Apostoro ikip oma kambi 26
26
26 Ik.
1Orowa, Pauros otta Agrippas :— Eani yaikota gusu itak sange yak pirika, ani an itak ani: itak nisa ruwe ne. Aige, Pauros anak ne koro teke turi wa yaikikkara itak sange arabe ene oka-hi :—
2Moshiri shikkashima Agrippas, gusu Yudea un utara en eiyonnuppa obitta no okai orushpe epeka tanto e kotchaketa ku yaikikkara gusu ku yaikopuntek ruwe ne: 3makangane aokai anak ne Yudea un utara tumugeta obitta no okai upahunara ambe newa buri gusu eramush guru e ne ruwe ne gusu ne na: tambe gusu, aokai yaiyupupu wa en nu kuni ku koramkoro. 4Ponram orowa ku shukup tuika anak ku goro uirup tumugeta hene Yerusarem kotan ta hene an wa nekon a ambe ne ya Yudea un utara obitta eraman ruwe ne; 5atpake wano nei utara en eamkiri, aige, paweteshu ki kuni aramu chiki, chikoro iyotta oupeka epakashi ta an Parisee un utara shikkashimap korachi ku kon nisa ruwe ne. 6Awa, chikoro ekashi utara otta Kamui eitakamkire gusu an chipachipa ambe gusu a en koipishi kuni ne tane ku ash ruwe ne; aige, gusu chikoro tun ikashima wan uirup anak ne kunne ne yakka tokap ne yakka shiarikiki no yaishieiwangere hine akore kuni chipachipa korʼan ruwe ne. 7Orowa, aa Moshiri shikkashima nishpa, tap chipachipa ambe gusu Yudea un utara orowa no a en eiyonnuppa ruwe ne. 8Kamui anak ne rai guru hetopo-shiknure yakun, hemanda gusu Aokai tap orushpe anak ne eumbipka kunip ne ari e esanniyo ya? 9Son no poka kuani yaikota ne yakka Nazaret kotan un Yesu sekorʼan reihei epeka inne keshkep ikichi ambe ku ki kunip ne sekoro ku yainu nisa. 10Awa, Yerusarem kotan ta nei no ku ki nisa ruwe ne: aine, Kamui kora kenru iyotta esapane utara orowa no mondum a en kore chiki, inne no okai ashkanne utara ipakashnu chisei ta ku ahupte hemhem ki, samata, nei utara aronnu chiki kuani ne yakka ramuoshma shirosh sange hemhem ku ki nisa ruwe ne. 11Orowa, kanna-kanna obitta no okai uwekarapa chisei ta nei utara ku panakte wa koatcha kuni ne ku ki nisa ruwe ne; orowa, nei utara gusu shi no ku koirushka gusu, oya kotan un machiya oro pakno poka ku keshke nisa ruwe ne na. 12Aige, Kamui kora kenru iyotta esapane utara sange mondum akore kunip ku koro wa Damaskos machiya orun ku payekai korʼan rapoketa, 13an Moshiri shikkashima Nishpa ru akush shiriki ita kando wano kotom tokap chup kasu no nupeki an pekere en okari newa en tura no payekai utara okari newa at shiri ku nukan nisa ruwe ne. 14Awa, chi utara obitta shiri kata hachiripa chiki, Hebrai un utara itak ari en otta ye hau ku nu-hi: ene hawe oka-hi :— Sauros, Sauros, nep gusu eani en keshke ruwe he an? Nei ai-o-kuwa enitomoshma ambe anak eani gusu hokambap ne, ari itak. 15Orowa, kuani ene itak-hi :— Aokai nen ne ya, Utarapa? Orowa, Utarapa ene itak-hi :— E keshke Yesu Ku ne ruwe ne. 16Koroka, e hopuni wa chikiri kata ash yan: inambe gusu ne yakun, tapan ikkeu gusu e orun Ku yainukare nisa, otta eani en nukara okere okaibe gusu hemhem eani otta Ku yainukare kusu ne okaibe gusu hemhem paweteshu