Romans 4

4
CHAPTIR FOWR.
Abrʼam and his faith: whilk we wad do weel to follow.
1Whatna than sal we say that Abrʼam oor faither iʼ the flesh has gotten?
2For gin Abraʼm, by his warks, was acceptit as richtous, he had fundation for gloryin: yet no afore God.
3For what is putten doon iʼ the buik? “Abrʼam lippened God; and it was set doon as richtousness.”
4But to him wha works, the reward isna coontit by way oʼ favor, but by way oʼ debt.
5While to him wha works‐na, but lippens him wha justifies the ungodly — the faith oʼ him is coontit as richtousness.
6Eʼen as Dauvid schaws the weel?-?bein oʼ the man to wham God coonts richtousness, sindry frae warks:
7“Happy they whase ill‐deedinesses are forgiʼen, and whase sins are happit ower!
8“Happy is the man whase sin the Lord disna haud again him!”
9Comes than this blessin on the circumceesion? or on the uncircumceesion as weel? For we are sayin that “faith” was coontit to Abrʼam as “richtousness.”
10Hoo than was it coontit? Whan in circumceesion? or in uncircumceesion? No in circumceesion, but in uncircumceesion!
11And he was gien the sign oʼ circumceesion, a seal oʼ the faith?-?richtousness he had in his #4:11 Tak tent hoo he pruves faith to be the door to God; and no circumceesion: pruves it eʼen by Abrʼam his sel!uncircumceesion: sae that he micht be the great heid oʼ aʼ wha hae faith while in their uncircumceesion, that richtousness soud be coontit to them;
12And the great heid oʼ circumceesion to them wha not only hae circumceesion, but wha follow the steps oʼ oor faither Abrʼam in his uncircumceesion.
13For it wasna throwe the Law that the promise was gien to Abraʼm or to his seed, anent bein the heir oʼ the warld; but throwe the richtousness oʼ faith.
14For gin they wha are oʼ “Law” war heirs, “faith” has failed; and the promise has come to nocht!
15For the law schaws wrath; but whaur thar is nae law, thar is nae brekin oʼt.
16Sae it is oʼ faith, that it may be by favor, in order that the promise may be siccar till aʼ the seed: no to that oʼ the law only, but eke to that oʼ the Abrʼam‐faith, wha is the great heid oʼ us aʼ;
17(Eʼen as it is putten doon, “The great heid oʼ mony nations hae I made thee,”) afore God wham he believed: eʼen him wha raises the deid, and caʼs things that are‐na eʼen as gin they war:
18Wha, whan hope was gane, on hope held fast, that he micht become faither oʼ mony nations; eʼen as it was spoken, “Sae sal be thy seed!”
19And mainteenin strang his faith, he lookit‐na on his ain body as bein deid — bein eʼen aboot a hunner‐year‐auld — nor Sarahʼs womb as deid;
20But lookin on the promise oʼ God, he becam strang in faith, and switherʼt‐na wiʼ unbelief, giean glorie to God;
21And siccar iʼ the belief that what he had promised he was strang to perform:
22And sae it was coontit to him for richtousness.
23But it wasna for him alane that this was sae coontit to him;
24But eke for oor sakes, to wham it was to be coontit; to us wha pit oor faith in him wha raised Jesus oor Lord frae the deid;
25Wha was deliverʼt up for oor sins, and was raised again for oor justifyin.

ទើបបានជ្រើសរើសហើយ៖

Romans 4: SCO1904

គំនូស​ចំណាំ

ចែក​រំលែក

ចម្លង

None

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល