Apostoro ikip oma kambi 27
27
27 Ik.
1Orowa, nei utara Itaria moshiri orun atuitomotuye kuni aesanniyo okere chiki, Yurios ari an reihei koro Augusta ikiri un shine kenturion otta Pauros newa moshima okai epakashnu utara ekoshi nisa ruwe ne. 2Orowa, Asia atui-sam un kotan epeka gusu tane atuitomotuye kushki Adramittinom kotan un chip orun ahup chiki hopumba nisa ruwe ne, Tessaronike moshiri ta an Makedonia kotan un guru ne Aristarkos un tura no an ruwe ne. 3Nei shimge toho ta Sidon kotan ta akoshirepa ash: Yurios anak ne Pauros eramuhauge wa koro hine koro katairotke utara hotanukara wa yaieashirikara kuni ramuoshma nisa ruwe ne. 4Orowa, nei kotan wano hopumba ash wa atuitomotuye, aige, rera wen wa gusu Kupros kotan sempirike akush. 5Orowa, Kirikia newa Pampuria un atui akush chiki Rikia nroshirʼun Mira kotan ta koshirepa ash. 6Awa, nei ita kenturion anak ne Itaria orun paye kushki Ariksandria moshirʼun chip nukara chiki, otta un ore nisa ruwe ne. 7Orowa, inne toho uturu rera wen wa gusu noratchitara atuitomotuye wa an aine Knidos kotan samake araki ash chiki, Sarmone moshiri samta an Kuretos kotan sempirike akush; 8orowa hokamba no nei atui-sam tomotuye wa pirika Tomari ari aye ushike akoshirepa ash; Rasaia ari aye machiya nei ushike ehange ruwe ne na.
9Orowa, ohon no uturuta iki, aine, shomo ramnu ki arabe aokere wa tane paye ambe yaikipte ruwe ne gusu, Pauros nei utara onishnishi wa ene itak-hi :— 10Nishpa utara, tan atuitomotuye ambe gusu aiuninka newa poron no akoisamka ambe iki kusu ne na, chip shike gusu patek shomo ne, koroka, chi koro inotu gusu poka ne na, ari itak. 11Koroka, nei kenturion anak ne Pauros ye itak kasu no chip esapane guru newa chip koro guru otta ikokanu wa nu nisa ruwe ne. 12Orowa, mata uturuta riya kuni nei tomari pirika shomo ne wa gusu, nei ushike wano atuitomotuye hine neum poka aine Poineka kotan koshirepa wa mata riya kuni ne utara poro sereke onishnishi nisa ruwe ne; nei kotan anak ne Kuretos moshiri ta an matnau newa okoipok un rera oro epeka hosari wa an tomari ne ruwe ne. 13Orowa, okoipok un rera hauge no ash chiki, aoshitchiu arabe tane an ari yainu gusu, kaite yange wa Kuretos moshiri atui sam ehange no atuitomotuye nisa ruwe ne. 14Koroka, irukai tomta payekai koro, Eurakuron ari aye yupke rera nei i wano soyoshma: 15aige, chip aepeka gusu nei rera eun hosari eaikap chiki, rera ehose wa paye ash nisa ruwe ne na. 16Orowa, Kanda ari aye pon rupun shiri sempirike pash koro, an aine hokamba no pon chip uk eashkai: 17awa, nei ambe yange chiki, chip ikashiu gusu choropoke un tush akushte wa ani aeatyupu; orowa, Surtis kata ayange kuni ishitoma gusu kaya-ni omap rapte, aige, nei no rera ehose nisa ruwe ne. 18Orowa, shiariki no nei rerashiu gusu monraige ash, awa, nei shimge toho ta utara anak ne chip orowa no shikehe osurupa heashi: 19aige, rereko ikinne an toho ta yaikota koro tekehe ani chip otta aeyairamokotep osurupa nisa ruwe ne. 20Orowa, inne toho uturu tokap chup ne yakka nochiu ne yakka un kashi kotom shomoki gusu, samata, un otta saure shomo ne an rerashiu an gusu, tane kashichiobiuki kuni gusu an chipachipa ika aetaye nisa ruwe ne na. 21Orowa, ohonno uturuta shomo ramnu ki chiki, Pauros nei utara tumugeta ash wa ene itak-hi :— Nishpa utara, echi utara anak ne en orun ikokanu wa Kuretos wano shomo hopumba yak pirika na; yak anak ne tapan iunimbe newa akoisamka ambe isam nangon na. 22Tane echi ramu-ritetke kuni echi onishnishi ash: inambe gusu ne yakun, chip patek aisamka kusu ne, ainu rai shomoki kusu ne gusu ne na. 23Tan ukuran otta ku yaishieiwangere poka en koro Kamui koro hauturumbe anak ne en samaketa ash wa ene itak-hi :— 24Pauros, iteki ishitoma yan; eani anak ne Kaisaros kotchaketa ash kunip ne: orowa, ingarʼan, Kamui anak ne e tura no chip o utara obitta e kore nisa ruwe ne, ari itak. 25Tambe gusu, Nishpa utara, ramuritetke yan: en otta aye korachi hetuku kusu ne kuni ambe gusu kuani anak ne Kamui eishokon ruwe ne. 26Yakka, an repun-shiri a un ayange kunip ne mwe ne na.
27Orowa, inep ikashima wan anchikara ek an chiki, Adria atui kata ekeshne-ekeshne aehose rapoketa, an noshike pakita chip o utara anak ne nep moshiri koehange ruwe ne kunak yainu; 28awa, atui pakari chiki hotne hiro ne: orowa, naa pon no shiran ko shui pakari, 29aige, ashikne ikashima wan hiro ne ruwe ne. Orowa, ikineipeka watara ush atui sam kata ayange kuni koishitoma gusu chip osoro wa ine kaite range, orowa, nishat echipachipa nisa ruwe ne. 30Orowa, chip o utara anak ne chip sapa wa kaite range kuni shinere, koroka, pon chip range wa echaot kuni hunara chiki. 31Pauros nei kenturion newa tumi-koro utara otta ene itak-hi :— Chip oshiketa okai shomoki yakun echi kashichiobiuki eaikap ruwe ne. 32Orowa no, tumi-koro utara anak ne chip tush otuye wa chip hachire nisa ruwe ne. 33Orowa, tokap ek korʼan ita anak ne obitta no okai utara aep ibe kuni ne Pauros onishnishi wa ene itak-hi :— Nep ne yakka shomo echi ibe wa shomo ramnu ki wano ine ikinne ikashima wan ikinne an toho ne ruwe ne. 34Tambe gusu aep ibe kuni echi onishnishi ash ruwe nei tambe anat ne irammakaka echi okai kuni nep: echi sapa un otop-tu shinep poka aisamka shomoki kusu ne gusu ne na. 35Orowa, shinuma tambe ye okere chiki aep uina, orowa, obitta no okai utara kotchaketa Kamui koyaiiraige: aige, nei ambe meshpa wa ibe heashi nisa ruwe ne. 36Tata otta obitta no okai utara anak ne ramuritetke, orowa, yaikota aep ibe nisa ruwe ne na. 37Nei chip oshiketa okai utara pishki-hi anak ne tu ik newa iwan ikashima wan e ine hotne niu ne ruwe ne. 38Orowa, pakno ibe okere chiki atui orun oshiketa an mungi osurupa wa cbip koshnere nisa ruwe ne. 39Awa, tokap ne chiki nei moshiri eramushkari: koroka, otamoi an ush nukara wa nei kashiketa chip aehose eashkai ya ukoramkon nisa ruwe ne. 40Orowa, kaite apita wa atui oshiketa ande, shui, nei rapoketa kanchi tush ne yakka pita; orosama, chip sapa ta an kaya ashte wa atui sam oropeka paye. 41Koroka, tu atui uwetasa chiu an ushita paye chiki, chip otoitomeush; aige, chip sapa raoimoige eaikap pakno otoieush, awa, chip nanta riri yupkep epereke nisa ruwe ne. 42Orowa, ikineipeka ika ipakashnu utura tumuge un utara ma wa paye hine kira gusu, tumi-koro utara ronnu kuni eukoramkon nisa ruwe ne. 43Koroka, kenturion anak ne Pauros kaobiuki rusui gusu nei no ki kuni ambe eham; aige, ma eashkai utara atui un yaieyapkiri wa hoshiki no ya ta paye kuni kashpaotte nisa ruwe ne: 44orowa, moshima okai utara sereke ni kata hene sereke chip orowa no an okaibe kata hene paye ruwe ne. Aine, obitta no okai utara anak ne shiknu no ya ta koshirepa nisa ruwe ne na.
ទើបបានជ្រើសរើសហើយ៖
Apostoro ikip oma kambi 27: AINU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© British and Foreign Bible Society 1897, 2018
