Uttawa 3
3
Nlhuku noweehana ashinna Musa
1Nihuku nimoka, ashinna Musa yaari achungaka nkutiro wo ikhondoro cha ahokohaya, Nayethro, opochera ishaani o Umidiyani. Ashinna Musa yahorweeha yoyo nkutiro uyo uthakoni mpata uneelha nchuwa, mpaka mwaako wo Horebu, weehaniye kaanyuma Sinai, mwaako wa Nlhuku. 2Paahi nnepa wa Apwiiya Nlhuku nkawaakhumelhelha thoko nlhimi no mooro naapharelha vantinjini. Ashinna Musa nkayoona ntinji nipharelhaka nansho nihiviaka. 3Ashinna Musa nkayeera, “Yelha ittu yo ushangiha! Nlhatuni no ntinji upharelha mooro nansho nihiviaka? Paahi etu kinoorukunuwa vano koone yelha ittu ilha.”
4Apwiiya Nlhuku yooneke wiira ashinna Musa anoochushera wiira awehe, aheehana wo ukhuma vantinjini vawo, “Namusa! Namusa!”
Ashinna Musa nkayaakhulha, “Aaah, mii va.”
5Apwiiya Nlhuku nkayeera, “Nhaatamerie vaa, nrulhe iratu chinyu, ukhalhawaya vakittu veneemelha inyu vawo vatakatifu. 6Mii phi Nlhuku a athumwaninyu, Nlhuku a Aburahimu, Nlhuku a Naisaka, ni Nlhuku a Nayakhobo.” Paahi ashinna Musa nkayeetiyelhelha wiitho, ukhalhawaya yahoova umwoona Nlhuku.
7Yamalheke Apwiiya Nlhuku nkayeera, “Kihoona ntwarusho ninaapatta attu aka arii Umisri. Kiheewa chinokunlhelha aya wo nlhatu no utwarushiya ni attu aneemelhelha mitheko aya. Kihochuwelha chineera aya wo uwereiya, 8ni mii kihokhuruwa wiira koopolhe ukhuma miono cha attu o Umisri, kaathamihe ukhuma uno, kaarwehe mpaka ilhapo yo chayira, inolhoka wo ulhimiya ni uhuwiya mihuwo. Ilhapo inokhalha Akanaani, Ahiti, Aamori, Aperizi, Ahivi, ilhapo ya Ayebusi. 9Kiheewa ikutto ya attu aka, kihoona utwarushiya unopangelhiya aya ni attu o Umisri ayo. 10Vano kinourumani wiira nrwee u Nafarao, mwaakumihe attu aka, achishaana a Aisraeli, athame Umisri.”
11Nansho ashinna Musa nkayaakhulha, “Ki mpani mii, mpaka kaarwelhe Nafarao ni waakumiha Aisraeli ilhapo yo Umisri?”
12Nlhuku nkaakhulha, “Mii kirii vamoka ni inyu. Nnowaakumiha Aisraeli awe yaakithimicha mii Nlhuku vachulhu ulha mwako ulha. Yeyo inowa wooniha wiira phi Mii kurummeni.”
13Vavawo, ashinna Musa nkayankoha Nlhuku, “Vanova, kaarwelhaka Aisraeli ni weerelha, ‘Nlhuku a manyaapwiiya inyu hokiruma uwaninyu,’ ni ayo yakikohaka, ‘Nchina nawe mpani?’ Kaakhulheke chani?”
14Nlhuku nkeerelha ashinna Musa, “MII, PHI MII KIRIWO. Mwaahimerieke, neehaniya, ‘MII KIRIWO hokiruma kiwe uwannyu.’ ”
15Tho, Nlhuku nkeerelha ashinna Musa, “Mwaahimerieke Aisraeli wiira, ‘Apwiiya Nlhuku, Nlhuku a manyaapwiiya inyu, Nlhuku a Aburahimu, a Naisaka ni a Nayakhobo, hokiruma uwannyu.’ Nna phi nchina naka mahuku o uhimalha, ni wo nenno phi nohalha aka wiihaniya ni iyari chonkhaye mahuku o uhimalha. 16Nrweeke mwaathukumaniheke ashulhupalhe o Aisraeli vamoka, mwaahimerieke wiira, Apwiiya Nlhuku ahokikhumelhelha. Nlhuku o manyaathumwaninyu, Nlhuku a Aburahimu, Nlhuku a Naisaka, Nlhuku a Nayakhobo, ni wiira, ‘Wo ikekhiaye kihoweha ni woona chinopangelhiya inyu Umisri uwo. 17Kiholhakelha wiira, kinoukumihani Umisri unotwarushachiya inyu ni urwehani ilhapo ya Akanaani, ilhapo ya Ahiti, ilhapo ya Aamori, ilhapo ya Aperizi, ilhapo ya Ahivi ni ilhapo ya Ayebusi. Ilhapo inolhoka ulhimiya ni uhuwelhiya mihuwo.’
18“Ni attu aka ayo anowiiwelhelhani. Ni inyu nrweeke vamoka ni ashulhupalhe a Aisraeli wa Nafarao ni weerelha, ‘Apwiiya Nlhuku a Aebraniya, ahokumaana ni hii. Paahi vano ninoulhepelhani wiira nnihiye nirwee nkwaha wo mahuku mararu uthakoni, wiira nakumihe isadaka wa Apwiiya Nlhuku ihu.’ 19Ni mii kihochuwelha wiira Nafarao ayo khanouhiyererani wiira nrwaache, mpaka vanohalha aya ukhanyererihiya wo machiri. 20Paahi mii kinowooniha machiri aka ni utwarusha ilhapo yo Umisri wo upanga chittu cho ushangiha cho woopiha wowo. Vanohalha aka upanga chiicho, anouhiyani wiira nrwee.
21“Ni mii kinowaapanga Amisri ayo ottuneni. Paahi anouvahani chittu vanohalha inyu uthama vawo, nhiwe mwaathama mathatharu. 22Vavawo, kila nthiyana Muebraniya noovekelhaka ittu wa namwaatamana awe Mmisri, ama nlheto nonkhalhana awe unupani wawe, ikaruma cho isiliva, cho idhahabu, ni ikuwo. Ni inyu nnowaawariha achishaana inyu ashilhopwana ni ashithiyana. Phi chiichammo chinohalha inyu ukusha mihakhu cha attu o Umisri.”
ទើបបានជ្រើសរើសហើយ៖
Uttawa 3: MOT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible Version in Makua @The Word for The World International and Makua Language translators. All rights reserved.