Prerit 26
26
1Aiphuo Agrip Polnw sakha, "Nini sakni phaising kok sani bagwi nwnw ongmiti rwkha." Aiphuo Pol yak barogwi sakni phaising i kok sakha, 2"O bugra Agrip, Jihudirok anw je khatta rwjak obwni baithe nini sakangw tini ang sakni kothoyw kok sani hamdal mankha hinwi ang saknw kopa gam hinwi bakha kagw. 3Baithak khalaywi Jihudi rokni sudapasna#26:3 sudapasna kaisa dophani tongma chama. tei bokni jate jar tokratokrini kothoyw nwng siyw, aithani bagwi nini dayw kok sani bagwi hamdal manwi ang tongthokjakha. Aithani ang kabogw khalogwi kisa ani koknw khanadi. 4Gira phangsini jimin, kok ongkha ani langmani pwilani jimin ani sakni hauarni tei jerw Jirusalemni borogrokni bisingw ang ta khalaywi tongthang jak Jihudirok obwnw jotho siyw. 5Bok kabangma sal jora anw siniyw tei pharihalai bok i yakumunwse rwmanw je, ang kaisa Phorisini ongwi tongthang khalaijak. Phorisirokse Jihudi raidani kerong nal thi khalaywi paleyw. 6Kaitor ani hodaipiri rokni dayw je samai tangjak o samai dayw ang khadung tonw thani tabok ani nalchir ongdok. 7Chini chinwi dophani bosongcheng rok Kaitornw paitokjuai khalaywi sal bai horbai mwngphini bok khadungjak o swmainw sokmani nungnw hinwi. Bubagra, o khadungni bagwise Jihudirok anw khatta rwdok. 8Kaitor je kwthwi roknw kathang khalaiyw, nokh tani i koknw paitokni chukya hinwi bakha kadok? 9Angbw aguo oansokjak je, Nasarotiyo Jisuni mwngni baithe samung tangnai ani tangdai. 10Tei thi ang obwtwi jar Jirusalemw khalaijak. Chontai oja rokni daini juaima manwi ang Khristoni kodur paitoai roknw alongw chubw tei boknw buthalnai joragw bokni baithe raichong rwjak. 11Ang aguo pala pala jotho thumnogw thangw, tei ang boknw senji rwgw arw boknw Jisunw lachima phunokrwni chaitogw. Aguo bokni sakao ani iswk jora thamchi tong je, boknw satokma rwni bagwi ang buihani aulio hoda thanjak. 12Arai khalaywi oaisa chontai ojarokni daini singphan tei tholmung lagwi ang Dameskogw thangdok. 13Lamagw oaisa diphwr aita, o bubagra ang nungkha salni naikhalaibw kwrwngsa kwchwng pohor nokha daini ang tei ani aphak rokni aita saljagwi kalaikha. 14Chwng jothobw hagw kalai laikha tei ang khanakha Ibriyo kokbai swrwbw kaisa anw sadok, 'Sol Sol, Anw tani satokma rwdok? Ani kebenkasu khlaywi nwng saknise guna khalaidok.' 15Aiphuo ang sakha, 'Subrai Nwng swrw?' Subrai sakha, 'Ang Jisuse, Jenw nwng satokma khalaidok. 16Nwng nini yathwiyo thubwi bachadi! Ani mwngnai ongni bagwi Ang nwnw chongjak. Tini nwng jebw nungkha tei baiskangw jebw jebw phunoknw o kothoyrokni bagwi nwng Ani sathai ongnw. Aithani bagwi Ang sak tini nini dayw nungjakha. 17,18Nini sodor borogrokni tei Bejihudirokni yak daini Ang nwnw rwkkhia khalainw. Bokni mokol phiyokrwni bagwi arw andar daini pohorw philwi twbwni bagwi, tei saitanni bagurai daini Kaitorni dayo philwi twbwni bagwi ang nwnw bokni dayo hodok, bok Anw paitokmani bisingtwi sumsokni nakarma mannaitwi tei Kaitorni bachungw jebwroknw juta khayoi larwkjak bokni bisingw jega mannaitwi.' 19Bugra Agrip, obwni bagwi chukha daini i nugmani bisingtwi anw jebw sajak obwni gaithal ang ongjiya. 20Pwilagw jebwrok Dameskogw tong, jerw jebwrok Jirusalemw tei jotho Jihudiya amchoyo tong bokni dayw tei Bejihudi rokni daywbw ang pirjak je, bok sumsok daini kha phirogwi Kaitorni aita phainaitwi, arw imwtwijar samung khalaithai jebw bai majra manw je, bok kha phirokjak. 21Obwni bagwi Jihudirok anw noktharw rumkha tei buthalni bagwi chaitok laikha. 22Matwr Kaitor anw tabok jora chubagwi phaidok tei aithani ang idayw bachagwi gira gara jothoni dayw yakumu rwdok. Diyari rok tei Mosi jebw ongni thangdok o kothoyw jebwnw sagwi thangjak obwni phataro ang mwngsabw sadokya. 23Bok sajak je, Mosihonw tekto mabuginw tei Bwnwse thwimung daini pwila kathang ongwi bachagwi Bini sodor dophani borogrokni tei Bejihudirokni dayw pohor auarni kothoyw sapirma khalaini nangnw." 24Pol arai khalaywi jephini sakni phaising kok sadok aiphuo Phisto bathakrwgwi chirigwi sakha, "Pol nwng ta kwbwr dwi ongkha. Nwng kabangma pokrejak swrwngjak arw o pokrema swrwngma nwnw kwbwr khalaywi tisadok." 25Aiphuo Pol sakha, "Borom ganag Phisto, ang kwbwrya. Ang jebw sa obw kwbwi arw nalchap. 26Bugra lai i jotho kothoynw siyw tei ang bwbai khalang khulang jotho kok samanw. Arw ang khamkha i kok siyw je, bini mokolo imwrok mwngsabw huijak kwrwi, twmwi hinba imwtwijar tolpi lai huijagwi ongjiya. 27Bugra Agrip, nwng ta diyari rokni kok paitogw? Ang siyw nwng khalaiyw." 28Aiphuo Agrip Polnw sakha, "Nwng ta iswk kisasa jorani bisingw anw Khristan khalaini chaitokdok?" 29Pol sakha, "Jora kisa phwng eba kabang phwng, ang Kaitorni dayw surio, keber nwngya, jebwrok tini ani kok khanajak bok jotho ani kosol ongthwk keber i sigwlni bader." 30Aiphuo bugra bachakha arw bwbai baksa baksa ojama sakwlpha Phisto tei Borniki arw jebwrok bokni logeo achukjak bok jotho bachalaikha. 31Obwni jerw bok o nok yakarwi thanglaikha arw kaisa kainwi salaini nanglaikha, "I borogsani thwimungni senji manni eba along chubjanaini kosol mwngsase khalaijia." 32Agrip Phistonw sakha "Bw jwtini Kwisorni dayw nalis khalaiya tilai, hai bwnw chwng yakarwi rwma khamwng."
ទើបបានជ្រើសរើសហើយ៖
Prerit 26: TPE
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2025 Bible Students Fellowship of Bangladesh
