رسولؤن اعمال 6
6
هفت نفر خدمتِ به انتخاب بنن
1او روزون که شاگردؤن تعداد خیلی ببو بو، یهودی أنِ یونانی زبؤن، یهودی أنِ عبرانی زبؤن جی گلِگی بودن چونکه ایشؤنِ بیوه زنأكؤن نیدبو گیتن و روزؤنه غذا سهمی، ایشونِ نرسه. 2او دوازده‌ته رسول، همته شاگردؤنِ دوخوندَن و بوتَن: «درست نیه که أمه، مردم غذا هدئن واسی خدا كلام موعظه گودنَ جی غافل ببیم . 3پس ای برأرؤن، شمه میئنای هفت‌ته خوش‌نوم که روح و حکمتَ جی پورا گوده بوبوئن دوجین بکونین تا اوشونه ایی كار سر بنایم 4ولی خودمؤنِ دعا و خدا کلامِ خدمت گودن به وقف کوئنیم.» 5ایی گبی که رسولؤن بوتن همته خوش بمَه. اوشون استیفانِ که یکته مرداکی بو پر از ایمؤن و روح‌القدس انتخاب بوئدن، و هیطورم فیلپُس، پْروخُروس، نیكانُور، تیمون، پارمِناس و نیکولائوس، که انطاكیه میئن یهودی بوبؤبوئنِ انتخاب بودن. 6ایی مرداكؤنِ رسولؤنِ ورجه ببوردن و رسولؤن دعا بودن، و اوشونِ سر دست بنئن و ایی خدمتِ سر بنائن.
7پس خدا كلام، پخشَ بوئده بو و شاگردؤنِ تعداد اورشلیم میئن خیلی بیشترَ بو و خیلی از كاهنؤن هم ایمؤن بأردَن.
استیفان گیتَن
8استیفان، فیض و قوت جی پور بو و پیله معجزات و نیشونه أن، مردوم میئن انجوم دَه. 9بازین چند نفر یکته عبادتگاه آدمون جی که شناس به ’ آزادَ بوئؤأنِ عبادتگاه‘ بو، ایستفان أمره بحث بودَن. اوشون قیرَوانِ یهودی أن و اسكندریه و كیلیكیه و آسیا شی بوئن. 10ولی اوشون منیستن او حكمت و خدا روح جلو که استیفان به واسیطه او گب زی، بیسن. 11پس اوشون چند نفرِ خلوتی تیرا گودن تا بگون: «امه بشتؤسیم که استیفان، موسای پیغمبر و خدای، كُفر گوت.»
12اوشؤن مردم و شیخؤن و توراتِ معلمؤنِ استیفان ضید پورا گودن، و استیفان سر فترکسن و اونه بیتن و شورا ورجه ببوردن. 13اوشون چند‌ته دروغی شاهیدِ بأردَن که گوتن: «ایی آدم یسره ضید ایی مقدس جیگا و شریعت گب زئدره. 14چون امه خودمؤن بشتؤسیم که گوت، ایی عیسای ناصری ایی جیگا فگاردونبِئنه و رسم و رسومی که موسی اَمَره هدَه عوض کوئنه.» 15هی موقع، تموم اوشؤنی که شورا میئن ایسابؤن و استیفانِ چال بزه بوئن، بدِئن، که استیفانِ دیم یکته فرشته دیمِ مورسون بوبؤ بو.
ទើបបានជ្រើសរើសហើយ៖
رسولؤن اعمال 6: EGB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company
