Iyohaichish 106
106
106. Iyohaichish.
1YAH ramye yan.
Aa Ehoba koyaiiraige yan; Shinuma pirika ruwe ne gusu:
Shinuma koro rampoken ramma pakno an ruwe ne gusu ne na.
2Ehoba iki kiroro ikip ye eashkai guru hunna?
Shinuma koro obitta no okai iramye ambe atte eashkaibe hunna ruwe he an?
3Aesanniyop ramma shikkasbima hene ki utara,
Ramma oupekap kara hene ki guru anak ne anunuke ne.
4Aa Ehoba, E koro utara gusu sange irenga ani en eshkarun wa en kore;
Aa, en kashiobiuki wa en kore.
5E koro anumge utara aepirikare ambe ku nukara hemhem ki,
E koro uirup yainuchattek-hi ku enupetne hemhem ki,
E koro eikeshkoro utara tura iramye hemhem ku ki kuni ne en eshkarun wa en kore.
6Chi utara anak ne koro ekashi tura katpak koro,
Oheugep chi ki wen no ikichi nisa ruwe ne.
7Chikoro ekashi anak ne Echipt moshiri ta E ki iyokunnurep eraman shomoki;
E sange inne no okai rampoken eshkarun shomoki;
Koroka atui samta, nei Kokai atui samta okbare ki nisa ruwe ne.
8Yakka, Shinuma yaikota kon reihei gusu nei utara kashiobiuki,
Koro tumashnu kiroro ashte kuni gusu ne na.
9Shinuma Kokai atui ne yakka kopashirota, awa, nei ambe sat nisa:
Tambe gusu nup akush korachi nei ooho-i akushte nisa ruwe ne.
10Orowa, etunne guru koro teke wano Shinuma ohaitare,
Aige, epokba guru koro teke wano kikiraye nisa ruwe ne na.
11Orowa, wakka anak ne nei utara epokba utara kamure nisa:
Shinen ne yakka shomo ohaita nisa ruwe ne na.
12Nei orowa no nei utara anak ne Shinuma itak eishokoro;
Orowa, iramye nisa ruwe ne.
13Nei utara tunashino Shinuma kii ikip oira;
Shinuma ki ukoramkorʼi ehuye shomoki nisa ruwe ne.
14Koroka, kimta eikaunu kashpa shiri ki,
Nup otta Kamui koramnukan nisa.
15Orowa, Shinuma nei utara koramkorope sange;
Koroka, kon ramat sattekte nisa ruwe ne.
16Orowa, kash koro wa okai ushiketa ne yakka Mose eyaitunnap,
Shui, Ehoba koro Ashkanne Aaron eyaitunnap nisa u ruwe nei na.
17Toitoi i maka wa Datan ruki,
Orowa, Abiram tura no okai utara kamure nisa ruwe ne.
18Nei utara tumugeta abe aare;
Abe nupeki anak ne, wen utara uhuyeka nisa ruwe ne.
19Horeb ta nei utara pon beka kara,
Ru kani nokaha ko-ongami nisa.
20Tap korachi nei utara; anak ne koro iramye kunip itasare wa,
Mun ibe beko nokaha ne kan nisa ruwe ne na.
21Echipt moshiri ta poro ikip ki,
Koro kashiobiuki kuni Kamui oira nisa;
22Shinuma Ham moshiri ta iyokunnure ambe kara,
Kokai atui samta ashitoma okaibe ki nisa ruwe ne na.
23Tambe gusu, nei utara isamka kusu ne sekoro shinuma itak,
Aige, Shinuma ki kinrakarape shishire wa ika nei utara isamka kuni ne,
Shinuma numge Mose anak ne nei wen ushiketa Shinuma kotchake ash nisa ruwe ne.
24Bu we ne wa, nei utara nei pirika moshiri etunne nisa,
Shinuma koro itak eumbipka nisa ruwe ne;
25Koroka, koro kashi otta okai wa oromam ki,
Aine, Ehoba koro hawe shomo nu nisa ruwe ne.
26Tambe gusu, nup otta nei utara hachirepa kuni ne,
Koro teke puni nisa:
27Orowa shui, moshiri uirup tumugeta nei sanikiri hokushte wa,
Moshiri kata charichari kuni gusu ne na.
28Nei utara anak ne Baar-Peor orun paye,
Aige, rai guru gusu ayangep ibe nisa ruwe ne.
29Orowa, nei utara ki ikip gusu Shinuma airushkare;
Aige, koturuse tashum asange nisa.
30Nei ita Pinehas ash wa koipishi ki,
Awa, nei tashum aisamka nisa ruwe ne.
31Tambe anak ne otusashuishiri pakno okai ainu ikiri pakno
Oupekap ne sekoro aesanniyo nisa ruwe ne.
32Orowa shui, Meriba wakka ta ne yakka nei utara Shinum irushkare,
Tambe gusu nei utara ankushkerai Mose gusu wen ruwe ne:
33Nei utara Shinuma kon ramat eokbare,
Aine, Shinuma anak ne koro papush ani aesanniyo shomoki itak sange nisa ruwe ne gusu ne na.
34Ehoba ikashpaotte korachi,
Nei utara moshiri uirup isamka shomoki nisa;
35Koroka, nei uirup utara tura ukopoyege wa,
Koro ki ikip eyaihannokkan nisa ruwe ne:
36Aige, yaikota gusu akbe ne akara,
Potoki otta yaishieiwangere nisa ruwe ne:
37Ruwe un, koro okkai poho newa koro matnepo nitnep orun yange nisa,
38Orowa, turu-sak kemihi, koro okkai poho newa matne poho koro kem poka ohetu,
Nei utara Kanaan moshiri ta okai nokaha otta yange nisa;
Awa, kemihi ani toitoi turuaushte nisa ruwe ne na.
39Tap korachi nei utara anak ne koro ki ikip ani turuaushte,
Aine, ki ikip ani omoinu nisa ruwe ne.
40Tambe gusu Ehoba anak ne koro utara gusu kinrakara,
Aige, koro eikeshkoro utara etunne nisa ruwe ne na.
41Orowa, moshiri uirup koro teke otta Shinuma nei utara koropare,
Awa, etunne utara anak esapane nisa ruwe ne.
42Epokba utara anak nei utara koeramunishte;
Aige, koro teke ani ausshiunere nisa ruwe ne.
43Kanna-kanna Shinuma nei utara kashiobiuki nisa,
Koroka, koro ukoramkor-i ta okbare ki,
Aine, koro wen-buri gusu aramde nisa ruwe ne na.
44Yakka, Shinuma anak ne nei utara yairamkoiki-hi nukara wa,
Aashte hawehe nu nisa ruwe ne:
45Orowa, nei utara gusu an uitaknup Shinuma eshkarun wa,
Koro rampoken inne no okai wa wenbe kirure nisa ruwe ne.
46Orowa, teke pashte utara orowa no
Aechishikiraine kuni ne Shinuma ki nisa ruwe ne.
47Aa chikoro Kamui ne Ehoba, un kaobiuki wa un kore,
Moshiri uirup wano un uwekarare wa un kore,
E koro ashkanne reihei orun koyaiiraige hemhem ki,
E koro iramye-hi koereika hemhem ki kuni ne nei no kara wa un kore.
48Israeru koro Kamui ne Ehoba anak ne,
Otusashuishiri wano otusashuishiri pakno anunuke ne.
Amen, ari an itak an obitta no okai utara yerero.
Yah ramye yan.
ទើបបានជ្រើសរើសហើយ៖
Iyohaichish 106: AINU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© British and Foreign Bible Society 1897, 2018