གཉིད་པ་ཀོ་རིན་ཐི། 5
5
ལུས་པུ་སིང༌མ།
1ཨའི་ཆོ་ཁཱན་ འཛམ་གླིང་ག་གུར་ཁེ་པ་ མེ་པ་དི་དེན་གེ་ དཀོན་མཆོག་གི་ ཨ་ཧ་ཕའི་གནང་མེ་དག་ཉི་ ཨ་ཤི་སེན༌ཅ། ཉི་ཨོ་ཉ་ཕའི་ཤོ་ སོ་ངོ་ག་ ག་དང་གི་ ཅོད་པ་མང་གི་ཝ་ མ་འགྱུར་བརྟན་པ་ག་དེན་གེ་ ཞིང་ཁམས་ག་གི༌ལ། 2ཉི་ཁ་མུང་སིང་མ་ ཡེ་ཝ་པུརུས་ཀིན་ཨ་ཉི་ ཞིང་ཁམས་ག་ ལུས་པུ་སིང་མ་ཁེ་པ་ ཡེ་ལེ་དེན་གེ་ ནོང་ཅ་ཨ་ཉི་ ཨའི་དབུགས་འགམ་པ༌ཅ། 3ཧང་ཡ་དག་ནེ་ལ་ ཨོ་ཉ་ཁ་མུང་ཡེ་དེན་གེ་ ཨའི་ཙ་ཏི་ལིང་པ་ མ་ཐོང༌མ། 4ཨའི་ཨོ་ཉ་གུར་ནང་ཀ་ཆོ་ལ་ཀབ་ཉི་ དབུགས་འགམ་ཉི་ ལུང་ཇེ༌ཅ། དག་པ་ཀབ་ཉི་ ཁ་མུང་ཡེ་ལེ་ མ་ལ་མ་ཨ་དེན་གེ་ མང་གི་ཝ་ ཁ་མུང་སིང་མ་ ཡེ་ལེ་ལ་མ་ཨ་དེན་གེ་གི༌ལ། ཉི་ཤ་ ཤི་ཉི་དི་ཁཱན་ ཨ་ཧ་ལུས་པུ་ཁེ་པ་ ཚེ་མ་འགྱུར་བརྟན་པ་ག་ཐུང་ཀེ་ཨ་ཉི་ ཧ་ལ་རང་མ་ཤི་ཁཱན་ ལུས་པུ་ག་འགྱུར༌བེ། 5ཉི་ཨོམ་ དཀོན་མཆོག་རོག་ཏེན་གི་ ཨ་ཧ་བ་ ཨོ་ཐ་དེན་གེ་ ཅམ་པ་གི་ལ་དག་ཉི་ ཁུངས་ཀེ་བེ་དེན་གེ་ རོ་ཀི་དམ་པའི་ཐུགས་ཉིད་ ཨ་ཧ་ཇ་མི་ཨ་ཉི་ཐཱན་གནང་མ༌ཅ།
6ཨོ་ཉི་ཨ་དེན་གེ་ ཨའི་ཧ་ལ་ཨ་ནེ་བུ་ ལོ་དེ་ཏོག་ཏོ་ཨ་ཉི་ཆོན༌ཅ། ཉི་ཨའི་ལུས་པུ་ག་ཆོ་ཝ་སག་པུ་ གཙོ་བོ་གེ་ ཇང་ཀིན་ག་ཅ་དག་ཉི་ ཨ་ཤི་སེན༌ཅ། 7ཧང་ཡ་དག་ནེ་ལ་ ཨའི་གོད་ཉི་མང་གི་ཝ་ དད་པ་ག་ཐུང་ཀེ་ཨ་ཉི་ ཆོན་ཅ་གི༌ལ། 8ཨའི་གནམ་མེད་ས་མེད་ ལོ་དེ་ཏོག་ཏོ་ཨ་ཉི་ཆོན༌ཅ། མ་པ་ ཇ་ག་སེམས་ཀི་ཨ་ནེ་ཏ་ ཨོ་ཐ་ལུས་པུ་གེ་མ་ཝ་རིན་ཐཱན་ གཙོ་བོ་ཀབ་ཉི་ ཕའི་ག་ཆོ་ལེ་གོད༌ཅ། 9ཨོ་ཐེན་ཨ་ཉི་ ཨའི་ལུས་པུ་ག་ཆོ་ནེ་བུ་ ལུས་པུ་གེ་མ་ཝ་རི་ནེ་བུ་ ཨ་ཤི་རོག་ཐུགས་བཞེས་ཝ་ ཅོད་པེ་གོད༌ཅ། 10ཧང་ཡ་དག་ནེ་ལ་ ཨའི་ཐམས་ཅན་རང་ ཁྲིམས་ཅཱད་པེ་དེན་གེ་ ཁིརིས་ག་སྐུན་མདུན་ག་ ཐིང་མེ་ཁེ༌ལེ། ལུས་པུ་ག་ཆོ་ལེ་གང་ཀ་ ཨ་ཤི་ལེག་པུ་ཨ་ཝ་ཆོ་ནེ་བུ་ མ་ལེག་པ་ཨ་ཝ་ཆོ་ནེ་བུ་ ཨུ་ཉུ་དང་ཏུ་ཉི་ ཨ་ཤི་ཉོང༌པེ༎
ཨ་ཧ་བ་ཤོ་ དཀོན༌མཆོག༌ག་ གཞུང༌ཚབ༌བ་གི༌ལ།
11ཨོ་ཉི་ཨ་ཝ་གེ་ཏེན་ གཙོ་བོ་གེ་ ཡོང་ཁེ་ལེ་དག་ཉི་ ཡེག་ཁཱན་ཤོ་ ཧང་གི་ལ་སྨོ་ ཨ་ཤི་སེ་ཝ་ཨ་དེན་གེ་ སོ་ངོ་བ་ཀ་གསུང་བཤད་ཉི་ དད་པ་ག་ཕ་ལེ་གོད༌ཅ། ཨའི་ཧང་ད་བུ་ཅ་གི་ལ་སྨོ་ དཀོན་མཆོག་གི་མཁྱེན༌ཅ། ཉི་ན་ཤི་བུ་ སེ་ཝ་ཨོ་ཕེ་དག་ཉི་ ཨ་ཤི་རེ་ཆ་ཨན༌ཅ། 12ཨ་ཤི་ན་ཧ་གུབ་ཀ་ ཨོམ་ཆང་རང་ ཨའི་ཏེན་ག་ བསྟོད་པ་ཕིན་ཅ་མང་གི། དག་པ་ཀབ་ཉི་ ཨ་ཧ་ཡོར་ཀེ་ ན་ཧ་བ་ ངལ་རངས་པེ་ག་ཇུང་ཚེན་ ལེག་པུ་ཆོ་ཁཱན་ཁེ་པ་ ཨ་ཤི་ན་ཧ་བི་ལེ་གོད༌ཅ། ཉི་ཤ་ སོ་ངོ་བ་ཀ་སེམས་ གོད་པེ་མང་གི་ཝ་ ཕིས་ཀེ་གོད་ཐཱན་ ཁམ་ཙོང་ཁཱན་བ་ཀ་ ལན་མཇལ་བེ་རེ༌བེ། 13ཧང་ཡ་དག་ནེ་ལ་ ཨའི་ཉོས་པ་ད་བུ་ཐོང་ནེ་ལ་ ཨུ་ཉུ་ཤོ་ དཀོན་མཆོག་ག་ གཟི་བརྗིད་ཕུལ་བེ་དེན་གེ་གི༌ལ། ཉི་ཨ་ཧ་བ་ མ་ཉོས་པ་ཆོ་ནེ་ལ་ ཨུ་ཉུ་ཤོ་ ན་ཧ་དེན་གེ་གི༌ལ། 14ཁིརིས་ག་སྙིང་རྗེ་གི་ ཨའི་ཐབ་རང་མ་ཝ་ཅོད་པ༌ཅ། ཧང་ཡ་དག་ནེ་ལ་ ཨའི་ཐམས་ཅན་ག་དེན་གེ་ ཁིརིས་གཤགས་པ་གི་ལ་དག་ཉི་ ཨ་ཤི་དད་པ་ཨ་ཝ༌ཅ། ཨོ་ཉི་ཨ་དེན་གེ་ ཐམས་ཅན་རང་ ཤི་ཝ༌ཅ། 15རོ་ཀ་ཚེ་སིང་མ་ཉོང་ཁཱན་བ་ཀི་ རང་ཏེན་ཤོ་ནང་ཕེ་ལེ་དེན་གེ་ ཆོ་ལེ་མང་གི་ཝ་ རོག་ཏེ་བ་ཀ་དེན་གེ་གཤགས་ཐཱན་ ལོག་ཉི་བཞེངས་ཁཱན་ ཁིརིས་ཐུགས་བཞེས་ལེ་དེན་གེ་ ཆོན་ཆེན་དག་པ་གི་ རོག་ཐམས་ཅན་ག་དེན་གེ་ གཤགས་ཉི་གནང༌མ།