hene ki otta eani aeyaishieiwangerere ash hene ki kusu kuni gusu ne na; 17samata, otta e omande ash uirup newa Oya utara wano Kuani e ohaitare ash, 18aige, nei utara kunne-i wano pekere otta hene, Satan koro kiroro wano Kamui otta hene ahosarire, aine, koro chikokatpak atusare hine En eishokoro ankushkerai gusu aashkannere utara tumta eikeshkorobe akore kuni ne ruwe ne gusu ne na, ari itak. 19Tambe gusu Moshiri shikkashima guru Agrippas, nei kando orowa no an anukarabe gusu seenne shomo koitaknu ku ki ruwe ne; 20koroka, hoshiki no Damaskos kotan un utara, orowa Yerusarem kotan newa Yudea moshiri shikapnekano okai utara, samata Oya un utara ne yakka yaikokatpak wa Kamui otta hosari hemhem ki, yaikokatpak kuni oupak buri hemhem ki kuni ne, otta ku ye nisa ruwe ne. 21Tap ikkewe an gusu Yudea un utara anak ne Kamui kora kenru ta en kishma, awa, en raige gusu iki nisa ruwe ne. 22Tambe gusu, Kamui orowa no an kaobiuki ankushkerai tanto pakno ku an wa pon utara otta ne yakka rupne utara otta ne yakka paweteshu ku ki ruwe ne, koroka, uweingara utara newa Mose ye ek kusu ne okaibe moshima shomo ku itak ruwe ne na; 23nei ambe anak ne Kiristo ayairamshitnere, aige, Shinuma hoshiki no rai orowa no hetopo-shiknu ambe gusu utara otta ne yakka Oya un utara otta ne yakka pekere eupaskuma ki kusu, ne ambe ne ruwe ne na.
24Orowa, tap korachi shinuma yaikikkara itak sange rapoketa, Festos anak ne rui hawe ani ene itak-hi :— Pauros, eani anak ne chiitasare wa an na; poron no eramush gusu achiitasarere ruwe ne. 25Koroka, Pauros ene itak-hi :— Aeoripak an Festos, kuani anak ne shomo chiitasare gunʼne; koroka, so ne an itak, keutum yaieashirikara gusu an itak ani ku ye ruwe ne. 26Aige, otta rametok-kon no ku ye Moshiri shikkashima guru tap okaibe eraman ruwe ne: shinuma gusu tap okaibe shinep ka anuina shomoki kunak ku eishokoro: inambe gusu ne yakun, tambe anak shikkiu otta aki ikip shomo ne ruwe ne gusu ne na. 27Moshiri shikkashima guru Agrippas, aokai anak ne uweingarape eishokon ruwe he an? Aokai eishokon ruwe ne sekoro ku eraman. 28Pauros otta Agrippas ene itak-hi :— Pon no ka en onishnishi wa Kiristian ani en kara kuni e ramu rusui ruwe ne. 29Pauros ene itak-hi :— Poron no ani ne yakka pon no ani ne yakka, aokai patek shomo ne, koroka, tanto en nu shiriki obitta no okai utara ne yakka, tap atupepeoktep moshima, en korachi ne akara kuni Kamui ku koramkon na, ari itak.
30Orowa, Moshiri shikkashima guru newa esapane guru newa Bernike anak ne tura no rok utara tura hopumba: 31aige, ekohopi wa paye hine ukoye wa ene itak-hi :— Tan guru anak ne araige gusu hene atupetupe gusu hene nep ne yakka ki a shomoki nisa ruwe ne. 32Orowa, Festos otta Agrippas ene itak-hi :— Tan guru anak ne Kaisaros orowa no akoipishi kuni koramkoro shomoki a yakun, ahonnere yak pirika ruwe ne.
ទើបបានជ្រើសរើសហើយ៖
Apostoro ikip oma kambi 26: AINU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© British and Foreign Bible Society 1897, 2018
