Jenadik 8
8
Allah natèrgëb ma bègꞌag rayak
1Allah tok nawèl-wel ma Nuh ròb kenèmbek lawok rik mok samak rik nak èn kelòj bod rayak nak. Allah natèrꞌèn tèrhòr ma kenèmbek bumi sampéy òng natekèd naherëk. 2Dak Allah hòj natèrgëb ma kenèmbek òng rik hèlwòl nòm tèk, bok tèhteh nòm langid pon hòj naharej. 3Jadik òng nak sejèkh naherëk pelènhèn 150 arik wèl. 4Dak èn tujoh belas arik bulan tujoh, bod rayak nak nasòg èn pok-pok èn tèk Ararat. 5Òng tik nahèꞌrëk wèl sampéy bulan sepuloh. Dak bil arik rik mulak èn bulan sepuloh nak, hòj boléh umtèrbuk juhngõd pok-pok nak. 6Nòm kerek 40 arik nak, Nuh napog tingkap rik hòj nateꞌèl èn bod rayak nak. 7Dak rik nak natèrsèk néy chèp ègꞌag. Chèp nak nahèng-héng ma téh ma rèh sampéy òng bègꞌag nak naherëk bok bumi hòj karéh wèl. 8Nòm kerek nak, Nuh natèrsèk wèl néy chèp kukur untok namlèkh mok ke òng nak hòj naherëk. 9Tapik òng nak tik naserèꞌmuk ma kenèmbek bumi, dak chèp kukur nak tok nabedapad tempad untok namkabed. Jadik chèp kukur nak nalos wèl, dak Nuh natadok tikh eh dak natèrmòj chèp nak ma kelòj bod rayak. 10Nuh nadeh wèl tujoh arik, bok natèrsèk wèl chèp kukur nak. 11Bil lèngꞌakh nak, chèp nak nalos ma Nuh, dak èn chenòng eh nak naꞌèn néy selak sayton rik tik belaꞌer! Èn anak lah Nuh nalèkh òng nak hòj naherëk. 12Rik nak nadeh tujoh arik wèl, dak natèrsèk chèp kukur nak wèl; tapik kalik doh chèp kukur nak tok nalès-los ma rik nak.
13Bil Nuh beꞌumor 601 tawon, bil satu arik bulan satu nak, òng hòj naherëk geb. Nuh napog kènròb bod rayak nak, dak nanéh tèk nak hòj karéh. 14Bil dua puloh tujoh arik bulan dua, kenèmbek tèk èn bumi hòj karéh wèl.
15Allah nachal ma Nuh, 16“Huwòl lah nòm bod nak samak léh hãh, kuwòt hãh, ròb mènsaw hãh. 17Éd lah hèrwòl kenèmbek chèp ròb lawok, rik èꞌjok ròb rik rèꞌyak nak, supaye umnak muchëy bok mutabeh ibuk wèl èn bumi.” 18Dak Nuh pon nahuwòl nòm bod nak samak léh eh, kuwòt eh, ròb mènsaw eh. 19Kenèmbek chèp ròb lawok keꞌjèk umhuwòl nòm bod nak, umhoh ma jenis umnak.
Nuh naꞌog jenamuk ma Allah
20Dak anak Nuh nakod batuk-batuk bok nateꞌèl néy tempad jenamuk untok TUHAN. Rik nak nakod néy ikor nòm tiyab jenis chèp ròb lawok rik méj èn mad TUHAN. Dak rik nak naged mèn lawok nak dak najamuk ma TUHAN, nachur èn tempad jenamuk nak. 21Ngòy jenamuk nak chengẽs bok nasèrnang ma hup TUHAN, dak TUHAN nachal èn kelòj hup Eh, “Yék akal tok ibepantakh wèl ma bumi doh sebab tènꞌèl sènꞌòy. Yék ilèkh ma nènchèn hup sènꞌòy nak jehad nòm tik enajok um. Yab gerèk nak pon, Yék akal tok iterèyhõy wèl kenèmbek rik gès-gos èn bumi doh, gerèk pay iteꞌèl hatòp nak.
22Asòh duniak doh tik mok,
akal mok keꞌjèk musim nèmtap bok musim nègtòg,
musim sèꞌjuk bok musim bèdbëd,
musim betinag bok musim tèhteh,
ès-is bok layèg.”
ទើបបានជ្រើសរើសហើយ៖
Jenadik 8: KKT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.