TIMOTHY KÜNAO 3
3
Tüsozho thüla co thüma kühü zho
1Süzio tüsozho thülako lü kümüprü tü vo zoto küzü dzü süo sheyite. 2Sücesü thüma utho uzhozhü küphu, sühce rüka kümüho, kümüha kümüko, mikütha, ukrü dzü zükümo, mi kreyo kümo, müsakümo. 3U lüshü lüzhe küdi, hüyi küho, Sali küthi, utho ukükhayi kümo, uzhoshü swüküzü, küvengo unükümo, 4Kümüda, midzü rünyi yo kümo, kümüko küzü Ukümünupü kükhrü ceri utho unü unyü thinyü küzümi süto, 5Süko kütho külü müdeva siri pü kuku shemu tato. 6Siküzü miri thür tate, süko dolü humi gumülü mi cilü vo thüno udo küdiko shüyi tazü-e; thüno süko küshüthi küswü küba, uko münyü lu-o hio tho uko swü püh tate, 7Uko mi uko kümütha dzü she sheyo vee kütho mhashe ceco voyi chekümo krozo. 8Tsüo Jani mu Jambri uni thadzü Moses ngomu küta kümhai hiko ri küthoo ngomu yo; thüma süko uko xceco shüte, mu uko kümlü ceco ri kütho mote. 9Vee süko sa küzü prayiho; kükrelamori hini kümha süko künyo ri mi mütü po sheyi zoto küzüla,
Terho küsü dzü thükhako
10Siri noe I mi kümütha dzü, azho, amüdo, a kümülü, alü sügüsühe küzü, I mi kükhrü, I sügü pü tha küyi, 11Mipo a müthi müni küzü mu Antiok, Ikonia mu Lystra lü ayo phe küzüko kümha I kümüzhe küzüko sadzi thiyite, I kümüzhe küzü süko hüyite, mu süko mütüko lü Nepoo a küla yite. 12Süsü kümhai Khrista Jisu ceco kütho lüno hü kün khp mi u müthi müni züto. 13Vee thüma kürüzhü mu mi swü she küzhomi miswü mu miri uswü sino shü mamatato. 14Vee no popüh n müka küsüko mu shetü kütako thimu züzo bayite; kükrelamori no sopüh celü dzü sük sheyi süh, küzü sheba ta küzüla. 15Sizomori non natsi lü kümüsa lüsiko she yite. Khrista Jisu celü küpa kümülüo la süko tho thüdo thasü n müka no npo küla küyi ngoyi küve thiyiyo. 16Kütholüsi-e mütü Jihova celü haphra püh pa zo, mu süo kümütha la, mi tahi tarho kütola, mithi nve kütola mu mi küchü püh kütho ceco süyi kütola risa mu mi dzüve lazo, 17Sino kümünupü thüma po vet süyi no mhatho küve thiyi küshü thomi thiyiyo.
ទើបបានជ្រើសរើសហើយ៖
TIMOTHY KÜNAO 3: NAG5BSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Chakhesang Chokri Naga New Testament © Bible Society of India, 2015. Used by permission. All rights reserved worldwide.