ខគម្ពីរពេញនិយមពី གཉིད་པ་ཀོ་རིན་ཐི། 5

ចែក​រំលែក

ཨོ་ཉི་ཨ་དེན་གེ་ ཨི་བི་རང་གི་ནེ་བུ་ ཁིརིས་ག་ནང་ཀ་ཆོ་ནེ་ལ་ ཨོ་ཉ་སོ་ངོ་ཤོ་ སིང་མ་ཨ་ཉི་བཀོད་པ་གི༌ལ། མཱན་མ་མ་ཝ་རི་ཉི་ སིང་མ་རི་ཝ༌ཅ།

ཁིརིས་གི་ སྡིག་པ་ཧ་ལ་རང་ ཨ་ཝ་མ་ནེ་བུ་ ཁིརིས་ག་ཐུང་ཀེ་ཨ་ཉི་ ཨ་ཧ་བ་ དཀོན་མཆོག་ག་སྤྱན་ག་ དྲང་པུ་རིན་ཆེན་དག་པ་གི་ དཀོན་མཆོག་གི་ རོག་ཨ་ཧ་སྡིག་པ་དེན་གེ་ མཆོད་པ་ཅོད་ཉི་གནང་མ༌ལ།

ཧང་ཡ་དག་ནེ་ལ་ ཨའི་གོད་ཉི་མང་གི་ཝ་ དད་པ་ག་ཐུང་ཀེ་ཨ་ཉི་ ཆོན་ཅ་གི༌ལ།

ཨོ་ཐ་བ་ ཐམས་ཅན་རང་ སིང་མ་ཨ་ཉི་ བཀོད་ཉི་གནང་ཁཱན་ཤོ་ དཀོན་མཆོག་གི༌ལ། ཁིརིས་ག་ཐུང་ཀེ་ཨ་ཉི་ ཨ་ཧ་བ་ རོག་ཀབ་ཉི་ ཆམ་ཉི་གནང༌མ། ཉི་བཱརའ་སོ་ངོ་བ་བུ་ རོག་ཀབ་ཉི་ལོག་ཉི་ ཆ་མེ་རིག་པེ་ག་འགན་ཁུར་ དཀོན་མཆོག་གི་ ཨ་ཧ་གནང་མ༌ཅ། དཀོན་མཆོག་གི་ ཁིརིས་ག་ཐུང་ཀེ་ཨ་ཉི་ འཛམ་གླིང་ག་སོ་ངོ་བ་ ལོག་ཉི་རང་ རོག་ཀབ་ཉི་ ཆ་མ་ཅོད་ཉི་གནང༌མ། ཉི་རོག་ཏེ་བ་ཀི་ཨ་ཁཱན་ སྡིག་པ་བ་ རོག་ཏེ་བ་ཀ་ དགྲ་ཨ་ཉི་ རྩིས་མ་ཐ་ཝ༌ལ། ཉི་བཱརའ་སོ་ངོ་བ་ དཀོན་མཆོག་ཀབ་ཉི་ ལོག་ཉི་རང་ ཆ་མེ་རིག་པེ་དེན་གེ་ གསུང་བཤད་པེ་ག་འགན་ཁུར་ རོ་ཀི་ཨ་ཧ་གནང་མ༌ཅ།

ཨའི་ཤོ་ ཁིརིས་ག་གཞུང་ཚབ་བ་གི༌ལ། ཉི་དཀོན་མཆོག་གི་ ཨ་ཧ་ཐུང་ཀེ་ཨ་ཉི་ ན་ཧ་ཏཱན་གསུངས་ཅ་གི༌ལ། ན་ཧ་བ་ལོག་ཉི་རང་ དཀོན་མཆོག་ཀབ་ཉི་ ཆམ་ཤོ་དག་ཉི་ ཁིརིས་ག་ཚབ་ཨ་ཉི་ ཨ་ཤི་ན་ཧ་ཞུན༌ཅ།

རོ་ཀ་ཚེ་སིང་མ་ཉོང་ཁཱན་བ་ཀི་ རང་ཏེན་ཤོ་ནང་ཕེ་ལེ་དེན་གེ་ ཆོ་ལེ་མང་གི་ཝ་ རོག་ཏེ་བ་ཀ་དེན་གེ་གཤགས་ཐཱན་ ལོག་ཉི་བཞེངས་ཁཱན་ ཁིརིས་ཐུགས་བཞེས་ལེ་དེན་གེ་ ཆོན་ཆེན་དག་པ་གི་ རོག་ཐམས་ཅན་ག་དེན་གེ་ གཤགས་ཉི་གནང༌མ། ཨོ་ཉི་ཨ་དེན་གེ་ ཨི་བི་རང་གི་ནེ་བུ་ འཛམ་གླིང་ག་སོ་ངོ་བ་ཀི་ མི་ཝ་དང་ཏུ་ཉི་ ཨ་ཤི་ཙི་ལུ་མཱན༌ཅ། ཤེབ་ཐུར་ ཁིརིས་ག་ཀོར་གེ་བུ་ ཨ་ཤི་འཛམ་གླིང་ག་སོ་ངོ་བ་ཀི་ མི་ཝ་དང་ཏུ་ཉི་ ཙི་ཝ་ཆོ༌ཝ། དག་པ་ཀབ་ཉི་ ཨོམ་གི་ནེ་ལ་ ཨོ་ཉེན་ཧ་ལ་རང་ ཙི་ལུ་མཱན༌ཅ།

ཁིརིས་ག་སྙིང་རྗེ་གི་ ཨའི་ཐབ་རང་མ་ཝ་ཅོད་པ༌ཅ། ཧང་ཡ་དག་ནེ་ལ་ ཨའི་ཐམས་ཅན་ག་དེན་གེ་ ཁིརིས་གཤགས་པ་གི་ལ་དག་ཉི་ ཨ་ཤི་དད་པ་ཨ་ཝ༌ཅ། ཨོ་ཉི་ཨ་དེན་གེ་ ཐམས་ཅན་རང་ ཤི་ཝ༌ཅ།