लुका 3
3
ठी़सो़खेन योहान्ना
(मेथा ३:१-१२; मारकु १:१-८; योहान्ना १:१९-२८)
1रोमापा ग्यावु केसार तीबेरीयुसगी, राङगी ग्याखाप घीरीला वाङ झ्यीगीन लो च्येङागी धी़ घाङला, पोन्तीहु पीलातु युदेया युगी पो़न्पो धाङ हेरोदे नी, गालील युगी पो़न्पो लाक। धेनी होदे घाङला, खी़ नो फीलीपगो ईतोरीया धाङ टाकोनीतीगी पो़न्पो धाङ लुसानीयागो आबीलेने युगी पो़न्पोक्या लाक। 2धेनी चो क्षो़पो़न हान्नास धाङ कायाफागी धी़ला, को़न्क्षोकगी कागो जेकारीयासगी भीजा योहान्नाला रीतोङदु होवालाक। 3धेनी खो योरदान चाङबुगी ॱये-ॱयो़नला हो़गीन लुङबा घीरीदु, राङगी धीक्पा सेयेगी क्षीला धीक्पा पारी सेम ग्युरयेगी ठी़सो़ लेन ॱनेरी, सेटाक झ्येरी सोवालाक। 4दी कोरला ॱङो़नस्येखेन यस्यायागी धेपला देरे ढीक हो़तालाक,
“रीतोङने भो़गीन मी च्यीकगी केक,
‘चोवोगी क्षीला लाम डाढीक झ्यी,
खोङबागी फेप्लाम खाप्ते शो़।
5दोङ-दोङ घीरी काङगीलाक,
धेनी री धाङ ला घीरी ॱङ्योम्गीलाक,
धेनी लाम्गा यो़क्याक्या खाप्ते शोगीलाक,
धेनी लाम्गा क्योक-क्योक घीरी ॱङ्योम्गीलाक,
6धेनी मी घीरीगी को़न्क्षोकगी थारपागो थोङगीलाक।’”
7योहान्नागी लाक्पाने ठी़सो़ लेन्दु हुङगीन मीमाङक्याला, खी़ ॱनेवालाक, “खे दुक्डुगी टुवाक्याओ, हुङये हीन्गीन को़न्क्षोकगी थुक्ठो़ने डो़री डोयेला, खेक्याला सी़ ङेन्ता ताजो? 8खेक्या खेरी धीक्पा पारी, सेमग्युर हो़गीनगी ढेबु तो़न धेनी राङला ‘हीकी याप आब्राहाम लाक।’ ॱनेरी ॱमाना, घीझ्येरी ॱनाना ङा खेक्याला ॱनाहीन, को़न्क्षोकगी दे धोगोङक्याने आब्राहामगी क्षीदु टुवाक्या को़ जे थुक्कीलाक। 9धेनी दोङबोक्याई चावाला तीरी श्याक्सादुक। धेनी ढेबु शाङपो ॱमेकेगीन, दोङबो हो़लेगो च्येदी मेला ॱयुक्कीलाक।”
10धेनी मीमाङगी योहान्नाला ढीवालाक, “देरे हीन्ना, हेक्याई घी झ्यीघो़गुले?”
11धेनी योहान्नागी खुङक्याला ॱनेवालाक, “खेक्याला घो़ ॱङी हो़ना च्यीक मेगीनला तेरघो़ धेनी शामा हो़गीनगीयाः होदेरेराङ झ्यीघो़।”
12धेनी ठा धुगीनक्याः ठी़सो़ लेन्दु होवालाक। धेनी खुङक्याई योहान्नाला ढीवालाक, “गेन्ला, हेक्याई घी झ्यीघो़गुले?”
13देक्याला खी़ ॱनेवालाक, “खीकी लेन घोगीन ठाने ल्हाक मालेन।”
14धेनी ॱमाक्मीक्याई ढीवालाक, “हेक्यागो घी झ्यीये?”
