Johon 3
3
Katal achaima
1Phorisi rokni bisingw Nikodim hinwi kaisa borog tongw. Bw ongkha Jihudi raida oja rokni bisingni kaisa. 2Bw oaisa Jisuni oro horo phaiywi hinka, "Elim chwng siyw, Nwng Kaitorni daini hojanai kaisa phwrangsa. Kaitorni chubama kwrwihalai Nini kosol imwtwi amok samung kaisabw khalaimaya." 3Jisu bwnw sakha, "Ang nwnw kwbwi sadok, arwbw oaisa achaiya khalai kaisabw Kaitorni auar nungalak." 4Nikodim swngkha, "Borok buchuma onghalai tama khlaywi arw katal khlaywi achaiman? Daijjw, bw arwbw oaisa bomani ugo philwi thangwi arw palasa achaiman galak!" 5Jisu bwnw sakha, "Ang kwbwi nwnw sadok, twi bai phala daini achaimaya halai, kaisabw Kaitorni auarw habman galak. 6Borogni daini jebw achai obw borog, arw jebw Kathar phala daini achai obw phala. 7Nokh arwbw oaisa ma achainw obwnw khanagwi amok tachadi. 8Nobar bini mote bw sibw, nwng bini kharang khanao matwr nobar bwdaini phai arw bwdaio thang obwnw siya. Jebwrok phala katharni daini achaikha boknibw thi obwtwijar ongw." 9Nikodim Bwnw swngkha, "Matwr imw ta khalaywi ongman?" 10Jisu bwnw hinkha, "Nwng kaisa Israyelni phwrangsa, arw nwng ta i koknw bujiya? 11Ang nwnw kwbwi sadok, chwng jebw si o koknwse sadok tei jebw nung omoni kothoyw yakumu rwdok, matwr hekphwng nokh chini yakumu yachagwi laya. 12Ang nokhni dayw swngsarni kothoyw kok sagwi jwtini nokh paitokya khlai, hai chukhani kothoyw kok sakhlai ta khalaywi paitokthai? 13Jebw chukhani akhogwi phaijak, keber O Borogni Sajlani bader kaisabw oaisabw chukhao makajiya. 14Haching Panthorw Mosi je khalaywi chiboknw sakao tisajak, Borogni Sajlanwbw arai khlaywi sakao tisanw, 15Bwnw jebwrok paitoknai bok paiphlaiya langma mannaitwi." 16Twmwi himba Kaitor swngsarnw iswk hamjakha, Bini kaisachui Sajlanw chwnw yakpi rwkha, je Bwnw paitok o borog nachra ongyatwi matwr paiphlaiya langma mannaitwi. 17Kaitor swngsarni nalchirni bagwi Bini Sajlanw hojiya matwr Bini Bisingtwi swngsar yokma mannaitwi hinwise hogw. 18Jebwrok O Sajlanw paitok bok senji mangalak. Matwr jebwrok paitokya bok aguni jimin senji manni chugo, twmwi hinba bok Kaitorni kaisa chuchui Sajlanw paitokjia. 19Tei imwse nalchirni binda: swngsarw pohor sokphaijak matwr borog pohorni solai andarnwse hamjakha, twmwi himba bokni jotho samung chaya. 20Jebwrok chaya samung tang bok pohornw naisiliyw, bokni chaya samungrok phuakjaknw hinwi bok pohorni koreo phaiya. 21Matwr je kwbwini lamao him bw pohorni koriyw phaiyw, jate bw je samungrok tangjak omorok Kaitorni muchumungni maping khalaijak hinwi phuak janaitwi.
Johonni yakumu
22Obwni jerw Jisu Bini sagri roknw lagwi Jihudiya amchoyo thangwi paikha. Odayo Bw Bini sagri rokbai salnwi saltam tongkha tei borog roknw baptismo rwni nangkha. 23Salim hinwi kami khungsani koreo Oinon hinwi kwrwngsa jegao kabangma twi tongthani Johonbw orw borog roknw baptismo rwdok. Borog rokbw Bini dayo phaywi baptismo lalaidok. 24(Imo ongkha Johon alongo chupjayakho suni). 25O jorao kathar ongnai Jihudi sudam lagwi Johonni sagrirokbai kaisa Jihudini kwijja nanglaini rumkha. 26Aiphuo bok Johonni orw phaywi sakha, "Elim, Jordon twibukni ujang naro Je nwngbai baksa tongjak, Jeni kothoyw nwng yakumu rwjak, tabok Bwbw idayo baptismo rwdok arw jotho Bini dayo thandok." 27Johon sakha, "Chukha daini rwyakhlai kaisanibw mwngsa manni phansukya. 28Nokhse ani i kokni sathai, ang nokhnw sajak je, 'Ang Mosiho ya. Matwr anw Bini sakangw hojak.' 29Hamchwk chamwrwini bagwise. Chamwrwini aphak chamwrwini koreo tongo chamwrwini kok khanani bagwi jephuo bw chamwrwini kok khana aiphuo bw tongthokjagw. Ang tini o tongthokmao kwplwng ongkha. 30Tabokni jimin Bw arw nangru ongnai tei ang nangchokya ongnai." 31Matwr Jebw sakani phai Bwse jothoni sakao. Jebw hayungni phai bw hayungni, tei bw hayungni kokse sagw. Matwr Jebw chukhani phai Bwse jothoni sakao. 32O chukhao Bw jebw nungkha tei khanakha, omoni yakumuse rwgw, matwr Bini o yakumunw kaisabw gwinw khalaiya. 33Je Bini o koknw yachagwi la, bw Kaitornw kwbwi hinwi maniyoi lagw. 34Kaitor jebwnw hojak, bw Kaitorni koknwse sagw, twmwi himba Kaitorse bwnw Bini Phalabai kopungba rwgw. 35Apha Sajlanw hamjagw tei Bini yago jotho bagurai abwi rwjak. 36Jebwrok Sajlanw paitok bok paiphlaiya langmanw mannw, Matwr jebwrok Bwnw goseya bok paiphlaiya langmanw mangalak, tei Kaitorni thamchi bokni sakao tongnw.
ទើបបានជ្រើសរើសហើយ៖
Johon 3: TPE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh
