Romans 5
5
CHAPTIR FYVE.
Receivin the Atonement. The ae sin that brocht in death, and the ae Offeran that brocht in life.
1Bein than coontit richtous by faith, lat us hae peace in God, by oor Lord Jesus Christ;
2By wham is the introducin we hae had, by oor faith, intil this favor in whilk we staun: and lat us rejoice iʼ the hope oʼ Godʼs glorie.
3And no this alane, but eʼen rejoice in oor troubles; kennin that troubles work oot lang‐tholin;
4And lang‐tholin, testin; and testin, hope;
5And hope maks‐na ashamed; for that Godʼs love has been shed abreid in oor hearts throwe the Holie Spirit gien to us.
6For, we yet bein feckless, Christ in due season deeʼt for the ungodlie.
7Far jimply wad ony ane dee for an upricht man; yet aiblins for a holie man ane micht eʼen daur death;
8But God commends his ain love to us, in that eʼen while we war yet in sin, Christ deeʼt for us.
9Muckle mair, than, bein noo coontit richtous throwe his blude, we sal be savʼt frae the wrath throwe him.
10For gif, bein faes, we war reconcilʼt to God throwe his Sonʼs death, hoo muckle mair — bein noo reconcilʼt — sal we be savʼt in his life?
11And no only sae, but, rejoicin in God, throwe oor Lord Jesus Christ; throwe wham, at this present, we receive the reconciliation.
12For this reason — Juist as sin cam intil the warld throwe ae man, and throwe sin death; and sae to aʼ men death cam, for aʼ sinned:
13For to the Law, sin was iʼ the warld (but sin isna coontit up, gin thar war nae Law);
14But death had pooer frae Adam doon to Moses, eʼen ower thae wha hadna sinned #5:14 Some tak this to mean wee bairns; but we raither tak it as referrin to ootrageous and wilfuʼ sins like Adamʼs. Aʼ sins are ill eneuch; but some are waur than the lave.like to the sin oʼ Adam — wha is a likeness oʼ the Comin Ane.
15But no as the faut, was the gift oʼ the favor: for gin by the faut oʼ ane, mony deeʼt; mair was the favor oʼ God, and the free gift; the favor oʼ the ae man, Jesus Christ, was mair sufficinʼ for the mony.
16And no as throwe ane that sinned is the free gift. For the judgment was to condemnation on accoont oʼ ae faut; whauras the lovin‐favor is by mony fauts to justification.
17For gin throwe the faut oʼ ane, death had pooer throwe that ane — muckle mair they wha receive the unco plenitude oʼ the favor, and hae gien to them the free gift oʼ richtousness, sal hae pooer in life throwe Ane — Jesus Christ.
18And sae — as throwe the ae faut, condemnation cam on aʼ men, sae throwe ae richtousness establishʼt, the free gift comes to aʼ men.
19For eʼen as throwe the disobedience oʼ ae man, the mony war coontit as sinners — sae throwe the obedience oʼ ane sal the mony be coontit richtous.
20But Law cam in, that the offence micht be seen to exceed: but whaur offences exceedit, the tender‐love muckle mair exceedit.
21That, eʼen as sin had pooer, in death, sae tender‐love soud hae pooer, throwe richtousness, to Eternal Life, throwe Jesus Christ our Lord.
ទើបបានជ្រើសរើសហើយ៖
Romans 5: SCO1904
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Translated by Rev William Wye Smith. Published in Paisley, Scotland in 1904.
