Apostoro ikip oma kambi 7
7
7 Ik.
1Orowa, Kamui kora kenru iyotta pase esapane guru ene itak-hi :— Tap okaibe tapne ne ruwe he an? 2Aige, orota shinuma ene itak-hi :—
Iriwak utara newa ekashi utara inu yan. Haran kotan ta oshiroma etokota, Mesopotamia moshiri ta an ita, arakuru koro Kamui anak ne chikoro ekashi 3Abraham orota yainukare hine, orota ene itak-hi :— E koro moshiri wano, e koro utarihi wano oman wa, Kuani e nukare ash kotan orun arapa yan, ari itak. 4Nei ita shinuma Karudea un utara koro moshiri wano arapa wa Haran kotan ta oshiroma: orowa, koro michi rai wa isam okake, nei kotan wano otta tane echi oshiroma moshiri ta atupte nisa ruwe ne: 5orowa, tan moshiri ta eikeshkorobe shomo akore, ruwe un, kashiketa kema ande kuni i pakno shomo akore nisa ruwe ne: orowa, naa shomo shinuma po an etokota, shinuma newa koro santek tan moshiri aeikeshkoro kuni sekoro eitakamkire nisa ruwe ne. 6Orowa, tap korachi itak nisa, koro sanikiri oya moshiri ta riya, aige, nei moshirʼun utara orowa no ausshiunere, orowa, tu shine wan hotne paha uturuta wen no ikichi wa akore kusu ne, sekoro itak. 7Orowa, orowa no ausshiunere uirup ku koipishi kusu ne, ari Kamui itak: orowa, okaketa nei utara araki wa tan ushiketa En otta yaishieiwangere kusu ne na. 8Orosama, Shinuma anak ne nei utara otta okarituye buri oma aeuitaknup koro: tambe gusu Isaak asangere chiki, tupesan ikinne an toho ta okarituye buri akire nisa; orowa Isaak anak ne Yakob sangere, orowa, Yakob anak ne ne tun ikashima wan mak-un ekashi sangere nisa ruwe ne na. 9Orowa, nei mak-un ekashi anak ne eyaitunnap gusu Echipt moshiri orota Yosep ehok: 10awa, Kamui shinuma tura no an, aige, obitta no okai aeyairamchuptekbe orowa no ohaitare, orowa, Echipt moshiri esapane Parao kotchaketa irenga kore wa wayashnure nisa; samata, Echipt moshiri newa koro chisei epunginere nisa hawe ne na. 11Okake an koro Echipt newa Kanaan moshirʼebitta kem-ush iki wa shi no aeyairamchuptekka, aige, chikoro ekashi gusu aep isam ruwe ne. 12Koroka, Echipt moshiri ta aep an sekoro Yakob nu chiki, atpaketa chikoro ekashi utara payere nisa. 13Orowa, nei okaketa paye chiki, Yosep anak ne koro iriwak otta yaieamkire nisa; aige, Yosep koro uirup Parao orun aeamkiri nisa ruwe ne na. 14Orowa, Yosep teshkara wa koro michi ne Yakob obitta no okai utarihi tura tak, nei utara pishkihi anak ne ashikne niu ikashima wa niu e ine hotne niu ne ruwe ne. 15Orowa, Yakob anak ne Echipt moshirʼotta san; aine, shinuma ne yakka, chikoro ekashi utara ne yakka rai nisa; awa, nei utara Shekem kotan orota aani wa, 16shirokani oro gusu Abraham Shekem kotan ta okai Emmor koro poho otta hok iyurui orota ande nisa ruwe ne. 17Koroka, Kamui anak ne Abraham gusu koeitakamkire arabe epa kuni pakihi epa ehange chiki, utara anak Echipt moshiri ta uare wa ainnere nisa, 18Yosep eamkiri shomoki no moshima an nei moshiri esapane guru hetuku pakno ne ruwe ne. 19Nei esapane guru anak ne chikoro utarihi gusu irarape ki, awa, shomo ishu kuni ne koro poho osurupa kuni chikoro ekashi orun wen no ikichi nisa ruwe ne na. 20Nei ita anak ne Mose shiko, aine, Kamui shiretok kon ruwe ne; 21awa, koro michi kot chisei ta re chup uturuta aoresu, orowa, asoinere chiki, Parao koro matnepo shinuma uk hine, yaikota koro poho korachi ioresu nisa ruwe ne. 22Orowa, Mose anak ne Echipt nroshirʼun utara koro wayashnu ambe gusu aepakashnu; aige, itak gusu ne yakka ki ikip gusu ne yakka shinuma kiroroashnu nisa. 23Koroka, shinuma tane tu hotne pa pakno pa poro ehange chiki, koro iriwak ne Israeru un utara hotanukara gusu arapa kuni keutum atte nisa. 24Awa, shinen aiwende shiriki nukara chiki, nei guru kikikara, aige, aepokba guru ikemnu wa nei Echipt moshiri un guru shirikik nisa ruwe ne: 25orowa, Kamui anak ne shinuma koro teke ani koro iriwak utara kashiobiuki kusu ne sekoro nei utara eraman kuni shinuma ramu nisa ruwe ne a koroka, erampeutek ruwe ne. 26Orowa nei shimge toho ta, nei utara ukoiki wa okai ita, shui, shinuma irenga ratchire kuni a ramu, aige ene itak-hi :— Nishpa utara, uiriwak utara echi ne; nep gusu utashpa iwende ruwe he ara? 27Koroka, nei a-un guru wende gurʼanak ne oyak un shinuma oputuye wa ene itak-hi :— Hunna eani ani un esapane wa koipishi guru ne kuni kara ya? 28Numan nei Echipt nroshirʼun guru e raige korachi e en raige rusui ruwe he an? 29Orowa, tap itak an gusu Mose kira, aige, Midian moshiri ta riya, awa, nei moshiri ta tu okkai poho sangere nisa ruwe ne. 30Aine, tu hotne pa epa chiki, paraparase hash abenui oshiketa nei nup otta an Sina nupuri ta Kamui hauturumbe shinuma orun yainukare nisa. 31Orowa, Mose anak ne nei anukarabe nukara chiki, gusu iyokunnure: awa, ingara gusu karange no ek chiki, 32Utarapa hawehe anu-hi :— Kuani anak ne e koro ekashi utara koro Kamui Ku ne, Abraham koro Kamui, Isaak newa Yakob koro Kamui Ku ne ruwe ne, ari hawashi. 33Orowa, Mose tusushke wa ingara kuni ishitoma ruwe ne. Awa, orota Utarapa ene itak-hi :— E kema wano keire pita yan: kata e ash ushike anak ne Ashkanne toi ne ruwe ne gusu ne na. 34Son no newa Kuani anak ne Echipt moshiri ta okai Ku goro uirup wen no akore ambe nukara hemhem ki, ashte oromande hawe nu hemhem Ku ki, awa, nei utara kashiobiuki gusu Ku ran ruwe ne: hetak, tane ek, aige, Echipt moshirʼotta e omande kusu ne, ari itak. 35Hunna eani un esapane wa koipishi guru ne kuni kara ya? ari an itak ani ye wa eshishi tan Mose anak, hash oshiketa, orota yainukare hauturumbe koro teke ani esapane guru newa kikirayep ne kuni gusu Kamui anak ne shinuma omande nisa ruwe ne. 36Tan guru anak ne nei utara tura, Echipt moshiri ta ne yakka Kokai atui otta ne yakka, samata, tu hotne pa uturuta nup otta ne yakka iyokunnure ikip newa shirosh ki nisa ruwe ne. 37En korachi, echi koro iriwak utara tumuge wano echi utara gusu Kamui anak ne uweingara guru hetukure kusu ne, ari an itak ani Israeru utara otta ye Mose anak ne tan guru ne ruwe ne. 38Tan guru anak ne Sina nupuri kata otta ye hauturumbe tura hene, chikoro ekashi utara tura hene, nup otta an uwe-kari ta an gunʼne; un otta koropare kuni ne shinuma anak ne ishu shongo akore nisa: 39chikoro ekashi utara anak ne shinuma orun koitaknu shomoki, koroka, yai orowa no oputuye wa sambe ani Echipt moshiri orun hosari, 40aige, Aaron otta ene itak-hi :— Un kotchaketa paye kuni Kamui kara yan: inambe gusu ne yakun, Echipt moshiri wano un tura tan Mose gusu anak ne, nekon a aki koro okai ya, chi erampeutek ruwe ne gusu ne na, ari itak. 41Awa, nei toho ta nei utara anak ne pon beko kara, aige, potoki orun yangep yange wa koro teke karape eyaikopuntek nisa ruwe ne na. 42Koroka, Kamui anak ne hosari, aige, kando topa otta yaishieiwangere kuni gusu nei utara yaikorere nisa; uweingara kambi kata chieshinnuye korachi ne :—
Aa Israeru chisei un utara, tu hotne pa uturu nup otta okai rapoketa
Echi utara anak ne iraye chikoikip newa yange kunip En orun yange nisa ruwe he an?