16ཨོ་ཉི་ཨ་དེན་གེ་ ཨི་བི་རང་གི་ནེ་བུ་ འཛམ་གླིང་ག་སོ་ངོ་བ་ཀི་ མི་ཝ་དང་ཏུ་ཉི་ ཨ་ཤི་ཙི་ལུ་མཱན༌ཅ། ཤེབ་ཐུར་ ཁིརིས་ག་ཀོར་གེ་བུ་ ཨ་ཤི་འཛམ་གླིང་ག་སོ་ངོ་བ་ཀི་ མི་ཝ་དང་ཏུ་ཉི་ ཙི་ཝ་ཆོ༌ཝ། དག་པ་ཀབ་ཉི་ ཨོམ་གི་ནེ་ལ་ ཨོ་ཉེན་ཧ་ལ་རང་ ཙི་ལུ་མཱན༌ཅ། 17ཨོ་ཉི་ཨ་དེན་གེ་ ཨི་བི་རང་གི་ནེ་བུ་ ཁིརིས་ག་ནང་ཀ་ཆོ་ནེ་ལ་ ཨོ་ཉ་སོ་ངོ་ཤོ་ སིང་མ་ཨ་ཉི་བཀོད་པ་གི༌ལ། མཱན་མ་མ་ཝ་རི་ཉི་ སིང་མ་རི་ཝ༌ཅ།
18ཨོ་ཐ་བ་ ཐམས་ཅན་རང་ སིང་མ་ཨ་ཉི་ བཀོད་ཉི་གནང་ཁཱན་ཤོ་ དཀོན་མཆོག་གི༌ལ། ཁིརིས་ག་ཐུང་ཀེ་ཨ་ཉི་ ཨ་ཧ་བ་ རོག་ཀབ་ཉི་ ཆམ་ཉི་གནང༌མ། ཉི་བཱརའ་སོ་ངོ་བ་བུ་ རོག་ཀབ་ཉི་ལོག་ཉི་ ཆ་མེ་རིག་པེ་ག་འགན་ཁུར་ དཀོན་མཆོག་གི་ ཨ་ཧ་གནང་མ༌ཅ། 19དཀོན་མཆོག་གི་ ཁིརིས་ག་ཐུང་ཀེ་ཨ་ཉི་ འཛམ་གླིང་ག་སོ་ངོ་བ་ ལོག་ཉི་རང་ རོག་ཀབ་ཉི་ ཆ་མ་ཅོད་ཉི་གནང༌མ། ཉི་རོག་ཏེ་བ་ཀི་ཨ་ཁཱན་ སྡིག་པ་བ་ རོག་ཏེ་བ་ཀ་ དགྲ་ཨ་ཉི་ རྩིས་མ་ཐ་ཝ༌ལ། ཉི་བཱརའ་སོ་ངོ་བ་ དཀོན་མཆོག་ཀབ་ཉི་ ལོག་ཉི་རང་ ཆ་མེ་རིག་པེ་དེན་གེ་ གསུང་བཤད་པེ་ག་འགན་ཁུར་ རོ་ཀི་ཨ་ཧ་གནང་མ༌ཅ། 20ཨའི་ཤོ་ ཁིརིས་ག་གཞུང་ཚབ་བ་གི༌ལ། ཉི་དཀོན་མཆོག་གི་ ཨ་ཧ་ཐུང་ཀེ་ཨ་ཉི་ ན་ཧ་ཏཱན་གསུངས་ཅ་གི༌ལ། ན་ཧ་བ་ལོག་ཉི་རང་ དཀོན་མཆོག་ཀབ་ཉི་ ཆམ་ཤོ་དག་ཉི་ ཁིརིས་ག་ཚབ་ཨ་ཉི་ ཨ་ཤི་ན་ཧ་ཞུན༌ཅ། 21ཁིརིས་གི་ སྡིག་པ་ཧ་ལ་རང་ ཨ་ཝ་མ་ནེ་བུ་ ཁིརིས་ག་ཐུང་ཀེ་ཨ་ཉི་ ཨ་ཧ་བ་ དཀོན་མཆོག་ག་སྤྱན་ག་ དྲང་པུ་རིན་ཆེན་དག་པ་གི་ དཀོན་མཆོག་གི་ རོག་ཨ་ཧ་སྡིག་པ་དེན་གེ་ མཆོད་པ་ཅོད་ཉི་གནང་མ༌ལ།
ទើបបានជ្រើសរើសហើយ៖
གཉིད་པ་ཀོ་རིན་ཐི། 5: TNTB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Tshangla New Testament
© 2023, The Bible Society of India
all rights reserved