ZABUR 61
61
Do'e nunas perlindungan
1Umaq pemimpin kor. Kadu iringan kecapi. Léman Daud.
2Pirengang kuihan kaji, ya Allah,
perhatiang do'e kaji.
3Léman poton gumi kaji bekuih tipaq Deside,
séngaq kaji putus ase.
Deside gen ngatong kaji ojok taoq pengungsian saq aman,
taoq saq atas gati bagi kaji;
4séngaq Deside pelindung kaji,
pertahenan saq kuat jari ngelawan musuh kaji.
5Menengang kaji seumur idup nyodoq léq Kémah Deside,
adéq aman léq bawaq keléték Deside.
6Séngaq Deside sampun mirengang sesangi kaji, ya Allah,
dait ngicanin kaji dowé pusake dengan saq takut léq peséngan Deside.
7Semoge raje bélo umur,
sehingge ie idup turun-temurun.
8Semoge ie mréntah selaéq-laéqne
jari raje piléqan Deside, ya Allah,
lindungin ie siq kasih dait kesetiean Deside.
9Make kaji gen tetep nyanyiang pujian bagi Deside,
sambil bayah sesangi kaji sebilang jelo.
ទើបបានជ្រើសរើសហើយ៖
ZABUR 61: LAISAS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល