1 Akorinti 8
8
1LOMBA zya vyopupila ku tulango: Tuziŵa kuti seo sonse tina maziŵilo. Maziŵilo otukumula, sembe chintemwa chumanga munzi. 2Kati muntu olinga kuti nuziŵa kantu akaliyotatikoziŵa umo mwakuwamila kuziŵa; 3sembe kati muntu omtemwa Mlungu, wamene oziŵikwa naye. 4Teti zyakulya vyopupila ku tulango tuziŵa kuti paliye kalango kakufwa kantu pa charo, na kuti paliye Mlungu umbi, sembe umo mpera. 50. Pakuti chukanga ilipo yuitiwa milungu, pamulu na pa charo pansi, umo mwilili milungu inyinji na asikuru anyinji, 6sembe kuli seo kuli Mlungu umo, Ŵata, mvufumila vyonse, nase kwa yeve; na Asikuru umo, Yesu Kristo, muli yeve ni mufumila vyonse, nase muli yeve. 7Chukanga ni teti maziŵilo aŵa sali muli ŵonse: sembe ŵambi, paluyoŵerere kalango kuza na lomba, akulya nga ni chopupa ku kalango, na chikumbutima chaŵo pakuŵa cholenda chufifyiwa. 8Sembe vyakulya ntevutilumbisya kwa Mlungu: nase tikakanakulya sitikuŵa aipa; pambi tikalya sitikuŵa aweme. 9Lomba mochenjera nsaka ino yanu yosalula isaŵa chokumbulwisya ŵolenda. 10Pakuti kati muntu okuŵona weo uli naŵo maziŵilo aŵa paunkala pakulya mkaŵimba ka kalango, kansi chikumbutima chake kati akaŵa wolenda sichingakose kulya vyopupila ku tulango? 11Pakuti kwa maziŵilo ŵako uyo wolenda ni pakuchenekeka, mkwanu wechifwila Kristo. 12Teti pamuifisya akwanu, nopaya chikumbutima chaŵo pachulenda, muifisya Kristo. 13Teti kati vyakulya vumkumbulwisya mkwasu, neo sinti nakulya nyama mperampera, ningamkumbulwisye mkwasu.
ទើបបានជ្រើសរើសហើយ៖
1 Akorinti 8: MA23
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mapangano Alomba © Bible Society of Zambia, 1923.