná wè nzïmbù kùmí mánà yi kaladisi di mosi, kà lemisi mwêndè yándì,kà kombolo nzò wè kù dingi yibunkete ti kùnù kà mono? 9Tángù kà di mwénè,yika télélé bà ndûkù bà yàndi wè bà kà zinga bo bélé-bélé yika bà kémbé; kusepidi bénù wè ménè, mùsámù ménè mbwene nzïmbù zana ndandisi. 10Mpídí mosi, yi lùkémbé, kwena yi kiésè mùnkâtí kà bà wanzio bà Nzámbi mpüngù mùsámù di musumuki mosi balumwene mbùndù. 11Kà mùkámbá dihiki: «Yakala mosi kà kélé yi bâna bôlò baba yakala». 12Ngùnzù kà mù kamba tâtà yàndi: «Tâtà ménè,mpèke ménè kondi diki mvwama ki ngè ki kifwéti mvutukidi ménè». Mánà tâtà yika bà kabisidi mánà bimvwama. 13Kù manimi mà bilùmbù bi nkékè, ngùnzù di kà bongele biákúlù mánà dikele kù nsi kiana, kù kà ya bebisi kimvwama mù kuzingi mù ki ndumbu. 14Mánà yika sadididi za kùlù, nzala kafu-kafu yisi koto mù nsi ya yínì mánà kà yandikidi kuwa dihiki nzala mà mbótì. 15Yika bikotisi mù kisalu kimosi ki bà kwa nsi,kimu tùmíní kù masolo mù kutala bà ngùlù. 16Kà zolélé wù mbótì kadia bidia badidi bà ngùlù mánà keku mùtù muhele bio. 17Kà yandikidi kù banza wè kù dihoyidi nà: bà kwa batù bà kisalu kù nzò tâtà ménè bénè yi mampa mavulu-vùlù mánà ménè hâ yi tù kù fwâ wè nzala. 18Yi vutuka kùkéníná tâtà ménè mánà yi mù kamba: Tâtà, nsumukini kù zülù wè kùkéníná ngè. 19Yeku dihiki yi díkùmù bà ntele mwana ngè, mbongo ménè kùzáyí nà mosi mù nkati kà bà nsádì bà ngè. 20Yi kà telemene mánà yi kélé kùkéníná tâtà yàndi. Mùtángù kà kélé dihiki kiana, tâtà yàndi kà mùmwénè mánà yi kà wüdi kiésè, yi kà yetekele yi kà muyembe. 21Mwana kà mù kamba: tâtà ménè nsumukini kù zülù wè kùkéníná ngè, yeku dihiki wè lukumu bà ntele mwana ngè. 22Mánà tâtà kà hoya kù bà nsádì bà yàndi: lunata diadi mùlélè wù bùnkétè, mánà lù mù sia wo; lù mù vwatisi lumpetu mù mùlémbù mánà lù mù sia mampaba kù malu. 23Lù nata mwana ngombo masi mánà lù mù hondo tù dia mánà tù sepidi bétù kùlù. 24Mù sàmù mwana ménè wù kà fudi mánà vùtùkídí mi dizingù kà ladidi mánà monekene. Mánà bà yandikidi kù sálá féti. 25Kingi lo, mwana yakala wù ntétè ká kélé kusolo. Tángù kà vùtùkídí, kà mpusane bélé-bélé wè nzò, kawa miziki, wè makinu. 26Kà télélé mosi wù bà nsádì mánà kà mù huila, nki bi ti kulutu. 27Nsádì kà mùkámbá: Mbángí ngè, wusu vùtùkù mánà tâtà ngè hondele mwana ngombo masi sàmù kà mùmwénè yi lùtù dibunkete. 28Mwana yakala wù ntétè kà wüdi nkabù mánà kà zoleloko kà koto mù nzò. Tâtà yàndi kà lubukidi kà mù bondele kà koto. 29Mánà kà mù kamba kùkénè tâtà yàndi: Tala'a minsa mingi ménè yene mù kisalu ki ngè yima bisiêku mù mitsiku mi ngè, mánà ata bwe bùnù wù mpekiêku mwan'a nkombo mù mpídí yi sálá féti wè bà kwénù bà ménè. 30Mánà bùnù kà kùmíní mwan'a ngè yakala yàndi wù didi bimi bi ngè wè bandumbu, mù mùsámù di yàndi mù hondelele mwana nkombo masi. 31Mwana ménè, kamu kamba, tâtà, wena koso ki lumbu yimene mánà biákúlù ngienina bio, bienina bi ngè. 32Mánà bùfwénè bù nkete, tù sálá féti wè tù sepidi, mùsámù mbángí ngè mwénè wù, kà fudi, mánà wusu vùtùkù mù dizingù, kà ladidi mánà wusu moniki.
ទើបបានជ្រើសរើសហើយ៖
LUKU 15: LNZ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lonzo Bible by Beyond Translation is licensed under Creative Commons Attribution-ShareAlike 4.0 License.
