1 Bakorindo 13

Enzii irenzise byoshi

1Chiro nyingáata ebuashi bwe'kuteta mwa mateta me'bandu, ne'me'bamalaika*, akaba ndéte nzii, eri bya náteta bináli bya buha nga lwayo lwa ngoma, nesi nga lwa mbeere. 2Kanji chiro nyingáata elwêmbo lwe'kureba, nyiáte ne'buashi bwe'kumenyerera chira mwasi woshi ola ùbishirwe, nyiáte ne'bwenge boshi, nyiáte na bwemeresi bunene bwe'kubatula endulungu na kweka'si mu chinji chisiki, si akaba ndéte nzii, eri nyináli buha. 3Kanji chiro nyìngaabira ebakene ebikulo byanyi byoshi, náikira no'kwa chihangi nâna emubiri wanyi chasiya nyichítonge,#13:3 Chasiya nyichítonge: Anola bitabo biuma bya Chikiriki byo'kwa mira bitúla bìtechire mbu emubiri wanyi ǒchibwe. si akaba ndéte nzii, ebyera bìtanyetere mufa.

4Enzii itúsa bushibirisi, yénde yáirirana emabuya. Enzii ìtafa mufula, ìtachilola, ìtatusa ne'rume. 5Enzii ìtaina kuata etunda, ìtahonda emutoloke wai yeine, ìtasibuka fuba, ìtabika na mungo. 6Enzii ìtamoera mabi, si yénde yámoera ekanangana. 7Enzii ìtahola byoshi, yénde yémerera byoshi, yénde yáchinyiira byoshi, na kuata bushibirisi mwa byoshi.

8Enzii ìri esuku ne'mango. Si ekureba kukáwa, ne'lwêmbo lwe'kuteta mu mateta ma màteshibwe nalo, lukáwa, ne'bwenge nabo, bukánawa. 9Bushi bya twìshi bìtalumirire, ne'bya twénde twáreba bìtalumirire. 10Si mango bya bìlumirire bikáika, mu mango bya bìtalumirire bikáwa.

11Mango nábaa nyichíri mwana, néndee náteta nga mwana, néndee náanyisa nga mwana, ne'bwenge bwanyi bwábaa bunáli nga bwa mwana. Si mango nábaa nera mundu nyiséne, nera kwire náreka ei myasi ye'lyanetoto. 12Bushi mwe'sine suku, tuchíri twálola bimbunye-mbunye nga mundu ola wáchisonga mwa chiyo cha chitálosa kubuya. Si mwa suku sa sěshire, tungálola meho kwa manji. Mwe'sine suku, bya nyìshi bìtalumirire, si mwa suku sa sěshire nyingámenyerera kwa kulumirire, ngo'kwa Ongo atúla ànyîshi.

13Rero, ene myasi ehatu iri kanji ikánaendekera inátula: ebwemeresi, emunyiiro, ne'nzii. Si mwe'bi bihatu, emwasi ola ùrenzise irikabo busese, ìri enzii.

ទើបបានជ្រើសរើសហើយ៖

1 Bakorindo 13: tbt

គំនូសចំណាំ

ចែករំលែក

ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល

ស្វែងយល់បន្ថែមទៀតអំពី Echilaano Chiyayaya

1 Bakorindo 13

ខគម្ពីរពេញនិយមពី
1 Bakorindo 13

ស្ដាប់នូវ 1 Bakorindo 13

ព្រះគម្ពីរ:

Tembo

ជំនាន់បកប្រែ: Echilaano Chiyayaya - tbt

1 Bakorindo 13

1 Bakorindo 13

ខគម្ពីរពេញនិយមពី 1 Bakorindo 13

ស្ដាប់នូវ 1 Bakorindo 13

ព្រះគម្ពីរ:

Tembo

ជំនាន់បកប្រែ: Echilaano Chiyayaya - tbt

1 Bakorindo 13

ខគម្ពីរពេញនិយមពី
1 Bakorindo 13