TITUS 1
1
1Paul Jihova choyi kethio, mu Jisu Khrista yitholü apostel mipü, Jihova kemelü la kedakeyio, kethoo seyi ketabi kemesazholü hü keta mipü. 2Kechothe kerhü meri keta Jihova lano, medakemo, cejü shudü kemolü jü phrapü kemeta. 3Vele pütü züde jüo zhopo kethilü tha meka kesü, khapü amelükeva, Jihova uko kelakeyi ukopo thino ketsü kesü jülü. 4Titus cekesü, atho anu kemelü zholü; ngomezhe kesü kekhrü, phikemezhe, mu kezükeve, Jihova celü kevori, u Po, Niepo Jisu Khrista ukelakeyio. 5Mhaco hiola n Crete lü nkha meta, n po mha umedo thikenyüko ketso kemesapü pütü thisü ketola u pethi mehiko kedapü nade metükolü süyi keto süla I n kedasü. 6Kehopüri mejova kesumi, ucemi pü lebi timi, unune kekha kemelülü ketami, mha kebü kemo, mifü zü kemu thikemo. 7Bishop sü mipo mejoyi kesumi, Jihova yitholü, utho umedo thita kemomi, thelü reda mhamha ta kemomi hezo kranyü ba kemomi, mhakebü kemomi, mhamesa kemo meho menyü kemomi. 8Vele reso kekhrümi, thüma keveko kekhrümi, rhorhü, jütho, mesa, krokrü de mhakelü mi; 9Pü metha kesübi kemelü jü khi metü keyimi, size lize jüpo kenyüko sheri pü thezho kemesa khipü süko tahitarho mu uko shuyi mu jürenu yi veto. 10Kekrelamori kekhayi keho, kemethu kemerü po kenyü mu mishu ketse ketako, yikerü poketako sheri sübiti kekro tate. 11Süko ta kekhava moze sü, uko cekro metü kebü pü tate, methazükemoko khi metha tate, mesakemo kemehola. 12Uko dolü saju kepo mipü poti, “Cretemiko, kecejümi kemedamiko zo, khonu kesuko, kemetsü mhati kenyümi,” 13Zhopo hio kengo kepo kethozo. Süla thüma hibiti kepoko kethi shusü ta mozesu, side uko po kemelü lü pütü thita ketola; 14Jew miko ketheju tiko po ketako yo menu hite, reni hite, mu thüma tho po keta thino züno po ketako, uko ketholü regü ta ketako. 15Kemesamila mha metü mesa, vele jü merho kevako melü mo ketako la mhapüri kemesa di; vele uko lüdo sheri ukelü sheri jü merho pü tate. 16Uko Jihova sele potayo, vele uko mhathoko lü süko mela tate, (Jihova sekemo thitate), uko keretse phikemero, mu mifü zü kemu, mu mhatho kevelü umelü revote.
ទើបបានជ្រើសរើសហើយ៖
TITUS 1: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.