Romans 6
6
CHAPTIR SAX.
Deid to oor auld life in sin; but leevin to the new life in Christ.
1What, than, are we to say? Are we to gang on in sin, that mair tender‐love may be seen?
2Awa wiʼ it! Hoo sal we, wha deeʼt to sin, be leevin ony langʼr inʼt?
3Ken‐ye‐na that aʼ we wha war bapteezʼt intil Jesus Christ, war bapteezʼt intil his death?
4We wiʼ him war buryʼt, than, in oor bapteezin intil his death; sae that eʼen as Christ was raised up frae ʼmang the deid by the glorious pooer oʼ the Faither, sae we in the new life micht walk!
5For, gin we hae been ane wiʼ him iʼ the image oʼ his death, nae doot sae sal we be iʼ the image oʼ his Risin‐again.
6Tak tent oʼ this, that oor auld man was wiʼ him crucifyʼt, sae that the body oʼ sin micht perish, that we soud serʼ sin nae mair.
7For he that has deeʼt, is quat oʼ sin.
8Noo, gin we deeʼt wiʼ Christ, we threep that we sal eʼen leeve wiʼ him;
9Kennin, that Christ, bein raised up frae the deid, dees nae mair: death has nae pooer ower him.
10For the death that he deeʼt, he deeʼt to sin #6:10 Ance for aʼ occasion, and ance for aʼ time: a thing that never needs to be repeatit.ance for aʼ; but noo that he leeves, he leeves to God.
11And sae you yersels coont yersels as deid to sin, but leevin to God, in Christ Jesus.
12Dinna lat sin, than, hae pooer iʼ yere deein body, to gar ye mind its craikin;
13Nor gie ower yere pooers, as instruments oʼ wickedness, to sin; but gie ower yersels to God, as gin leevin frae amang the deid; and yere pooers as instruments oʼ holiness to God.
14For sin sal nae mair hae pooer ower ye; for ye are‐na aneath the Law, but aneath Free‐Favor.
15And what than? Are we to sin, for that we are‐na aneath the Law, but aneath Free‐Favor? Far frae that!
16Div ye no ken, that to the ane ye are giean yersels ower to obey as servants, servants dae ye become to wham ye gie obedience: whether aiblins it be oʼ sin, to death; or obedience, to holiness.
17But thanks to God! that haein been Sinʼs servants, ye gied obedience oot oʼ the heart to yon form oʼ lear intil whilk ye war shapit;
18And, bein set free frae sin, ye war made into servants to Holiness.
19I speak but as a man, for the wauffness oʼ yer flesh; for eʼen as ye gied ower yere pooers as servants to vileness, and lawlessness for lawlessness — sae, noo, gie ower yere pooers as servants to Holiness, for yere perfection!
20For whan ye war Sinʼs servants, ye had naither airt nor pairt in holiness.
21What frute had ye than, iʼ yon things ye are noo ashamed oʼ? for the end oʼ sic is death!
22But noo, bein set free frae sin, and made servants to God, ye hae frute to sanctification; and at the lang‐last, Eternal Life!
23For the fee oʼ sin is death; but Godʼs gree is Eternal Life, in Jesus Christ, oor Lord!
ទើបបានជ្រើសរើសហើយ៖
Romans 6: SCO1904
គំនូសចំណាំ
ចែករំលែក
ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Translated by Rev William Wye Smith. Published in Paisley, Scotland in 1904.