ZABUR 60
60
Do'e nunas tulung
1Umaq pemimpin kor. Menurut lagu: Kembang bakung kesaksian. Zabur pengajahan léman Daud, 2#2Sam. 8:13; 1Hik. 18:12 sewaktu ie perang kance dengan Aram-Mesopotamia dait dengan Aram-Zoba, dait sewaktu Yoab uléq dait ngalahang due olas iyu dengan Edom léq Lembah Asin.
3Deside nolaq kaji pade, ya Allah,
dait menengang kaji pade tekalahang.
Deside menggah léq kaji pade;
mangkin tulakang keadaan kaji pade.
4Deside miaq gumi inggur jangke retéq;
pesolah saq retéq-retéq, séngaq gumi inggur.
5Deside menengang umat Deside ngalamin penderitean saq berat;
kaji pade sempoyongan maraq dengan bowos.
6Deside icanin peringetan tipaq dengan-dengan saq takut léq Deside,
adéq ie pade luput léman hukuman.
7 # Zbr. 108:7-14 Selametang kaji pade siq kuase Deside, jawab do'e kaji pade,
adéq dengan-dengan saq Deside kasihin teselametang.
8Léman gedéng-Ne saq suci Allah bemanik,
“Tiang mélé besurak dait bagi-bagiang tanaq Sikem;
Lembah Sukot gen Tiang undi.
9Gilead dait Manasye nike dowén Tiang,
Epraim songkoq waje Tiang,
dait Yehuda tunjang kerajaan Tiang.
10Laguq Moab nike taoq pembisoqan naén Tiang;
Tiang besurak lantaran menang ngelawan Pilistea.
Tiang saut sepatu Tiang ojok Edom
jari tande bahwe ie dowén Tiang.”
11Sai saq jauq tiang ojok Edom?
Sai saq déndén tiang ojok kote saq bepenyengker nike?
12Ya Allah, tekan Deside sampun nolaq kaji pade,
dait Deside nénten maju bareng prajurit kaji pade?
13Tulung kaji pade léman musuh,
séngaq pertulungan manusie nénten araq manpaatne.
14Bareng Allah, ite gen ngelaksaneang perbuatan saq gagah perkase,
Ie saq kalahang musuhte.
ទើបបានជ្រើសរើសហើយ៖
ZABUR 60: LAISAS
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល