Iyohaichish 108
108
108. Iyohaichish.
Shinotcha, Dabid kara iyohaichish.
1AA Kamui, ku goro keutum aatte wa an na;
Shinotcha ku ki, ruwe un, ku oripak an no iramye shinotcha ku ki kusu ne na.
2So newa koto, mosh yan:
Kuani yaikota aro kunneiwano ku mosh kusu ne.
3Aa Ehoba, uirup utara tumugeta E orun koyaiiraige ku ki:
Moshiri uirup tumugeta E orun iramye shinotcha ku ki kusu ne na.
4E koro rampoken anak ne kando kashiketa an,
E koro sonep kando pakno epa ruwe ne gusu ne na.
5Aa Kamui, kando kashiketa aeyaiepasere yan:
Moshiri kashike e koro nupeki riknare yan.
6E koro omap an ambe aohaitare kuni ne,
E koro shimon-tek ani kashiobiuki wa, un orun ese wa un kore.
7Kamui anak ne koro Ashkanne ushike wano itak ki; ku ramu ku rire kusu ne:
Shekem ku usaraye, Sukkot pinnai ku pakari kusu ne.
8Kiriad anak ne ku korope ne; Manasse ku korobe ne;
Epraim ka ku sapaha tam-kikhumbe ne;
Yuda anak ne ku koro ipawetenge sangep ne ruwe ne.
9Moab anak ne ku goro yashke patchi ne;
Edom orun ku keirehe ku osura kusu ne:
Piristia kashiketa hawe ku ashte kusu ne na.
10Chashi koro machiya orun en ahunge guru hunna?
Edom orun en tura guru nen ne ruwe?
11Aa Kamui, Aokai anak ne un emakba shomoki ruwe?
Aa Kamui, Aokai anak ne chikoro topaha tura shomo arapa ruwe ne.
12Okai un epokba utara gusu un kashiobiuki wa un kore:
Ainu ikashiu kuni ambe anak ne raka isambe ne ruwe ne gusu ne na.
13Kamui ankushkerai chi utara rametok no iki kusu ne:
Shinuma anak ne un epokba utara otereke kusu ne gusu ne na.
ទើបបានជ្រើសរើសហើយ៖
Iyohaichish 108: AINU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© British and Foreign Bible Society 1897, 2018