Iyohaichish 107
107
107. Iyohaichish.
1AA, Ehoba koyaiiraige yan; Shinuma pirika ruwe ne:
Ramma pakno Shinuma koro rampoken an ruwe ne gusu ne na.
2Epokba utara koro teke wano kikiraye hemhem ki;
Moshiripa wano moshirigesh wano,
Pikata wano Arutoro wano,
3Nei moshiri wano uwekarapa,
Ehoba koro kikiaraye utara nei no ye yan.
4Nei utara kimta okai nup un ru otta ekeshne no payekai wa,
Oshiroma kuni machiya anukara shomoki nisa ruwe ne.
5Ibe rusui, iku rusui wa
Nei oshiketa sambe rai nisa.
6Nei ita nei utara anak ne yairamkoiki wa Ehoba konishuk,
Awa, Shinuma nei a yairamshitnere-i wano ohaitare nisa ruwe ne.
7Orowa, oshiroma kuni machiya orun paye kuni ne,
Shinuma kuwanno an ruhu otta nei utara tura nisa ruwe ne na.
8Aa, nei pirikap gusu hemhem,
Utara koro poho otta aki iyokunnure ikip gusu hemhem ainu utara Ehoba koiramye yak humi!
9Shinuma anak ne keutum eyaikatekara ambe eramushinnere,
Orowa, pirikap ani ibe rusui keutum shikte ruwe ne gusu ne na.
10Yaiyan-kani newa ayairamshitnere-hi ani atupetupe wa,
Kunne-i newa rai kurihi otta rok utara;
11Kamui itak eokbare gusu,
Iyotta Rikunbe koro aesanniyop koatcha gusu:
12Tambe gusu, Shinuma moni ani nei utara kon ramat anrapokekara;
Nei utara hachiri nisa, aige, kashiobiuki guru isam ruwe ne.
13Nei ita utara anak ne yairamkoiki wa Ehoba konishuk,
Awa, nei a yairamshitnere-hi gusu Shinuma kashi-obiuki nisa ruwe ne na.
14Kunne-i newa rai kuruhi wano Shinuma nei utara etaye,
Orowa, ani tupetupe ambe kaye nisa ruwe ne.
15Aa, nei pirikap gusu hemhem,
Utara koro poho otta aki iyokunnure ikip gusu ainu utara Ehoba koiramye yak humi!
16Shinuma anak ne shiunin-kani apa kaye,
Yaiyan-kani sakma tuye nisa ruwe ne gusu ne na.
17Haita utara anak ne koro ohaita-buri gusu,
Shui, koro wen-buri gusu shirikirap ruwe ne.
18Nei utara kon ramat anak ne obitta no okai aep etunne;
Aige, rai apa karange no araki ruwe ne na.
19Nei ita nei utara anak ne yairamkoiki wa Ehoba konishuk,
Awa, nei a yairamshitnere-i gusu Shinuma kashiobiuki nisa ruwe ne na.
20Shinuma anak ne koro itak sange wa nei utara iwangere,
Orowa, okai isamka kuni ambe wano ohaitare ruwe ne.
21Aa, nei pirikap gusu hemhem,
Utara koro poho otta aki iyokunnure ikip gusu hemhem ainu utara Ehoba koiramye yak humi!
22Orowa, nei utara iramye kuni ayange kunip yange wa,
Shinuma ki ikip shinotcha ani assuru ashte yanro.
23Cliip o wa atui orun sap,
Poro wakka kata moni ki utara anak ne;
24Nei utara anak Ehoba ki ikip nukara,
Ooho ushi ta Shinuma ki iyokunnurep nukan ruwe ne.
25Shinuma pawetenge ki wa,
Nei riti punire rui rera hopunire ruwe ne.
26Nei utara kando pakno apunire, shui, ooho an ushi pakno arapte;
Wenbe an gusu kon ramat ru ruwe ne.
27Nei utara atapatap, ihoshki guru korachi omakatet-tereke,
Aige, kimatek gusu ramat-sak ruwe ne.
28Nei ita nei utara anak ne yairamkoiki wa Ehoba konishuk,
A wa, nei a yairamshitnere-i gusu Shinuma kashiobiuki nisa ruwe ne na.
29Shinuma anak ne poro rera ratchire,
Aige, nei riri mo ruwe ne.
30Nei ita nei utara anak ne riri mo wa gusu yaikopuntek;
Tambe gusu otta okai rusui tomari ta Shinuma tura ruwe ne na.
31Aa, nei pirikap gusu hemhem,
Utara koro poko otta aki iyokunnure ikip gusu hemhem ainu utara Ehoba koiramye yak humi!
32Utara uwekarapa-i ta Shinuma pasere,
Ekashi utara koro set ta Shinuma koiramye yanro.
33Shinuma pet ani nup ne itasare,
Wakka purpuruge-i ani sat toi ne kara;
34Uwetukno toi ani shippo-ush nup ne itasare ruwe ne;
Tambe anak ne nei otta oshiroma utara koro wenbe gusu an ap ne ruwe ne na.
35Shinuma wakka mem ani nup itasare
Sat toi ani wakka purupuruge-i ne kan ruwe ne.
36Orowa, nei ushiketa okai kuni ne machiya etoko-oikire gusu,
Shinuma ibe-rusui utara oshiromare ruwe ne;
37Orowa, nei utara piyehe etoita hemhem ki, hat toi hemhem etoita,
Aige, ibehe innere kuni kan ruwe ne.
38Shinuma nei utara nunuke ne yakka ki gusu, poron no auinnere ruwe ne;
Samata, koro chikoikip iteki nin kuni ne kan ruwe ne.
39Shui, nei utara anak ne ausshiunere gusu, aiwende gusu, orowa, aoknatarare gusu,
Nin wa aanrapokikan ruwe ne.
40Esapane utara aesapsere,
Aine, ru isam nup otta ekeshne apkashte ruwe ne.
41Yakka, Shinuma anak ne yairamshitnere ambe wano ri ushiketa irapokkari utara ande,
Aine, topaba nei no innere ruwe ne.
42Oupeka utara nei ambe nukara wa yainuchattek kusu ne;
Orowa, obitta no okai oheugep anak ne koro paro seshke kusu ne na.
43Wayashnu guru anak ne tap okaibe esanniyo kusu ne, Aine, Ehoba koro rampoken ramepakari kusu ne na.
ទើបបានជ្រើសរើសហើយ៖
Iyohaichish 107: AINU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© British and Foreign Bible Society 1897, 2018