Iyohaichish 105
105
105. Iyohaichish.
1EHOBA koyaiiraige, Shinuma kon reihei orun konishuk yan;
Moshiri uirup tumugeta Shinuma ki ikip assuru ashte yan.
2Shinuma orun shinotcha-ki, Shinuma orun ramye shinotcha ki yan;
Shinuma iki obitta no okai iyokunnurep ramepakari yan.
3Shinuma ashkanne reihei gusu yaiyomonnure yan:
Ehoba hunara utara koro sambe ritetkere yan.
4Ehoba newa Shinuma kiroro hunara yan;
Ramma pakno Shinuma koro nanuhu hunara yan?
5Shinuma ki iyokunnure ikip hene;
Shinuma koro iyokunnurep newa paroho sange aesanniyop hene;
6Aa Shinuma uitek guru me Abraham koro sanikiri,
Shinuma numge utara ne Yakob koro poho, nei ambe eshkarun yan.
7Shinuma anak ne chikoro Kamui ne Ehoba ne ruwe ne:
Shinuma koro aesanniyop anak ne moshiri ebitta ta an ruwe ne.
8Shinuma anak ne ramma pakno koro uitaknup eshkarun nisa;
Ashikne shine wan hotne okai ainu ikiri pakno kashpaotte itak eshkarun nisa ruwe ne;
9Abraham otta ki uitaknup newa;
Isaak shiyuppa no ye ambe eshkarun nisa ruwe ne;
10Orowa, ehui, ekambaktep nei no nei ambe Yakob gusu ashte,
Israeru gusu ramma u pakno an uitaknup ne kuni ashte hine,
11Ene itak-hi:— E orun Kanaan moshiri e kore:ash na,
E eikeshkoro kuni ushike ne na.
12Nei ita anak ne nei utara moyo ne,
Ruwe newa, shi no moyo wa nei moshirita payekai ruwe ne;
13Aige, nei utara uirup orowa mo uirup pakno paye,
Shine moshiri wano oya moshiri uirup orun paye nisa ruwe ne.
14Nei utara iteki wende kuni ne ki;
Ruwe un nei utara gusu moshiri shikkashima utara pakashnu nisa ruwe ne na.
15Aige, ene itak-hi:— Ku goro kashi-a-ota utara iteki tomooshma,
Ku goro uweingara utara iteki wende yan.
16Orowa, moshiri kata keman kuni Shinuma kara;
Aige, aep ara isamka nisa ruwe ne.
17Nei utara ratchaot Shinuma ainu omande;
Awa, Yosep anak ne auitek guru ne kuni ehok nisa:
18Shinuma koro chikiri shinkop ani ashirikirapte;
Shinkop ani akote nisa ruwe ne na:
19Shinuma ki itak auweoma pakno;
Ehoba koro itak Shinuma shiruwande nisa.
20Moshiri shikkashima guru anak ne teshkara wa shinuma pita yara;
Uirup utara esapane utara poka, orowa, shinuma honnere nisa ruwe ne na.
21Shinuma kot chisei esapanere,
Shui, korobe obitta epunginere nisa:
22Rengaine moshiri shikkashima utara koro poho kotere,
Orowa, ekashi utara wayashnure kuni ne kan nisa ruwe ne.
23Israeru ne yakka Echipt moshiri orota ek,
Orowa, Yakob anak ne Ham moshiri ta reushi nisa ruwe ne.
24Orowa, shinuma koro utara shiri ainnere hine,
Koro epokba utara kasu no tumashnure nisa.
25Shinuma anak ne koro utara etunne gusu nei utara koro keutum kirure,
Koro uitek utara otta irarare nisa ruwe ne na.
26Shinuma koro uitek guru ne Mose newa,
Anumge a Aaron teshkan nisa.
27Shinuma anak ne nei utara tumugeta koro shirosh atte,
Aige, Ham moshiri ta iyokunnurep iki nisa ruwe ne na.
28Shinuma kunne-i omande wa shirikunne ne;
Awa, nei utara Shinuma ki itak eokbare shomoki nisa ruwe ne.
29Shinuma anak ne nei utara koro wakka kem ne tasare,
Aine, koro chep ronnu nisa ruwe ne.
30Toi kata otereke-ibe shiri eshikte,
Moshiri esapane guru kot tumbu ta okai.
31Shinuma itak, orowa, mosh shiri hetuku,
Nei moshirʼebitta uruki ainnere nisa.
32Apto shirine kaukau ashte,
Paraparase abe nei moshiri ta sange.
33Koro hat-pungara newa ichijiku chikuni tauge;
Orowa, nei moshiri ta okai chikuni kaye nisa ruwe ne.
34Shinuma itak, aige, patta araki,
Apishki eaikap pakno moshpe hetuku,
35Aine, nei utara koro moshiri ta obitta no okai mun ibe,
Toi wa hetuku aep ibe nisa ruwe ne na.
36Nei moshiri ta obitta no okai nei utara koro kiyanne poho shirikik,
Koro kiroro heashiripe shirikik nisa ruwe ne.
37Shirokani newa kongani koro wa nei utara turare:
Nei uirup tumugeta epetchiu guru shinen ka isam nisa ruwe ne.
38Nei utara paye ita Echipt anak ne nupetne;
Nei utara kimatek wa okai nisa ruwe ne gusu ne na.
39Nei utara kamure guru nishkuru Shinuma pirasa;
Anchikarata pekere atte gusu abe ande nisa:
40Nei utara koramkoro, aige, Shinuma pekepkere chikap sange bine,
Kando un aep ani eramushinnere nisa ruwe ne.
41Shinuma watara maka, orowa, wakka oashin;
Pet korachi sat ushike ta mom nisa ruwe ne.
42Shinuma anak ne koro Ashkanne itak newa,
Koro uitek guru eshkarun nisa ruwe ne gusu ne na.
43Orowa, nupetne no koro utara atura,
Shinotcha ki wa koro numge utara atura nisa ruwe ne.
44Aige, Shinuma nei utara otta uirup koro moshiri koropare;
Awa, nei utara anak ne moshima utara iki ambe eikeshkoro nisa:
45Nei ambe anak nei utara Shinuma koro ekambakbe shikkashima hene ki,
Koto tuitak nei no ki kuni an ambe ne.
Yah ramye yan.
ទើបបានជ្រើសរើសហើយ៖
Iyohaichish 105: AINU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© British and Foreign Bible Society 1897, 2018