Uluaki tohi a Paulo ki te kau KOLINITO 5
5
Maveuveu i te Ekelesia
1Kua logo i te kogamea fuli e mau ia koutou he faifeauaki, pea ko he faifeauaki ae e mole fai foki i te kau pagani; koteuhi kua kaku o nofo he tahi o koutou mo te ohoana o tana tamai. 2Pea kua kotou mapula i te fiamealahi! Kae nee mole kotou mamahi mua, ke too maia koutou ia ia nee ina fai te mea aia! 3Kia au, e au puli fakasino ia koutou kae e au nofo mo koutou i te laumalie, pea kua au fakamaaui ia ae nee ina fai te mea aia, o hage nee au nofo tonu mo koutou. 4I te huafa o te Aliki Sesu, ko koutou mo toku laumalie, ae kua fakatahi mo te mafimafi o totatou Aliki Sesu, 5ke tuku te tagata aia kia Satana ke maumaui te kakano kae ke fakamauli te laumalie i te aho o te Aliki Sesu.
6E mole lelei takotou fakakololia kia koutou! Pe e mole kotou iloi ko he kii moi fakatupu e ina fakatupu te falaoa katoa? 7Koutou pulihi te fakatupu afea, ke kotou liliu ko he falaoa foou, he kei kotou hala fakatupu, koteuhi ko Kilisito, totatou Pasikate, kua sakilifisioi maa tatou. 8Koia ke tou fai te aho lahi, kae mole aki he fakatupu afea, pee aki he fakatupu o te kovi mo te agakovi, kae aki ni pane hala fakatupu o te agatonu mo te mooni.
E nofo te kilisitiano i te malamanei kae mole kau i te malamanei
9Kua au tohi atu i taku tohi kia koutou, ke aua naa kotou fakatahi mo te kau faiaga: 10E mole au ui atu ki te kau faiaga katoa o te malamanei, pee ko te kau manumanu paaga, pee ko te kau kaihaa tagata, pee ko te kau tauhi taulaatua; koteuhi kapau koia, e tonu leva ke kotou mavae i te malamanei. 11Koeni, ko te mea kua au tohi atu kia koutou, ke aua naa kotou fakatahi mo he tahi ae e higoa ko he tehina kae e faiaga, pee manumanu paaga, pee tauhi taulaatua, pee nukinuki, pee inu kava, pee kaihaa tagata, pea ke aua foki naa kotou kai mo he tagata fena. 12Koteuhi kotea e au fakamaaui ai natou mai tua? Pe e mole ko natou ae i loto e tonu ke kotou fakamaaui? 13Kia natou ae i tua, e fakamaaui natou e te Atua. Kotou too kehe maia koutou te tagata agahala aia.
ទើបបានជ្រើសរើសហើយ៖
Uluaki tohi a Paulo ki te kau KOLINITO 5: WB2011
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland