Apostoro ikip oma kambi 6
6
6 Ik.
1Orowa, tan toho ta, koikara utara pishki-hi ainnere ita, koro shiyompiyara shiwentep kesto gusu an eungerai ambe kama ruwe ne gusu Herenes un utara tumta Hebrai un utara epeka no oromam hopuni nisa ruwe ne. 2Tata otta nei tun ikashima wa niu anak ne orota nei inne koikara utara shihekote hotuyekara wa ene itak-hi :— Chi okai utara anak ne Kamui itak ande wa set gusu yaishieiwangere-hi anak ne pirikap shomo ne ruwe ne. 3Tambe gusu, iriwak utara, echi tumugeta okai pirika assuru koro, Ramat newa wayashnu-hi ani aeshik arawa niu numge, aige, tap okaibe esapanere kuni gusu ashte ash kusu ne. 4Koroka, chi utara anak ne shine-ikinne ramma-kane inonno-itak hemhem ki, itak otta yaishieiwangere hemhem ki kusu ne na, ari itak. 5Awa, tan itak anak ne obitta no okai inne utara nupetnere; aige, nei utara eishokor-i newa Ashkanne Ramat ani aeshik Stepanos hemhem numge, shui, Piripos hemhem, Prokoros hemhem, Nikanor hemhem, Timon hemhem, Parmenas hemhem, Antiok kotan wano an koikara guru ne Nikoras hemhem numge nisa: 6tan okai utara Apostoro kotchaketa aroshkire: orowa, inonno-itak ki okere chiki, kashiketa koro teke ande nisa ruwe ne.
7Orowa, Kamui itak shipiraspa; shui, koikara utara anak ne Yerusarem kotan ta shi no ainnere nisa; samata, Kamui kora kenru esapane utara tumuge un shiri inne utara nei eishokor-i koitaknu nisa ruwe ne.
8Orowa Stepanos anak ne irenga newa kiroro ani aeshik no an wa, utara tumugeta poro aeiyokunnure ambe newa shirosh iki nisa ruwe ne. 9Koroka, Ribertin ari an ambe ari aye uwekari un utara hemhem, Kurene un utara hemhem, Areksandria un utara hemhem, Kirikia newa Asia un utara hemhem hopumba wa Stepanos tura upahunara nisa. 10Orowa, ani shinuma itak wayashnu ambe newa Ramat nei utara shisamchashnure eaikap ruwe ne. 11Tata otta nei okai utara anak ne moshima utara eiyonnupbare wa ene itakte-hi :— Tan guru anak ne Mose epeta ne yakka Kamui epeka ne yakka koatcha itak sange-hi chi nu nisa, ari itakte. 12Orowa, nei utara anak ne ouse utara newa ekashi utara newa kambi-nuye utara oyupupu wa orota araki hine shinuma kishima; aige, ukoramkoro utara orun tura, orowa, shunge paweteshu ki utara ashte wa ene itakte-hi :— 13Tan guru okere shomoki no tan ashkanne ushike epeka hemhem, tuitak epeka hemhem, itak sange ruwe ne: inambe gusu ne yakun, 14Nazaret kotan un Yesu anak ne tan ushike isamka, orowa Mose un koropare buri itasare kusu ne ari an itak ani shinuma ye ambe chi nu nisa, ari itakte. 15Orowa, nei ukoramkoro ushi rok wa okai utara obitta shinuma orun oshikkurukote, aige, nanuhu nukara chiki Kamui hauturumbe nei no an nanuhu nepkoro anukan na.
ទើបបានជ្រើសរើសហើយ៖
Apostoro ikip oma kambi 6: AINU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© British and Foreign Bible Society 1897, 2018
