Jenadik 6
6
Jènhad sènꞌòy
1Bil nak lènbéh sènꞌòy nabetabeh ibuk bok beralõy èn bumi, dak umnak pon umyos ibuk kuwòt bèꞌbok um. #Ayb 1:6; 2:1. 2Dak mèn kuwòt Allah#6:2 mèn kuwòt Allah Mèn guruk Kitab tok umsetujuk chok “mèn kuwòt Allah” nak. Mok rik bebèdlod umnak melaykat rik hòj umjèk hèh-hoh ma Allah. Mok keꞌjèk rik bebèdlod umnak sènꞌòy nòm waris Sèt, kuwòt Adam nak. Dak mok keꞌjèk rik bebèdlod umnak sènꞌòy rik bekuwase bil jènman nak, dak sènꞌòy nak umꞌanggap rik ma rik um gerèk kuwòt-kuwòt Allah. umyad ma kuwòt bèꞌbok sènꞌòy nak lèhwah, dak umselòg ma bèꞌbok rik umchèn nak. 3Nòm kerek nak Tuhan nachal, “Henèmhum Yéh rik èg-og nèsgos ma sènꞌòy, tapik Yék tok iꞌèr-or sènꞌòy mugos sampéy bilok-bilok. Umnak kenèmbek akal umkebes. Puꞌdoh umor umnak akal tok belèhbéh nòm 120 tawon.” 4Nòm kerek mèn kuwòt Allah umselòg ma kuwòt bèꞌbok sènꞌòy, dak bèꞌbok nak umyos kuwòt um. Dak kuwòt umnak jerok bok rayak geb esik um — umnak lah sènꞌòy rik kèdwad bok lamid belawan. Sebab nak umnak sènꞌòy rik terkenal èn jènman anin tòp. #Ken 13:33.
5TUHAN nanéh ma sènꞌòy èn bumi hòj jehad geb, bok hup ròb benèdlod umnak pon had tebikh nòm jènhad hék. #Mat 24:37; Luk 17:26; 1 Ptr 3:20. 6Dak TUHAN nasisal geb hòj napèrhéj sènꞌòy èn bumi, dak hup Eh nangòm geb 7sampéy Rik Nak nachal, “Yék akal itèrhõy ma kenèmbek sènꞌòy rik hòj ipèrhéj nak, bok kenèmbek lawok ròb chèp keꞌjèk. Yék isisal geb ipèrhéj kenèmbek umnak.”
Allah akal nateꞌèl perènhod samak Nuh
8-10Tapik tik mok néy sènꞌòy rik nasèrnang ma hup TUHAN; kenëh eh nak Nuh. Gerèk doh lah nabelakuk ma Nuh:
Nuh mok tigak kuwòt bèhbeh eh: Sèm, Yapèt, ròb Ham. Dak Nuh nak sènꞌòy rik kènmën èn mad Allah. Nòm kenèmbek sènꞌòy rik gès-gos jènman nak, had Nuh hék rik tok natèlꞌèl salah. Nèsgos Nuh nak selaluk tilok ma Allah. 11Tapik kenèmbek sènꞌòy mòy èn bumi had jehad geb èn mad Allah, umnak umteꞌèl jènhad bok pèngperãng kaban rik um ma lok-lok tèk. 12Nèsgos kenèmbek sènꞌòy nak jehad geb, sampéy Allah nanéh ma duniak nak bok had natèrbuk jènhad hék.
13Allah nachal ma Nuh, “Yék hòj imterèyhõy ma kenèmbek sènꞌòy. Èn bumi doh hòj terabikh pèngperãng ròb jènhad umnak. Sebab nak Yék akal itèrhõy ma umnak kenèmbek ròb kenèmbek ilok rik mok èn bumi doh. 14Teꞌèl lah néy bod rayak untok rik hãk. Teꞌèl lah nòm ad rik chèdgod. Teꞌèl lah bebilik èn kelòj eh, dak sok lah gam ma kelòj bok ma béng bod nak supaye òng tok nammòj. 15Bod nak teꞌèl jènrok enukor eh 450 kaki bok lènwas eh 75 kaki, dak enukor ma balikh eh nak 45 kaki. 16Teꞌèl lah kènròb ma bod nak, dak uy lah jarak eh 18 inchi nòm kènròb ma dindéng eh supaye chènlakh ròb parekh boléh nammòj. Teꞌèl lah bod nak tigak tingkad, dak teꞌèl lah rèngkak èn chening eh. 17Keyòkh lah méj-méj! Yék akal itèrꞌèn bègꞌag rik rayak ma bumi untok imtèrhõy kenèmbek sènꞌòy ròb lawok rik umgès-gos èn bumi. Kenèmbek ilok rik mok èn bumi doh akal umkebes. 18Tapik Yék ichèn imteꞌèl perènhod samak hãk. Mòj lah ma bod nak samak léh hãh, mèn kuwòt hãh bok ròb léh um. 19Dak nòm kenèmbek jenis lawok nak, èn lah nar ikor, beh ròb bok, supaye kenèmbek mèn lawok nak mugos keꞌjèk. 20Mèn lawok nak akal umlãj rik um ma hãk, nar ikor nòm kenèmbek jenis nak: chèp ròb lawok, rik èꞌjok bok rik rèꞌyak, supaye umnak kenèmbek mugos. 21Èn lah keꞌjèk kenèmbek jenis mènhik untok kewarge hãh bok untok kenèmbek lawok nak.” 22Jadik Nuh pon nateꞌèl kenèmbek rik Allah hòj naꞌor ma rik nak.#Ibr 11:7.
ទើបបានជ្រើសរើសហើយ៖
Jenadik 6: KKT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.