TIMOTHY KÜNAO 4
4
1I-e Jihova mu kürhüko mu küsako kütso küto Khrista Jisu mhüjülü, mu Pü vo küto mu P küdethi küto ri n ce a dzü khasü züho. 2Kütho dzüo po mi mütha ba zoyi, putütüce ri putütükümo ceri n tütso thi ba zoyi; sügüsühe mumi mütha mi küjo po mi müka ba zoyi, 3Kükrelamori mi dopüh kümütha dzü u sühkürhü thizo küzü kori rüni muta küto tüpüh vo zoto küzüla, süce sümi unyi müso no kümütha dzü unü unyüko phu küngu phiyito. 4Sio unyi sü kürüpüh küthoo thüra sü küthokümo dzü ceco va tato. 5Vee noe mha kühopüh lü zori n mülü müce bazoyi, kümüzheyi, dzüyi küve popüh mi kümütha kam thi ba zoyi, no yitho thito-o kübao thi tsü zoyi. 6Sio a zari küngüsü to-ü bate, tsüo I tata küto türi tso bate. 7Kümürhayo küzhoko dolü küvethoo lü I mizüh kümürha vo tsova, I mi züta küra ka küzülü I ta votsoyite, I a kümülü süh zoba tsoyite. 8Thayowi lü mhatho ba küyi püo khapüh a cü püh müzüte, Nepoo dzütho tü no mi kütso kütoo Pü tho tüsozho küzho nha vo küto u nüyo küzho khüko ri cü phrüto.
Paul pütho pula küpo dzüko
9No müzhe ace votato-o kezü lü n he thi bazote. 10Dema cejü hio lü zhüko vakhrü küzüla a khava no Thessolonia lü vote, Kresken Galatia lü mu Titus ri Damatia lüvo te. Luke lübi azü küba zote. 11No Mark rizü voyite; choyi küthi ceco I pula kümüve ngoyi zoto küzüla. 12Tsüo I Tukika kütsüpü Ephesus lü süve. 13No vo küto ce I thadzü akhü pü Troa lü Karpo belü sü küvao mu lüsidako bahuzori lüsi chüko müku no pü vote. 14Müsü rükriyo küzhoo Alekander a küdo swüü Nepo tho pu yi cüla süto. 15Nori pü yolü n ceriyite; kükrelamori pü adoko ngomu phi kütala. 16I a tho a rüle po kürao va mipüh ri ayo püh kütsüo mori a khava no tatsote. Nepoo po uko yolü süola mhapühri thihi. 17Vee sücesü Nepoo a tsüce ba athi muku süzo. Süosü kükrelamori apo Pü dzüo po tsüsü küto mu Judakümoko mütü pori süo sheyi küto lazo. Sino Pü losha ta lüri a süh külayi. 18Nepoo Pütho mha küshü kühopü lüri a külayi zoto. Sino a külazüh vo tüo küde lü süyi zoto. Pü po küchothe zapozale küthi-o thiyite. Amen.
Külüküsü
19Puskila mu Akila uni mu Onesifera celümi ri külusüte. 20Evasta-e Kornif lü bate; vee Trofima-e mhathi kütala apo pü khapüh Mileto lü süve. 21No tüsüh mhüdzü ace vo küto ri bazote. Eobolori Poden mu Lino anu Klaudia mu u züko mütüko risa külusüho. 22Nepoo pono n ropü zühba küyio thiyite. Ngokümüzheo porti n züh ba küyio thiyite.
ទើបបានជ្រើសរើសហើយ៖
TIMOTHY KÜNAO 4: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.