ខគម្ពីរពេញនិយមពី யாத்திராகமம் 31

ចែក​រំលែក

“இதோ, நான் யூதா கோத்திரத்தைச் சேர்ந்த ஊர் என்பவனுடைய பேரனும் ஊரியின் மகனுமான பெசலெயேலைப் தெரிவுசெய்திருக்கின்றேன். நான் அவனை இறைவனுடைய ஆவியானவரால் நிரப்பி, ஞானத்தையும், புரிந்துகொள்ளுதலையும், அறிவுக்கூர்மையையும் கொடுத்து, கலையாற்றலுடன் தங்கத்திலும், வெள்ளியிலும், வெண்கலத்திலும் வேலை செய்வதற்கும், இரத்தினக் கற்களை வெட்டிப் பதிப்பதற்கும், மரத்தைச் செதுக்கி வேலை செய்வதற்கும், எல்லாவித கைவினையுள்ள வேலைகளையும் செய்வதற்கான திறமைகளைக் கொடுத்திருக்கிறேன்.

“நீ இஸ்ரயேலரிடம் சொல்ல வேண்டியது இதுவே: நீங்கள் என் சபத் ஓய்வுநாளைக் கைக்கொள்ள வேண்டும். உங்களைப் பரிசுத்தப்படுத்துகின்ற கர்த்தர் நானே என்பதை நீங்கள் தலைமுறை தோறும் அறியும்படி, இது உங்களுக்கும் எனக்கும் இடையில் ஒரு அடையாளமாய் இருக்கும்.

அது என்றென்றும் எனக்கும், இஸ்ரயேலருக்கும் இடையில் ஒரு அடையாளமாய் இருக்கும். ஏனெனில், கர்த்தர் வானங்களையும், பூமியையும் ஆறு நாட்களில் படைத்து, ஏழாம் நாளில் வேலை செய்யாமல் ஓய்ந்திருந்தார்.”