ខគម្ពីរពេញនិយមពី 1 Bakorindo 13

ចែក​រំលែក

Enzii itúsa bushibirisi, yénde yáirirana emabuya. Enzii ìtafa mufula, ìtachilola, ìtatusa ne'rume. Enzii ìtaina kuata etunda, ìtahonda emutoloke wai yeine, ìtasibuka fuba, ìtabika na mungo.

Enzii ìtahola byoshi, yénde yémerera byoshi, yénde yáchinyiira byoshi, na kuata bushibirisi mwa byoshi.

Enzii ìtamoera mabi, si yénde yámoera ekanangana.

Rero, ene myasi ehatu iri kanji ikánaendekera inátula: ebwemeresi, emunyiiro, ne'nzii. Si mwe'bi bihatu, emwasi ola ùrenzise irikabo busese, ìri enzii.

Enzii ìri esuku ne'mango. Si ekureba kukáwa, ne'lwêmbo lwe'kuteta mu mateta ma màteshibwe nalo, lukáwa, ne'bwenge nabo, bukánawa.

Chiro nyingáata ebuashi bwe'kuteta mwa mateta me'bandu, ne'me'bamalaika*, akaba ndéte nzii, eri bya náteta bináli bya buha nga lwayo lwa ngoma, nesi nga lwa mbeere.

Kanji chiro nyingáata elwêmbo lwe'kureba, nyiáte ne'buashi bwe'kumenyerera chira mwasi woshi ola ùbishirwe, nyiáte ne'bwenge boshi, nyiáte na bwemeresi bunene bwe'kubatula endulungu na kweka'si mu chinji chisiki, si akaba ndéte nzii, eri nyináli buha.

Kanji chiro nyìngaabira ebakene ebikulo byanyi byoshi, náikira no'kwa chihangi nâna emubiri wanyi chasiya nyichítonge, si akaba ndéte nzii, ebyera bìtanyetere mufa.

Mango nábaa nyichíri mwana, néndee náteta nga mwana, néndee náanyisa nga mwana, ne'bwenge bwanyi bwábaa bunáli nga bwa mwana. Si mango nábaa nera mundu nyiséne, nera kwire náreka ei myasi ye'lyanetoto.