धेनी योहान्नागी खुङक्याला ॱनेवालाक, “जीक्टा कुरी धाङ क्यो़न शोक्पो चुक्ती, मी सुनेयाः आले ॱमाठोक। ख्यो़री ॱलागोला दो़पा खाङा झ्यी।”
15धा मीक्या मास्यीकाला घुक्ती धे हो़तालाक। धेनी खुङक्या घीरीगी योहान्नाराङ मास्यीकागो हीन्ढु ॱनेरी साम्बालाक। 16धेनी योहान्नागी खुङ घीरीला ॱनेवालाक, “ङी खेक्याला क्षुगी ठी़सो़ तेरालाक। हीना ङाने वाङक्षे च्यीक फेई हो़तालाक धेनी ङा खोङबागी पोल्लेगी डुताक टोरीन खाये मेक। खोङबागी खेक्याला धाम्पे थुक्ङी धाङ मेगी थोक्ने ठी़सो़ ॱनाङगीलाक। 17खोङबागी क्षाकला ढो धाङ चा पेगीन लोमागो हो़तालाक। धेनी दे ढोक्या पेरी डुखाङदु श्याक्कीलाक हीना फुक्माक्या, फुक्की ॱमीस्यीगीन मेला ॱराक्कीलाक।”
18धेनी योहान्नागी लाब श्येम्मा माङाक्याई थोक्ने, मीक्याला का धाङ ताम्शाङ स्येवालाक। 19हीना ग्यावु हेरोदेगी खोरी नोगी केमी हेरोदीयासला, खोरी ॱनामा शो़ धेनी खी़ झ्येजा लेगा ङेन्पा घीरीगी क्षीला, योहान्नागी खोला आङजी तावालाक। 20धा होदे लेगा ङेन्पा घीरीगी खाला याङ, खी़ योहान्नाला चो़न्खाङ नाङदु धाक्पालाक।
येशुगी ठी़सो़
(मेथा ३:१३-१७; मारकु १:९-११)
21धा मी घीरीगी ठी़सो़ लेन्दी घाङला, येशुगीयाः ठी़सो़ श्येवालाक। धेनी येशु सोवा धेबी घाङला नाम्खागो भेवालाक 22धेनी धाम्पे थुक्ङी फुक्रो़नगी स्यीकाला खोङबा खाला भाप्पालाक। धेनी नाम्खे श्यीङखामने देरे सुङकेक च्यीक सुवालाक, “ख्यो़ ङी चेवे से हीन। ख्यी़मुला ङा ॱमीच्यीकी ङ्यामो घा हो़क।”
येशुगी ग्युपा
(मेथा १:१-१७)
23येशुगी क्षाक्ले गो चुई घाङला, खोङबा घुङलो सुमच्यु चो़ हो़तालाक। मीक्याई खोङबा योसेफगी भीजा लाक ॱनेरी सामालाक। योसेफ एलीगी भीजा लाक। 24धेनी एली मेत्थेतगी भीजा धाङ मेत्थेत लेवीगी भीजा धाङ लेवी मेल्कीगी भीजा धाङ मेल्की यान्नायीगी भीजा, यान्नायी योसेफगी भीजा धाङ 25योसेफ मेत्ताथीयागी भीजा धाङ मेत्ताथीया आमोशगी भीजा धाङ आमोश नाहुमगी भीजा धाङ नाहुम हेशीलेगी भीजा धाङ हेशीले नागेगी भीजा धाङ 26नागे माएथगी भीजा धाङ माएथ मेत्ताथीयागी भीजा धाङ मेत्ताथीया सेमेनगी भीजा धाङ सेमेन योसेखगी भीजा धाङ योसेख योदागी भीजा धाङ 27योदा योआनानगी भीजा धाङ योआनान रेसागी भीजा धाङ रेसा जेरुबबाबेलगी भीजा धाङ जेरुबबाबेल स्याल्थीएलगी भीजा धाङ स्याल्थीएल नेरीगी भीजा धाङ 28नेरी मेल्कीगी भीजा धाङ मेल्की आदीगी भीजा धाङ आदी कोसामगी भीजा धाङ कोसाम एल्मादामगी भीजा धाङ एल्मादाम एरगी भीजा धाङ 29एर योस्युआगी भीजा धाङ योस्युआ एलीएजेरगी भीजा धाङ एलीएजेर योरीमगी भीजा धाङ योरीम मेत्थेतगी भीजा धाङ मेत्थेत लेवीगी भीजा धाङ 30लेवी सीमेयोनगी भीजा धाङ सीमेयोन युदागी भीजा धाङ युदा योसेफगी भीजा धाङ योसेफ योनामगी भीजा धाङ योनाम एल्याकीमगी भीजा धाङ 31एल्याकीम मेलेयागी भीजा धाङ मेलेया मेन्नागी भीजा धाङ मेन्ना मात्ताथागी भीजा धाङ मात्ताथा नाथानगी भीजा धाङ नाथान दावीदगी भीजा धाङ 32दावीद येस्सेगी भीजा धाङ येस्से ओबेदगी भीजा धाङ ओबेद बोआजगी भीजा धाङ बोआज सालागी भीजा धाङ साला नाहासोनगी भीजा धाङ 33नाहासोन आमीनादाबगी भीजा धाङ आमीनादाब एदमीनगी भीजा धाङ एदमीन आरनीगी भीजा धाङ आरनी हेसरोनगी भीजा धाङ हेसरोन फारेसगी भीजा धाङ फारेस युदागी भीजा धाङ 34युदा याकोबगी भीजा धाङ याकोब ईसाकगी भीजा धाङ ईसाक आब्राहामगी भीजा धाङ आब्राहाम तेराहगी भीजा धाङ तेराह नाहोरगी भीजा धाङ 35नाहोर सेरुकगी भीजा धाङ सेरुक रेऊगी भीजा धाङ रेऊ फेलेकगी भीजा धाङ फेलेक एबेरगी भीजा धाङ एबेर सालागी भीजा धाङ 36साला केनानगी भीजा धाङ केनान आरपाक्छेदगी भीजा धाङ आरपाक्छेद स्येमगी भीजा धाङ स्येम नोआगी भीजा धाङ नोआ लामेखगी भीजा धाङ 37लामेख मेथुसेलाहगी भीजा धाङ मेथुसेलाह हेनोकगी भीजा धाङ हेनोक यारेदगी भीजा धाङ यारेद माहालाएलगी भीजा धाङ माहालाएल केनानगी भीजा धाङ 38केनान एनोशगी भीजा धाङ एनोश शेतगी भीजा धाङ शेत आदामगी भीजा धाङ आदाम, को़न्क्षोकगी से लाक।
ទើបបានជ្រើសរើសហើយ៖
लुका 3: LOY
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2023, Wycliffe Bible Translators, Inc. and Nepal Bible Society
