Jenadik 5
5
Waris Adam
(1 Sej 1:1-4)
1-2Bil mase Allah napèrhéj sènꞌòy, Allah nateꞌèl umnak gerèk rik ma rik Eh. #Jen 1:27,28. Rik Nak napèrhéj sènꞌòy nak babeh ròb babok. Rik Nak nateꞌèl méj ma umnak bok natèrjal umnak “Sènꞌòy.” Udoh lah senaray waris Adam: #Mat 19:4; Mrk 10:6.
3Bil Adam umor eh 130 tawon, rik nak nadapad kuwòt eh babeh gerèk hiréng rik eh nak, dak natèrjal kenëh eh Sèt. 4Pas nak Adam nagos 800 tawon wèl, dak nadapad wèl mòy kuwòt eh, bèhbeh ròb bèꞌbok. 5Adam nakebes bil umor eh 930 tawon.
6Bil Sèt umor eh 105 tawon, rik nak nadapad kuwòt babeh eh rik bekenëh Ènòs. 7Hòj nòm kerek nak, Sèt nagos 807 tawon wèl dak nadapad wèl mòy kuwòt eh, bèhbeh ròb bèꞌbok. 8Sèt nakebes bil umor eh 912 tawon.
9Bil Ènòs umor eh 90 tawon, rik nak nadapad kuwòt babeh eh rik bekenëh Kénan. 10Hòj nòm kerek nak, Ènòs nagos 815 tawon wèl, dak nadapad wèl mòy kuwòt eh, bèhbeh ròb bèꞌbok. 11Ènòs nakebes bil umor eh 905 tawon.
12Bil Kénan umor eh 70 tawon, rik nak nadapad kuwòt babeh eh rik bekenëh Mahalaleꞌèl. 13Hòj nòm kerek nak, Kénan nagos 840 tawon wèl, dak nadapad wèl mòy kuwòt eh, bèhbeh ròb bèꞌbok. 14Kénan nakebes bil umor eh 910 tawon.
15Bil Mahalaleꞌèl umor eh 65 tawon, rik nak nadapad kuwòt babeh eh rik bekenëh Yarèd. 16Hòj nòm kerek nak, Mahalaleꞌèl nagos 830 tawon wèl, dak nadapad mòy kuwòt eh, bèhbeh ròb bèꞌbok. 17Mahalaleꞌèl nakebes bil umor eh 895 tawon.
18Bil Yarèd umor eh 162 tawon, rik nak nadapad kuwòt babeh rik bekenëh Hènokh. 19Hòj nòm kerek nak, Yarèd nagos 800 tawon wèl, dak nadapad mòy kuwòt eh, bèhbeh ròb bèꞌbok. 20Yarèd nakebes bil umor eh 962 tawon.
21Bil Hènokh umor eh 65 tawon, rik nak nadapad kuwòt babeh eh rik bekenëh Mètuselah. 22Hòj nòm kerek nak, Hènokh nagos 300 tawon wèl, dak nadapad wèl mòy kuwòt eh, bèhbeh ròb bèꞌbok. Dak nèsgos Hènokh nak selaluk tilok ma Allah. 23Hènokh nagos 365 tawon, 24bok nèsgos eh nak selaluk tilok ma Allah. Dak bil néy is rik nak nahèr-hãj eh, sebab Allah naꞌéd eh ma Rik Nak.#Ibr 11:5; Yud 1:14.
25Bil Mètuselah umor eh 187 tawon, rik nak nadapad kuwòt babeh eh rik bekenëh Lamèkh. 26Hòj nòm kerek nak, Mètuselah nagos 782 tawon wèl, dak nadapad mòy kuwòt eh, bèhbeh ròb bèꞌbok. 27Mètuselah nakebes bil umor eh 969 tawon.
28Bil Lamèkh umor eh 182 tawon, rik nak nadapad kuwòt babeh eh. 29Lamèkh nachal, “Nèng-nèng tòp TUHAN hòj napantakh ma tèk bok naꞌuy susah namtèrlut nèygéy wèl, sampéy èk kenak èkèrjak keras bok èkèrdakh ma tèk nak. Tapik kuwòt idoh akal natulong nachèrmun ma èk.” Sebab nak Lamèkh natèrjal kuwòt eh nak Nuh.#5:29 Nuh. Kenëh “Nuh” nak chëh eh gerèk nèlchal sènꞌòy Ibrani rik bemaksod “cherènmun.” 30Hòj nòm kerek nak, Lamèkh nagos 595 tawon wèl, dak nadapad mòy kuwòt eh, bèhbeh ròb bèꞌbok. 31Dak Lamèkh nakebes bil umor eh 777 tawon.
32Bil Nuh umor eh 500 tawon, rik nak nadapad kuwòt babeh eh rik bekenëh Sèm. Hòj nòm kerek nak, Nuh nadapad mòy kuwòt bèhbeh eh, kenëh wèh nak Yapèt ròb Ham.
ទើបបានជ្រើសរើសហើយ៖
Jenadik 5: KKT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.