Prerit 28
28
Pol Milita twibongo
1Chwng narw kachang khayoi kasugwi sikha je twibongni mwng Milita. 2O twibongni borogrok chwngbai khw gam yakwl khlaikha. Aiphuo oatwi kalaidok arw kachangma tongw hinwi bok hor mwchwngwi chwnw jothonw phaiham rwkha. 3Pol bol karan tarasa thumkha tei jephuo bw horo o bolnw rwkha, aiphuo chibok biskara masa horni kutungbai o bol daini akhogwi Polni yagw sugwi rwkha. 4Arw jephuo o twibongni borogrok bini yago chiboknw khachi jajak nungwi salaini nangkha, "I borogsa khamka buthalnaisa, twmwi hinba twibomni yak daini rwkhiya manphwng nirai matai bwnw mwthang rwniya." 5Matwr Pol jephuni yak jangriywi chiboknw horo khibikha tei bini mwngsa guna ongniya. 6Borogrok uansokdok bini basak busagwi kasanw eba atakkiya bw thwywi thangnw. Matwr kodur naisingwi tongwibw bini mwngsa ongniya nungwi bokni baita bodeleywi salaini nagkha, "Imw soinw matai." 7O jega koreo kwrwngsa jobin tongw jebwni nophang ongkha o twibongni oja Publiyoni. Publiyo bini nogw chwnw ringkhoha arw saltham twtwi khw kwlbai chwnw mwngkha. 8O jorao Publiyoni bopha kulum tei amasa biyaramw thuyamw kalaywi bugidok. Pol bisingw bini koriyo thangwi suri sankha arw bini basagw yak rwgwi bwnw hamrwkha. 9I tolpini jerw o twibongni arw jotho haya borogrok bini dayw phaywi hamlaikha. 10O twibongni borogrok chwnw jatejar khalaywi borom rwkha. Chwng jephini thani bagwi jugalaikha aiphuo bok chini thanai lamagw jebw jebw nangnw obwroknw jugai rwkha.
Pol Romo thangdok
11Obwni tal tham jerw chwng kwrwngsa rungtorbai hwingchok kha, rungtorba o twibongo maising hoka. Obw ongkha Alekjandriyo aulini rungtor arw bini bukhurogw aphil mataini mukti tagjak tongw. 12Chwng Surakus aulio soikha tei chwng odayo sal tham tongkha. 13Odaini hwingchok gwi chwng Rigiyo dayw kasuikha. Obwni jerwni salw sal yaksi aitani nobar sibni rumkha, tei salnwini bisingw chwng Putioli aulio kasokphaikha. 14Odayw chwng kaisa kainwi paitoai takhuk rokbai malaikha. Bokbai baksa hatibar kaisa tongdi hinwi bok chwnw kabokkha. Arai khalaywi chwng Romo phaywi sokphaikha. 15Romni paitoai takhukrok chwng phaidok hinwi khanakha. Lamao chini aphak ongni bagwi bokni bisingni kaisa kainwi Appiyo hatio phaikha tei kaisa kainwi Tham sorai kamio phaikha. I borogroknw nungwi Pol Kaitornw hambai rwkha arw bw sakbw khabaja mangkha. 16Jephuo chwng Romo sokpaikha aiphuo Pol binibai bw tongni khalon mangkha. Kaisa sengkrak bwnw mwrwkgw.
Romo prima
17Sal tham jerw Pol odaini Jihudi oja roknw ringkhogwi baksa khalaywi thumkha. Bok thumjalainai jerw Pol boknw sakha, "Ani takhukrok, jwtiniphwng ang chini dophani baithe eba hodaipiri rokni sudapasnani baithe mwngsa khalaijiya, hekphwng Jirusalemw anw rumjak arw Romiyo rokni yagw abwi rwjajak. 18Bok ani nalchir khalaywi, arw thwinai dunakni chogma mwngsa khatta ani dayw manniya thani anw yokrwni naijak. 19Matwr Jihudirok orw thema rwgw tei ang gaithi ongwi Kwisorni dayw apil khalaikha. Ang ani sakni borogrokni mwngsa khatta rwni phaiya. 20Aithani bagwi ang nokhbai malaini tei kok sani naimani. Israyel dophani je Khadung tong o Khadungni bagwise anw i sigwlbai khajakjak." 21Aiphuo Jihudi ojarok sakha, "Nini kothoyw Jihudiya daini chwng mwngsa koktun manjiya. Je takhukrok odaini phaijak bokhbw kaisabw nini kothoyw mwngsabw sajiya eba mwngsa chaya kokbw sajiya. 22Matwr chwng nini mapita khanani nayw, twmwi himba chwng siyw jotho jegani borogrok o borogrokni baithe kok sagw jebwrok Jisunw paitok." 23Polbai thumjakmani bagwi bok kwrwngsa sal thi khalaika, arw jephuo bok malaini phaika aiphuo bokhbai baksa o jegao arw kodur phaika jerw Pol tong. Aiphuo Pol phurungni jimin sari jora Kaitorni auarni kothoyw boknw sirwkha tei bijirwkha. Mosini kerongnal tei diyari rokni bijap bising daini Jisuni kothoy phunugwi Bini kothoyw paitokrwni chaitokha. 24Bw jebw sakha obwbai kaisa kainwi paitokha, arw kaisa kainwi paitokniya. 25Polni kokni bagwi bokni bisingw baita miliniya ongkha arw bok odaini thanglaikha. Bok thangnai aguo Pol sakha, "Kathar Phala diyari Jisayoni bisingtwi nokhni hodaipiri rokhni dayw kwbwi kokse sajak je, 26'I borogrokni dayw thangwi sadi, nokh khanagwi tongnw matwr mwngsabw bijigalak, nokh nungwi tongnw matwr mwngsabw sigalak. 27Imwtwijar borogrokni kha karak arw khunjur phwngjagwi paijak, tei bok bokni mokolbw phwngwi tonjak, bok mokolbai nungyatwi, khunjur bai khanayatwi, arw kha bai bijiyatwi, arw hamni bagwi Ani dayw philwi phaiyatwi.' 28-29Aithani nokh siywi ladi, Kaitor borognw sumsok daini tama khalaywi phiyok o kok Bejihudi rokni dayw sagwi rwjak, tei bokse o kok khananw." 30Bisi nwi twtwi Pol bini sakni chorainai nogw tongkha arw jebwrok bwbai malaini phai bw boknw jothonw yachagwi lagw. 31Bw kharak bai salwk thema bai Kaitorni auarni kothoyw piriyw arw Subrai Jisu Khristoni kothoyw phwrwngw.
ទើបបានជ្រើសរើសហើយ៖
Prerit 28: TPE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh
