Rumi Kokphang
Kokphang
Bibleni Jotho bijapni bisingw Romio bijab Khristo paitokmani kwrwngsa machang khalaywi sajokjak chirsamung. Pol Korintho daini i koktun Romio khristanrokni dayw suijak, matwr bw aiphuo Rom dayw thangjiya. Bw sirw thangni rainal khalaijak. Bw kothe jagani khristanrokni bisingw kabangma sal samung tangwi paywi naikha je o jegani khristanrokse orw thangni bwnw chubanaitwi. Pol bini koktungw borogni sumsokbai kwpwlwng habani kok sraikhalayoi sajak arw o sumsok daini boknw tekhokni bagwi Kaitorni rainalni kokbw bw sajak. Bw imwtwijar khalaywi suijak je, bw kothomani kothoyw swngjak kainwi kaithamnw joba rwdok. Pol bokni jotho baithep kokni joba rwgwi paywi nungkha je, Kaitor khakhamnai kothomani kothoyw borog jeswk jar swngmaphwng bini jotho joba bw rwjak.
Kothoy bathwn
(1) Kokphang (Lobong 1:1-17 khep)
(2) Jothobw sumsok gnang hinwi jotho borogni sumsok daini tekhokma nangw (Lobong 1:18-3:20 khep)
(3) Paitokmani bisingtwi sumsok daini tekhokmani lakhna (Lobong 3:21-5:21 khep)
(4) Sumsok daini tekhokmani jerw katharbai kwplwng ongwi kanai (Lobong 6-8)
(5) Israyelroknw sumsok daini tekhokmani lakhna (Lobong 9-11)
(6) Paitoairokni langma (Lobong 12:1-15:13 khep)
(7) Kokpaithak (Lobong 15:14-16:27 khep)
ទើបបានជ្រើសរើសហើយ៖
Rumi Kokphang: TPE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh