Apostoro ikip oma kambi 28
28
28 Ik.
1Orowa, chi utara aeyaikaobiuki chiki, nei rep un shiri anak ne Merite ari ayep ne sekoro chi eraman. 2Awa, nei moshiri uirup anak ne pon no patek shomo ne an no un eramuhauge wa kore: aige, tane apto ash gusu hemhem me an gusu hemhem, abe are wa un obitta shopki nisa ruwe ne. 3Orowa, Pauros anak ne chikuni muye eumashnu wa abe kata are chiki, nei seisek mau wano shine paskuru okokko oashin wa shinuma koro teke yaikotukka nisa ruwe ne. 4Aige, nei kotan un uirup anak ne nei chikoikip shinuma koro teke wano ratki wa an ambe nukara chiki utashpa ene itak-hi :— Tan guru anak ne son no keweuk guru nangoro, atui orowa no aeyaiohaitare yakka, Oupeka nep anak ne shinuma shiknure shomoki ruwe ne, ari itak. 5Yakka, shinuma tek-taritari wa nei chikoikip abe oshiketa osura, aige, iuninka shomoki nisa ruwe ne. 6Koroka, shinuma hup kuni hene, ekushkonna rai wa hachiri kuni hene nei utara yainu nisa: koroka, ohon no uturuta nei no aramu yakka nep ka iuninka shomoki sekoro nukara chiki, yainu itasare wa, nei guru anak kamui ne ari itak nisa ruwe ne.
7Nei ushike samaketa Poprios ari an reihei koro nei rep-un-shiri un shine pase guru kot toi an ruwe ne; awa, nei guru anak ne un uk wa rereko uturuta un shopki nisa ruwe ne. 8Aige, Poprios koro michi anak ne seisek mau tashum newa oshke araka tashum ki wa hotke wa an ruwe ne: awa, otta Pauros ahun wa inonno-itak ki, orowa, kashita koro teke ande hine iwangere nisa ruwe ne. 9Orowa, tambe aki okere chi-ki nei repun shiri ta moshima okai tashum ki utara ne yakka araki wa aiwangere nisa: 10aige, nei utara poron no aeoripakbe ani un ainukoro; orowa, hopumba wa atuitomotuye chiki nep chi eishiramne okaibe chip otta omare nisa ruwe ne na.
11Orowa, re chup okere chiki nei repun shiri mata riya Dioskouros ari an reihei ari areikore Arikasandria un chip o wa atuitomotuye ash nisa ruwe ne. 12Awa, Surakousa kotan ta araki chiki nei ita rereko uturuta okai ruwe ne. 13Orowa, nei wano hopumba yakun Regios kotan ta akoshirepa: aige, shine to an chiki pikata rera hetuku, aine, tu ikinne an toho ta Potioros kotan ta araki ash: 14nei kotan ta iriwak utara anukara, awa, arawan rereko uturuta tura no reushi kuni akoramkon nisa: aige, nei no Roma kotan ta akoshirepa ash nisa ruwe ne. 15Awa, nei kotan ta okai iriwak utara anak ne un gusu an orushpe nu chiki, Appios Poros newa Trion Tabernon pakno un ekanok gusu araki nisa ruwe ne: aige, Pauros anak ne nei utara nukara yakun Kamui koyaiiraige wa yairametokte nisa ruwe ne.
16Orowa, Roma kotan ta ahup ash yakun, Pauros anak ne i pungi tumi-koro guru samake an wa yaitura oshironmre nisa ruwe ne.
17Rereko okake an koro shinuma anak ne Yudea un utara koro pase utara uwekarapare nisa ruwe ne: awa, uwekarapa wa okai chiki otta shinuma ene itak-hi :— Kuani, ku iriwak utara, nep ka ani utara epeka wen no iki shomoki, samata, chikoro kotan buri wen no epeka shomoki, yakka, Yerusarem kotan wano Roma un utara teke otta a en ekoshi an na: nei utara en koipishi okere yakun en honnere rusui, 18a en raige kuni ika en otta isam nisa ruwe ne gusu ne na. 19Koroka, Yudea un utara nei no an ambe kopan ari ye chiki, Kaisaros otta ku oman kuni ku koramkoro ambe moshima ene akari ka kam ruwe ne; orowa shui, ku goro uirup eiyonnuppa kuni arabe isam ruwe ne. 20Tambe gusu tan ikkewehe an gusu kuani echi nukara wa tura no ukoitak kuni ku koramkon nisa ruwe ne: inambe gusu ne yakun, Israeru un utara ki chipa-chipa arabe gusu tan shinkop ani a en tupetupe an ruwe ne gusu ne na. 21Orota ne utara ene itak-hi :— Aokai orushpe gusu Yudea moshiri wano kambi chi uina shomoki, samata, iriwak utara anak ne teda ek wa aokai gusu wen no ambe ye bene ki assuru ashte hene ki ta shomoki nisa ruwe ne. 22Koroka, aokai anak ne nekon a e yainu ya chi nu rusui; inambe gusu ne yakun, tan epakashi oma utara gusu anak ne nei ita ne yakka wen no aye ambe ne ruwe ne gusu ne na, ari itak.
23Orowa, nei utara anak ne toho esanniyo chiki, inne no shinuma reushi chisei ta araki nisa ruwe ne: awa, otta shinuma nei orushpe pita, aige, Kamui moshiri gusu paweteshu hemhem ki, kunneiwano orowa no onuman pakno Mose tuitak newa uweingarape wano Yesu korʼorushpe gusu onishnishi hemhem ki nisa ruwe ne. 24Orowa, utara sereke anak ne aye orushpe eishokoro, sereke anak eumbipka nisa ruwe ne. 25Orowa, nei utara anak ne uwe-shine keutum koro eaikap chiki, Pauros shine itak ye okaketa paye nisa ruwe ne; ene shinuma itak-hi :— Ashkanne Ramat anak ne Isaya ani echi koro ekashi otta ene itak-hi :—
26Tan uirup otta e arapa wa ene itak yan,
Inu wa echi nu koroka oara echi eraman shomoki kusu ne:
Ingara wa echi nukara koroka oara echi onnere shomoki kusu ne:
27Tan uirup koro sambe mimi-ush okere,
Koro kisara nu e wen,
Samata, ikineipeka ika koro shiki ani nukara; koro kisara ani nu.
Koro sambe ani eraman hine
Kanna hosari wa
Ku iwangere kuni ne
Koro shiki ukotukka nisa ruwe ne na.
28Tambe gusu tambe echi onnere yan, tan Kamui iki kashiobiuki ambe anak ne Oya utara otta aomande ruwe ne: nei utara anak ne nu poka ki kusu ne na.
30Orowa, shinuma ramme tu pa uturuta yaikota koro etun chisei ta oshiroma wa otta ahup obitta no okai utara shopki hine Kamui moshiri eupaskuma hemhem ki, 31poro rametok koro wa Utarapa ne Yesu Kiristo gusu an orushpe epakashnu hemhem ki, aige, nen ka hattoho ki guru isam ruwe ne na.
ទើបបានជ្រើសរើសហើយ៖
Apostoro ikip oma kambi 28: AINU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© British and Foreign Bible Society 1897, 2018
