Johon 2
2
Kanna kamini kaijalabari
1Saltamni salw Galilni Kanna kamio kwrwngsa kaijla bari ongkha. Tei Jisuni boma aiphuo odayw tongw, 2arw o kaijalabarini panao Jisubai Bini sagri rokbw ringjajak. 3Jephuo jotho uamtwi bwtwi paywi paiha, aiphuo Jisuni boma Jisunw sakha, "Bokni uamtwi bwtwi paikha." 4Jisu bomanw hinka, "I kothoy lagwi nwng tani Anw sadok ama? Ani tabokbw jora suphaiyaho." 5Aiphuo Jisuni boma samung tangnai roknw sakha, "Bw nokhnw jebw sa omono khaidi." 6Jihudi sudam maping pandao yathwi yak suni bagwi thaidok twi tonnai holongni rain sirw achukrwjak. O thaicha thaicha rain rokgw akhuni chibrwiba litar twi tonmanw. 7Jisu gabur roknw sakha, "I rain rogw twi swpwlungdi." Bok pel pel khalaiywi twi swpwlungwi rwkha. 8Jisu boknw sakha, "Tabok odaini kisa kholwi panda habaphangnw telangwi rwithang." Bok obwnw tilangwi rwha. 9O twi jebw uamtwi bwtwi ongkha, obwnw habaphang kisa khalaywi nwngwi naikha. Gaburok jebwrok twi tisajak bok siphung habaphangrok siya bwdaini i uamtwi bwtwi phaiha, aithani bw chamwrwino ringkhoka 10tei sakha, "Borogrok jothoni solai gam uamtwi bwtwinwse sakangw rwgw arw nagorairok phwihalaise omoni solai kisa chayanw rwgw. Matwr nwng tabokbw gam uamtwi bwtwinw larwgwi tonjak." 11Jisu Galil amchoini Kanna kamio pwila sidom samung tangha arw Bini chwngsacha phuak rwkha. Aithani Bini sagrirok Bwnw paitokkha. 12Omo paihalai Jisu Bini boma, Bini takhukrok bai tei Bini sagrirok bai Kophornahum aulio thanglaiha, odayw bok salnwi saltam tongha.
Jisu Jirusalemo yokma terni bagwi thangkha
(Mothi 21:12-13; Mark 11:15-17; Luk 19:45-46)
13Jihudironi yokma terni jora sopaihalai Jisu Jerusalemo thanka. 14Noktharw thangwi Bw nungkha, odayw musok, mera arw pharuk phallaidok. Odayw rang bodlainairok achugwi tonglaijak, bok buihani rang bodlainai bebar thwngw. 15Imwroknw nungwi Jisu aiphuni budokbai lathamsak kwrwngsa banaywi lakha tei omwbai Bw musok, merabai baksa jotho borognwbw noktharni kholani rwkhlaywi hokha. Rang bodlainai rokni majwkroknw philokrwgwi khibikha tei bokni rangronw sabaraoi rwha. 16Jebwrok pharuk phallaidok boknw Jisu hinka, "Imwroknw idaini kwnwrwgwi tilangdi. Ani Aphani noknw hatibajar ta khaidi." 17Jisuni sagrirok elembarni kok bakhao kaha, 'Nini noktharni bagwi khabomma anw dwngsinw.' 18Jihudironi raida gusai Bwnw swnka, "Nini je imorok khalainai bagri tong obwni majri hinwi Nwng tama chwnw mwngsachwk amok sidom phunokmanw? 19Jisu boknw sakha, "I noktharnw sapaywi pairwdi, Ang saltambai arw i noktharnw tisanw." 20Jihudi ojarok sakha, "I nokthar tisani brwichi dok bisi nangjak, Nwng sao saltambai imwnw tisatai?" 21Jisu matwr Bini mangwdani noktharni kokse sajak. 22Aithani jephini Bw thwinaini thangwi kasajak aiphuo Bini sagrirokni Bini sanai o koknw bakhao kaha. Aiphuo bok Jisuni kothoyw elembakni kok tei Jisuni koktangw paitokha. 23Jirusalemw yokma ter phini Jisu Jirusalemw amok samung tangjak arw kodur borog Bini amok samung nungwi, Bwnw paitoklaiha. 24Jisu khathwijiya, twmwi hinba Bw imwtwijar borogrokni kha sio. 25Borogni kothoyw Bwnw kaisabw mwngsabw sani nangya. Twmwi himba borogni khao tama tong Bw obwnw sio.
ទើបបានជ្រើសរើសហើយ៖
Johon 2: TPE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh
