ZABUR 62
62
Percaye léq perlindungan ALLAH
1Umaq pemimpin kor. Menurut: Yedutun. Zabur Daud.
2Cume dékét Allah doang tiang tenang,
léman Ie doang keselametan tiang.
3Cume Ie saq ngelindungin dait nyelametang tiang,
Ie pembéle tiang, tiang ndéq gen bimbang.
4Jangke piran side selapuq mélé nyerang sopoq dengan
saq sampun maraq tembok saq dénggéq
dait tembok saq gen ruk?
5Side cume beniat geriqang ie
léman kedudukanne saq atas.
Side demen beduste;
siq biwihde side ngucapang berkah,
laguq léq dalem aténde ngutuk.
6Cume léq Allah doang tiang tenang,
léman Ie doang keselametan tiang.
7Cume Ie saq ngelindungin dait nyelametang tiang;
Ie pembéle tiang, tiang ndéq gen bimbang.
8Ie Allah saq ngicanin tiang keselametan dait kehormatan,
Ie pelindung tiang dait pembéle tiang saq kuat.
9Hai bangse tiang, pade beharep tipaq Allah sebilang waktu;
sampéang isi aténde léq Ie,
séngaq Ie taoq ite berlindung.
10Manusie cume maraq sekali berembok doang,
beléq kodéq pade-pade ndéq beraji.
Lamun tetimbang, ternyate ie pade déang,
déangan léman sekali berembok.
11Ndaq harepang hasil pemeresan,
dait ndaq ngandelang barang rampasan.
Malahan lamun kesugihande beromboq,
ndaq ie doang lain angende.
12Sekali Allah bemanik,
due hal saq tiang dengah:
Bahwe kuase asalne léman Ie,
13 #
Ayb. 34:11; Yer. 17:10; Mat. 16:27; Rm. 2:6; Why. 2:23 dait léman Ie éndah asalne kasih dait setie.
Ya Junjungan Saq Mulie, Deside bales sebilang dengan
menurut perbuatanne.
ទើបបានជ្រើសរើសហើយ៖
ZABUR 62: LAISAS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល