Jenadik 7
7
Allah natèrꞌèn bègꞌag rayak
1Nòm kerek nak TUHAN nachal ma Nuh, “Yék inéh nòm kenèmbek sènꞌòy èn jaman doh had hãk hék lah rik kènmën èn mad Yék. Sebab nak, mòj lah ma bod rayak nak samak kenèmbek kewarge hãh. 2Nòm kenèmbek jenis lawok rik méj èn mad Yék, èn lah tujoh kelènmin. Tapik nòm mèn lawok rik laꞌes èn mad Yék, èn lah néy kelènmin hék. 3Èn lah keꞌjèk tujoh kelènmin nòm kenèmbek jenis chèp. Dak gerèk nak lah kenèmbek lawok ròb chèp nak boléh mugos bok muchëy wèl èn bumi. 4Tujoh arik wèl Yék akal itèrꞌèn tèhteh rik tok beharej ma bumi selamak empad puloh arik ròb empad puloh layèg. Bok rèk nak lah Yék itèrhõy nòm bumi doh kenèmbek sènꞌòy ròb lawok gès-gos rik hòj ipèrhéj nak.” 5Dak Nuh pon nateꞌèl kenèmbek ilok rik TUHAN hòj naꞌor nak.
6-16Tujoh arik nòm kerek nak, TUHAN natèrꞌèn bègꞌag rayak èn bumi. Gerèk doh lah nabelakuk:
Bil umor Nuh nak 600 tawon, èn tujoh belas arik bulan dua nak, Nuh ròb kewarge eh ummòj ma kelòj bod rayak nak untok mutèrgos ma rik um nòm bègꞌag nak: Nuh ròb léh eh, samak tigak kuwòt wèh — Sèm, Yapèt, ròb Ham — bok ròb léh um. Dak mok keꞌjèk kenèmbek jenis chèp ròb lawok naꞌtèk: rik méj bok rik laꞌes èn mad TUHAN, rik lènmun bok rik kèjlaj, rik rèꞌyak bok rik èꞌjok. Umnak kenèmbek umlãj ma Nuh panar-panar, beh ròb bok, dak ummòj ma kelòj bod rayak nak samak Nuh, tehad gerèk rik Allah hòj naꞌor ma Nuh hatòp.
Hòj sòj kenèmbek ummòj, TUHAN nachèrtekh rèngkak bod nak. Dak bil is nak keꞌjèk, kenèmbek òng èn tèk bumi tok-tok napulud. Dak langid pon napa-pog, bok nateh rayak geb. Dak nateh chèjhẽj èn bumi selamak empad puloh arik bok empad puloh layèg, sampéy bègꞌag nak nasèrmuk ma kenèmbek bumi. #Mat 24:38,39; Luk 17:27. #2 Ptr 3:6.
17-18Bègꞌag sejèkh-serajèkh naserèꞌmuk ma bumi, dak òng naꞌèb-ĩb lèrhir sampéy natèrꞌòj bod rayak nak jerok nòm tèk, nabesandol èn riyap òng nak. 19-20Òng nak tèk-tik naꞌèb-ĩb wèl sampéy hòj sampõj ma pok-pok, bok sejèkh-serajèkh naꞌèb-ĩb wèl sampéy 20 kaki jènrok eh nòm juhngõd pok-pok rik paléng balikh nak.
21-23Jadik gerèk nak lah Allah natèrhõy ma kenèmbek ilok rik gès-gos èn bumi doh: kenèmbek chèp ròb lawok èn tèk, rik rèꞌyak bok rik èꞌjok, bok ròb kenèmbek sènꞌòy. Had Nuh ròb kenèmbek rik mok samak rik nak èn kelòj bod rayak nak tok umkèsbes. 24Dak òng bègꞌag nak tik nasèrmuk ma bumi 150 arik.
ទើបបានជ្រើសរើសហើយ៖
Jenadik 7: KKT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.