43Orowa, Morok koro kash newa
Repan Kamui koro nochiu echi uk,
Ongami gusu nei nokaha echi kon nisa:
Orowa, Babyronia moshiri ikushketa kuani echi tupte ash kusu ne na. 44Chikoro ekashi utara anak ne, nup otta Mose akashpaotte korachi, paweteshu gusu an kash koro, anukara nokaha an nei no akara tuni ne aki nisa. 45Orowa, chikoro ekashi utara ne yakka, nei okake uirup korope aeikeshkore ita Yesu tura nei arabe koro wa ek; Kamui anak ne Dabid toho pakno chikoro ekashi nan kotchake wa nei uirup okeuba nisa; 46nei Dabid anak ne Kamui tek-samata irenga koro, aine, otta Yakob koro Kamui oshiroma ushi pa kuni gusu koramkon nisa ruwe ne. 47Koroka, Soromon anak ne Shinuma gusu kenru kara. 48Yak a yakka, Iyotta Ri Ambe anak ne teke ani akara ushiketa shomo oshiroma ruwe ne; uweingara guru ye-hi korachi ne,
49Kando anak ne Ku goro amset ne,
Toitoi auak kashiketa Ku kemaha aude kunip ne:
En gusu nekon a kenru echi kara kusu ne ya? ari Utarapa itak:
Shui, otta Ku shini kuni ushike nekon a ambe ne ya?
50Ku goro teke anak ne obitta tap okaibe shomo kan nisa ruwe he an?
51Okkeu nitturinne sambe newa kisaraha shomo okarituye buri akire utara, ramina Ashkanne Ramat echi shishire ruwe ne: echi koro ekashi utara korachi, nei no echi ikichi ruwe ne. 52Echi koro ekashi utara shomo keshke uweingara utara inambe ne ruwe? Nei utara anak ne etoko wano ek kushki Oupeka Ambe gusu eupaskuma ki utara ronnu nisa ruwe ne; echi utara tane nei Oupeka Ambe ekoshi wa keweuk utara ne okere; 53hauturumbe aashte tuitak echi uina nisa, awa, shomo nei ambe shikkashima utara echi ne, ari Stepanos itak.
54Orowa, utara anak ne tap okaibe nu chiki, sarabe tuitui wa nimakihi ko-nirewe nisa ruwe ne na. 55Koroka, Stepanos anak ne Ashkanne Ramat ari aeshik wa kando orun yaikashioingara pirika, awa, Kamui nupeki nukara, samata, Kamui shimon tek-samata ash wa an Yesu nukanʼnisa ruwe ne; 56aige, ene itak-hi :— Ingarʼan, kando makke shiri ku nukara, Orowa, Kamui shimon tek-samata, Ainu Poho ash shiri ku nukanʼna, sekoro itak. 57Koroka, nei utara rui hawe ashte wa koro kisaraha chiseshke hine shineikinne shinuma tushtek no kopiuki; 58orowa, nei machiya orowa no eyomak wa otta shuma ani piyekara; orowa, paweteshu ikichi utara anak ne Sauros ari aye upen guru chikiri samata koro mipihi ande nisa ruwe ne. 59Stepanos anak ne, Utarapa Yesu ku ramat uk wa en kore ari an itak ani ye wa hawe ashte rapoketa shuma ani piyekan nisa ruwe ne. 60Awa, shinuma kokkaea hine poro hawe ani hawe ashte wa, Utarapa, tan katpak iteki nei utara kashiomare wa en kore, ani ye. Orowa, tap okaibe ye okere chiki shinuma mokonʼnisa ruwe ne.
ទើបបានជ្រើសរើសហើយ៖
Apostoro ikip oma kambi 7: AINU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© British and Foreign Bible Society 1897, 2018
